អ្នកពាក់ព័ន្ធមួយចំនួនដែលជាមេដឹកនាំអង្គការសង្គមស៊ីវិលនៅកម្ពុជាបានបង្ហាញក្តីព្រួយបារម្ភអំពីការបង្កកជំនួយនេះ ហើយអាចឈានទៅផ្តាច់ជំនួយទាំងស្រុង ដែលពួកគេថា វានឹងប៉ះពាល់ដល់ការជួយជ្រោមជ្រែងផ្នែកសិទ្ធិមនុស្ស លទ្ធិប្រជាធិបតេយ្យ និងការចូលរួមរបស់ប្រជាពលរដ្ឋនៅក្នុងសង្គមប្រជាធិបតេយ្យ។
ការប្រកាសបង្កកជំនួយរបស់សហរដ្ឋអាមេរិកក្រោមរដ្ឋបាលថ្មីរបស់លោក ដូណាល់ ត្រាំ (Donald Trump) កំពុងបង្កជាក្តីបារម្ភនិងផលប៉ះពាល់ដល់បណ្តាប្រទេសជាច្រើននៅជុំវិញពិភពលោក ក្នុងនោះរួមមានទាំងប្រទេសកម្ពុជាផងដែរ ជាពិសេសអង្គការសង្គមស៊ីវិល។
អ្នកនាំពាក្យក្រសួងសាធារណការ និងដឹកជញ្ជូន លោក ផន រឹម ប្រាប់វីអូអេថា ព្រែកជីកដែលមានប្រវែង ១៨០ គីឡូម៉ែត្រនេះ នឹងចាប់ផ្តើមជីកក្នុងពេលឆាប់ៗខាងមុខ។ ប៉ុន្តែលោកមិនបានបញ្ជាក់ពីពេលវេលាជាក់លាក់ថានឹងចាប់ផ្តើមពេលណានោះទេ។
អ្នកកាសែតលោក អ៊ុង ថាប់រាំង ត្រូវបានសាលាដំបូងខេត្តបន្ទាយមានជ័យផ្តន្ទាទោសចំពោះការរាយការណ៍ព័ត៌មានពាក់ព័ន្ធនឹងការសង្ស័យនៃការប្រព្រឹត្តអំពើពុករលួយរបស់មន្ត្រីពីររូបដោយយោងតាមប្រភពព័ត៌មានពីប្រជាពលរដ្ឋ។
កញ្ញា ភឹង សោភ័ណ បងស្រីរបស់កញ្ញា ភឹង សោភា ដែលនៅបន្តជាប់ឃុំ សង្ឃឹមថា តុលាការនឹងពិចារណាដោះលែងប្អូនស្រីរបស់ខ្លួននិងសកម្មជនដទៃទៀត បន្ទាប់ពីមានការដោះលែងសកម្មជនមួយចំនួនកាលពីពេលថ្មីៗនេះ។
សមយុទ្ធនាគមាសឆ្នាំ២០២៥ នឹងផ្ដោតសំខាន់លើប្រធានបទ«ប្រតិបត្តិការប្រឆាំងភេរវកម្ម និងការងារមនុស្សធម៌»ដូចប្រធានបទឆ្នាំ ២០២៤ ដែរ ខណៈសមយុទ្ធឆ្នាំនេះមានលក្ខណៈជាការវាយលុកដណ្តើមយកទីតាំងភេរវករ និងការរំដោះចំណាត់ខ្មាំង។ នេះបើតាមអ្នកនាំពាក្យអគ្គបញ្ជាការដ្ឋានកងយោធពលខេមរភូមិន្ទ។
នៅក្នុងជំនួបជាមួយរដ្ឋមន្ត្រីការបរទេសកម្ពុជាលោក ប្រាក់ សុខុន ឯកអគ្គរដ្ឋទូតបារាំងប្រចាំនៅកម្ពុជានាពេលថ្មីៗនេះបានលើកឡើងពីការយកចិត្តទុកដាក់ចំពោះករណីស៊ើបអង្កេតលើឃាតកម្មលោក លិម គិមយ៉ា ដែលត្រូវបានខ្មាន់កាំភ្លើងបាញ់សម្លាប់នៅទីក្រុងបាងកកកាលពីដើមខែមករានេះ។
អ្នកជំនាញអះអាងថា សៀវភៅនេះនឹងបណ្តុះទម្លាប់ដល់អ្នកប្រើប្រាស់អ៊ីនធឺណិត និងបច្ចេកវិទ្យាឌីជីថលឲ្យបង្កើនការប្រុងប្រយ័ត្ន និងមានការទទួលខុសត្រូវតាមរយៈការកំណត់ពីអាកប្បកិរិយា ហានិភ័យ និងគ្រោះថ្នាក់នៃការកេងប្រវ័ញ្ចផ្លូវភេទកុមារតាមប្រព័ន្ធអនឡាញ។
ក្រសួងបរិស្ថានបានប្រកាសជាសាធារណៈនៅថ្ងៃសុក្រថា គុណភាពខ្យល់ទីក្រុងភ្នំពេញ និងខេត្តមួយចំនួនស្ថិតក្នុងសន្ទស្សន៍ខ្យល់ពណ៌ក្រហម ដោយមានការកើនឡើងកំហាប់ភាគល្អិតនិចល ដែលមានវិជ្ជមាឌតូចជាង ឬស្មើ២,៥មីក្រូម៉ែត្រ (PM25) នៅក្នុងបរិយាកាស។
បន្ទាប់ពីលោកដូណាល់ ត្រាំ Donald Trump បានចូលកាន់តំណែងជាប្រធានាធិបតីជាថ្មីម្តងទៀតរបស់សហរដ្ឋអាមេរិក អ្នកជំនាញនយោបាយអន្តរជាតិបានវាយតម្លៃថា ទំនាក់ទំនងកម្ពុជានិងអាមេរិកនឹងមិនមានអ្វីផ្លាស់ប្តូរជាដុំកំភួន ខណៈលោក Trump មានកិច្ចការជាច្រើនដែលត្រូវដោះស្រាយ។
ប្រទេសកម្ពុជានៅមិនទាន់ទទួលបានការបន្តឡើងវិញនូវឋានៈអនុគ្រោះពន្ធ GSP របស់សហរដ្ឋអាមេរិក ដែលអ្នកជំនាញផ្នែកពាណិជ្ជកម្មថា មានប្រយោជន៍ច្រើនដល់ការប្រកួតប្រជែងរបស់កម្ពុជា។
បន្ទាប់ពីឃុំខ្លួនបានមួយរយៈដោយសារតែការរិះគន់គម្រោង CLV-DTA ដ៏ចម្រូងចម្រាសនោះ មនុស្សរាប់សិបនាក់ ត្រូវបានដោះលែងវិញក្នុងរយៈពេលប៉ុន្មានថ្ងៃចុងក្រោយនេះ ក្រោមហេតុផលមួយចំនួនដូចជាការដកខ្លួនរបស់កម្ពុជាពីគម្រោងអភិវឌ្ឍន៍ត្រីភាគីមួយនេះ។
ព័ត៌មានផ្សេងទៀត
No media source currently available
