លោក ថេង សាវឿន ប្រាប់វីអូអេនៅថ្ងៃពុធថា តុលាការមិនទាន់ទម្លាក់បទចោទលើរូបលោក និងសហការីទាំង២នាក់នៅឡើយទេ។
គណបក្សភ្លើងទៀនបានអះអាងថា ខ្លួនបានព្យាយាមស្វែងរកដំណោះស្រាយដោយស្នើសុំសេចក្តីចម្លងដែលមានបញ្ជាក់នីត្យានុកូលកម្មនៃប្រកាសលេខ១៩៣ពីក្រសួងមហាផ្ទៃ ប៉ុន្តែមិនទទួលបានតាមការស្នើសុំ។
និស្សិតប៉ាពូអាស៊ីនូវែលហ្គីណេបានលើកឡើងពីការព្រួយបារម្ភ និងទាមទារឱ្យកិច្ចព្រមព្រៀងនេះមានការត្រួតពិនិត្យជាសាធារណៈ និងមានតម្លាភាព មុនពេលវាត្រូវបានចុះហត្ថលេខា។
បេសកជនពិសេសរបស់ប្រទេសចិនលោក Li Hui បានធ្វើដំណើរទៅដល់ទីក្រុងកៀវនៃប្រទេសអ៊ុយក្រែនកាលពីពាក់កណ្ដាលខែឧសភាកន្លងទៅនេះ ដើម្បីពិភាក្សាអំពីកិច្ចប្រឹងប្រែងរបស់ប្រទេសចិននៅក្នុងការសម្របសម្រួលរវាងប្រទេសរុស្ស៊ីនិងអ៊ុយក្រែន។
រដ្ឋមន្ត្រីក្រសួងពាណិជ្ជកម្មអាមេរិកអ្នកស្រី Gina Raimondo បានជួបជាមួយសមភាគីចិនរបស់អ្នកស្រីគឺលោក Wang Wentao កាលពីថ្ងៃព្រហស្បតិ៍ ទី២៥ ខែឧសភា ដែលនេះជាកិច្ចប្រជុំកម្រិតគណៈរដ្ឋមន្ត្រីលើកដំបូងក្នុងរយៈពេលប៉ុន្មានខែរវាងប្រទេសដែលមានសេដ្ឋកិច្ចធំបំផុតក្នុងពិភពលោកទាំង២។
ក្រសួងការពារជាតិសហរដ្ឋអាមេរិកថា ខ្លួនជឿទៅលើការប្រាស្រ័យទាក់ទងដោយបើកចំហ «ដើម្បីធានាថាការប្រកួតប្រជែងមិនធ្លាក់ក្នុងជម្លោះ»។
កាលពីសប្តាហ៍មុន សហរដ្ឋអាមេរិកនិងកូរ៉េខាងត្បូង បានចាប់ផ្តើមធ្វើសមយុទ្ធយោធារួមគ្នាដ៏ធំមួយ ដែលមានរយៈពេល៣សប្តាហ៍។
ខណៈលោកនាយករដ្ឋមន្រ្តី ហ៊ុន សែន កំពុងរៀបចំឱ្យកូនប្រុសរបស់លោកធ្វើជានាយករដ្ឋមន្រ្តីជំនួសរូបលោក លោកឱ្យដឹងថា លោកនៅតែជាមេដឹកនាំគណបក្សប្រជាជនកម្ពុជា ហើយនៅតែគ្រប់គ្រងនយោបាយកម្ពុជា ទោះមិនធ្វើជានាយករដ្ឋមន្រ្តីក៏ដោយ។
នៅពេលប្រទេសកម្ពុជាកំពុងឆ្ពោះទៅរកការបោះឆ្នោតជ្រើសតាំងតំណាងរាស្ត្រសម្រាប់នីតិកាលទី៧ នៅខែកក្កដាខាងមុខនេះ មេដឹកនាំនយោបាយជំទាស់សំខាន់មួយរូបគឺលោក សម រង្ស៊ី បានចាប់ផ្តើមបំពេញទស្សនកិច្ចនៅប្រទេសប្រជាធិបតេយ្យធំៗក្នុងតំបន់អាស៊ីអាគ្នេយ៍ ដូចជាឥណ្ឌូណេស៊ី និងម៉ាឡេស៊ីជាដើម។
ប្រទេសរុស្ស៊ីបានធ្វើនូវអ្វីដែលមន្ត្រីអ៊ុយក្រែនបានហៅថាជា«ការវាយប្រហារខ្លាំងក្លា» នៅព្រឹកថ្ងៃអង្គារនេះសំដៅលើទីក្រុងកៀវដោយប្រើដ្រូនជាង ២០ គ្រឿងដែលផ្នែកការពារដែនអាកាសរបស់អ៊ុយក្រែនបានបាញ់ទម្លាក់។
អ្នកនាំពាក្យតុលាការ លោក កែវ ពិសិដ្ឋ ប្រាប់វីអូអេនៅថ្ងៃអង្គារនេះថា ចៅក្រមស៊ើបសួរសម្រេចឱ្យបុគ្គលទាំង៣នៅក្រៅឃុំបណ្តោះអាសន្ន។ ប៉ុន្តែលោកមិនអាចបញ្ជាក់ថា តើមានលក្ខខណ្ឌអ្វីចងភ្ជាប់លើពួកគេទេ។ លោកបញ្ជាក់ថា នេះមិនមែនជាការទម្លាក់ចោលការចោទប្រកាន់លើពួកគេឡើយ។
គណបក្សភ្លើងទៀនបានចេញផ្សាយសេចក្តីពន្យល់មួយទៅកាន់សាធារណជនថា គណបក្សបានព្យាយាមស្វែងរកដំណោះស្រាយ ដោយស្នើសុំច្បាប់ចម្លងពីក្រសួងមហាផ្ទៃ ប៉ុន្តែគណបក្សមិនទទួលបានដូចបំណង។ គណបក្សបញ្ជាក់ថា ខ្លួនមិនមានបំណងមិនចូលរួមការបោះឆ្នោតនាខែកក្កដា ដូចការអះអាងរបស់លោកនាយករដ្ឋមន្រ្តី ហ៊ុន សែន ឡើយ។
ព័ត៌មានផ្សេងទៀត
No media source currently available
