លោក Nicholas Burns បានធ្វើអត្ថាធិប្បាយដូច្នេះតែប៉ុន្មានសប្តាហ៍ប៉ុណ្ណោះ មុនពេលរដ្ឋមន្ត្រីការបរទេសចិនលោក Wang Yi មកដល់សហរដ្ឋអាមេរិកដើម្បីចូលរួមកិច្ចប្រជុំជាមួយមន្ត្រីរដ្ឋបាលអាមេរិកស្តីពីពាណិជ្ជកម្មទ្វេភាគី បញ្ហាថ្នាំញៀន fentanyl និងប្រធានបទផ្សេងទៀត។
ប្រធានាធិបតីអាមេរិក លោក Joe Biden បាននិយាយថា «យើងគាំទ្រអ៊ីស្រាអែល» បន្ទាប់ពីពួកសកម្មប្រយុទ្ធហាម៉ាស់បានវាយប្រហារអ៊ីស្រាអែលកាលពីចុងសប្តាហ៍ ដោយបានសម្លាប់មនុស្សជាង ១.០០០នាក់ រួមទាំងជនជាតិអាមេរិកយ៉ាងតិច ១៤ នាក់។
អ្នកកាសែតអូស្ត្រាលីដើមកំណើតចិនម្នាក់ដែលត្រូវបានផ្ដន្ទាទោសក្រោមបទចោទប្រកាន់មិនច្បាស់លាស់រឿងចារកម្មនិងត្រូវបានឃុំឃាំងនៅក្នុងប្រទេសចិនអស់រយៈពេល ៣ ឆ្នាំ បានត្រឡប់ទៅកាន់ប្រទេសអូស្ត្រាលីវិញហើយ។ នេះបើតាមការបញ្ជាក់របស់នាយករដ្ឋមន្ត្រីអូស្ត្រាលីលោក Anthony Albanese នៅថ្ងៃពុធនេះ។
ចំនួនមនុស្សស្លាប់នៅខាងភាគីអ៊ីស្រាអែលមកពីការវាយប្រហាររបស់ក្រុមហាម៉ាស់ (Hamas) ដែលបានចាប់ផ្តើមកាលពីថ្ងៃសៅរ៍សប្តាហ៍មុនបានកើនឡើងដល់១.២០០នាក់ ភាគច្រើនជាជនស៊ីវិល ដោយមានមនុស្ស២.៧០០នាក់ផ្សេងទៀតបានរងរបួស។
នៅក្នុងការពិភាក្សាជាមួយនឹងបណ្ដារដ្ឋមន្ត្រីការពារជាតិនៃអង្គការអូតង់ (NATO) នៅក្នុងទីក្រុងព្រុចសែល ប្រទេសបែលហ្ស៊ិក ប្រធានាធិបតីអ៊ុយក្រែនលោក Volodymyr Zelenskyy បានអំពាវនាវសុំជំនួយយោធាជាប្រព័ន្ធការពារដែនអាកាស កាំភ្លើងធំ និងគ្រាប់រំសេវ។
ការវាយប្រហារតាមអាកាសរបស់អ៊ីស្រាអែលបានបន្តវាយលើតំបន់ហ្គាហ្សាកាលពីថ្ងៃអង្គារ ខណៈដែលគ្រាប់រ៉ុក្កែតកំពុងត្រូវបានបាញ់ចេញពីតំបន់ហ្គាហ្សា ចូលទៅក្នុងប្រទេសអ៊ីស្រាអែល ដែលបណ្តាលឱ្យ ចំនួនអ្នកស្លាប់កើនឡើងនៅសងខាងព្រំដែន។
មហាសន្និបាតអង្គការសហប្រជាជាតិនឹងរៀបចំការបោះឆ្នោតមួយនៅថ្ងៃអង្គារនេះសម្រេចថាតើនឹងអនុញ្ញាតឱ្យរុស្ស៊ីចូលជាសមាជិកក្រុមប្រឹក្សាសិទ្ធិមនុស្សអ.ស.ប.វិញ ឬក៏អត់ ក្នុងពេលជិតពីរឆ្នាំក្រោយមកបន្ទាប់ពីខ្លួនបានដកប្រទេសនេះចេញពីក្រុមប្រឹក្សានេះ ក្រោយពេលដែលរុស្ស៊ីបានឈ្លានពានអ៊ុយក្រែន។
អ៊ីស្រាអែលបានបញ្ជាក់នៅថ្ងៃអង្គារនេះថា យោធារបស់ខ្លួនបានវាយប្រហារលើគោលដៅរាប់រយកន្លែងនៅក្នុងតំបន់ Gaza កាលពីយប់មិញ គឺក្នុងពេលប៉ុន្មានម៉ោងក្រោយមកបន្ទាប់ពីលោក Benjamin Netanyahu បាននិយាយថា កងកម្លាំងប្រទេសរបស់លោក «ទើបចាប់ផ្ដើម» ប្រយុទ្ធតតាំងនឹងក្រុមជនសកម្មប្រយុទ្ធហាម៉ាស់វិញ។
សេចក្តីប្រកាសមួយដែលត្រូវបានចេញផ្សាយដោយការិយាល័យព័ត៌មានរបស់លោក បានឱ្យដឹងថា៖ «លោកប្រធានាធិបតី Erdogan បានថ្លែងថា ប្រទេសតួកគីកំពុងប្រឹងប្រែងបញ្ចប់ជម្លោះនៅក្នុងតំបន់ ហើយធានាភាពស្ងប់ចិត្តតាមតែអាចធ្វើទៅបាន»។
លោកបានថ្លែងនៅក្នុងសន្និសីទសារព័ត៌មានមួយកាលពីថ្ងៃចន្ទថា៖ «ស្ថានភាពមនុស្សធម៌នៅតំបន់ហ្គាហ្សាមានស្ថានភាពយ៉ាប់ខ្លាំង មុនពេលការប្រយុទ្ធគ្នាទាំងនេះ។ ហើយបច្ចុប្បន្ននេះ វានឹងកាន់តែយ៉ាប់ខ្លាំងជាងមុនទៀត»។
លោក Yoav Gallant រដ្ឋមន្ត្រីការពារជាតិអ៊ីស្រាអែល កាលពីថ្ងៃចន្ទ បានបញ្ជាឱ្យមាន«ការវាយដណ្តើមគ្រប់គ្រងទាំងស្រុង»លើតំបន់ហ្គាហ្សា ដោយលើកឡើងថា អាជ្ញាធរអាចនឹងកាត់ផ្តាច់ចរន្តអគ្គិសនី និងរាំងខ្ទប់ការនាំចូលម្ហូបអាហារនិងប្រេងសាំង។
លោក ចាន់ ឧត្តម បានស្ថិតនៅតំបន់ Kibbutz ក្នុងប្រទេសអ៊ីស្រាអែល ដែលនៅក្បែរតំបន់ Gaza ដើម្បីសិក្សាផ្នែកពេទ្យសត្វ។ លោកទើបតែបានធ្វើដំណើរទៅតំបន់នោះរយៈពេលជាងពីរសប្តាហ៍តែប៉ុណ្ណោះ មុនពេលជីវិតរបស់លោកត្រូវបានឆក់យកទៅដោយសារការវាយប្រហាររបស់ក្រុមប្រដាប់អាវុធ Hamas។
ព័ត៌មានផ្សេងទៀត
No media source currently available
