ប្រទេសថៃកំពុងសិក្សាលើគំនិតនៃការសាងសង់ជញ្ជាំងនៅតាមព្រំដែនរបស់ខ្លួនជាប់ប្រទេសកម្ពុជាដើម្បីរារាំងការឆ្លងដែនខុសច្បាប់ ស្របពេលដែលកិច្ចប្រឹងប្រែងពហុជាតិក្នុងការកម្ទេចបណ្ដាញមណ្ឌលឆបោកតាមអនឡាញខុសច្បាប់កើនឡើង។ នេះបើយោងតាមសេចក្ដីរាយការណ៍របស់ទីភ្នាក់ងារសារព័ត៌មាន Reuters ដែលយោងលើការបញ្ជាក់របស់រដ្ឋាភិបាលថៃនៅថ្ងៃចន្ទនេះ។
ការបង្ក្រាបនេះគឺធ្វើឡើងយ៉ាងទូលំទូលាយលើមណ្ឌលឆបោកដែលប្រើអ៊ីនធឺណិតទាក់ទងជនរងគ្រោះនិងធ្វើការឆបោកហិរញ្ញវត្ថុដ៏ច្រើនសន្ធឹកសន្ធាប់។ មណ្ឌលឆបោកទាំងនោះមានទីតាំងនៅតំបន់អាស៊ីអាគ្នេយ៍ ជាពិសេសនៅតាមបណ្ដោយព្រំដែនចន្លោះប្រហោងជាប់នឹងមីយ៉ាន់ម៉ានិងកម្ពុជា ដែលមនុស្សរាប់សែននាក់ត្រូវបានក្រុមជនអន្ធពាលជួញដូរក្នុងពេលប៉ុន្មានឆ្នាំថ្មីៗនេះ។ នេះបើយោងតាមអង្គការសហប្រជាជាតិ។
កាលពីចុងសប្ដាហ៍កន្លងទៅនេះ ប៉ូលិសថៃទទួលបានជនជាតិថៃ ១១៩ នាក់ពីអាជ្ញាធរកម្ពុជា បន្ទាប់ពីមានការសម្រុកចូលឆែកឆេរនៅក្រុងប៉ោយប៉ែតដោយរំដោះមនុស្សបានជាង ២១៥ នាក់ពីមណ្ឌលឆបោក។
អ្នកនាំពាក្យរដ្ឋាភិបាលកម្ពុជាបានបដិសេធមិនផ្ដល់អត្ថាធិប្បាយលើសំណើសាងសង់ជញ្ជាំងព្រំដែនរបស់ថៃនេះ ហើយអ្នកនាំពាក្យក្រសួងការបរទេសកម្ពុជាមិនបានឆ្លើយតបភ្លាមៗចំពោះសំណើសុំអត្ថាធិប្បាយនោះទេ៕
ថៃកំពុងពិនិត្យមើលលទ្ធភាពសង់ជញ្ជាំងព្រំដែននឹងកម្ពុជា
វេទិកាបញ្ចេញមតិ