អ្នកវិភាគនយោបាយ លោក សេង សារី ប្រាប់វីអូអេថា គណបក្សភ្លើងទៀនអាចនឹង មិនបានចូលរួមការបោះឆ្នោតជាតិឆ្នាំ ២០២៣ នេះ ប្រសិនបើគណបក្សនេះធ្វើឱ្យមានកំហុសខ្លួនឯង ទាក់ទងនឹងឯកសារសម្រាប់ការចុះបញ្ជីឈ្មោះនៅ គ.ជ.ប។
យ៉ាងណាក៏ដោយ លោក សាម អ៊ីន អតីតអគ្គលេខាធិការនៃគណបក្សប្រជាធិបតេយ្យមូលដ្ឋាន បានអះអាងថា បើការចុះចូលរបស់លោកមិនអាចធ្វើអ្វីបានសម្រាប់ការរីកចម្រើននៃប្រទេសជាតិ លោកនឹងលាឈប់ពីតួនាទីនេះ ហើយចូលនិវត្តន៍តែម្តង។
ក្រសួងសុខាភិបាលស៊ូដង់ឱ្យដឹងថា មានមនុស្សជាង ៥០០ នាក់ ត្រូវបានសម្លាប់ ហើយមនុស្សជិត ៥.០០០ នាក់ បានរងរបួសចាប់តាំងពីការប្រយុទ្ធគ្នា ចាប់ផ្តើមកាលពីថ្ងៃទី ១៥ ខែមេសាកន្លងទៅ។
តុលាការព្រហ្មទណ្ឌអន្តរជាតិ កាលពីខែមីនាកន្លងទៅ បានចេញដីកាចាប់ខ្លួនលោក Putin ពីបទឧក្រិដ្ឋកម្មសង្គ្រាមមួយ ពាក់ព័ន្ធនឹងការផ្ទេរនិងបញ្ជូនកុមារអ៊ុយក្រែនទៅកាន់ប្រទេសរុស្ស៊ី។
គណបក្សភ្លើងទៀនដែលត្រូវបានគេចាត់ទុកថាជាដៃគូប្រជែងជាមួយនឹងគណបក្សកាន់អំណាចរបស់លោកនាយករដ្ឋមន្ត្រី ហ៊ុន សែន សង្ឃឹមលើសំឡេង«គាំទ្រលាក់មុខ» ពីក្រុមអ្នកបោះឆ្នោតដែលយកចិត្តទុកដាក់លើបញ្ហាអយុត្តិធម៌សង្គម ការបំពានអំណាចនិងអំពើពុករលួយ ដើម្បីទទួលជ័យជម្នះសម្រាប់ការបោះឆ្នោតឆ្នាំនេះ។
ទស្សនកិច្ចរយៈពេលពីរថ្ងៃ ដែលនឹងចាប់ផ្ដើមនៅថ្ងៃអាទិត្យខាងមុខនេះ គឺជាទស្សនកិច្ចទ្វេភាគីលក្ខណៈផ្លូវការដំបូងបង្អស់របស់មេដឹកនាំជប៉ុនទៅកាន់ទីក្រុងសេអ៊ូល ក្នុងរយៈពេលជាងមួយទសវត្សរ៍កន្លងមកនេះ។
កាលពីថ្ងៃពុធម្សិលមិញ អគ្គលេខាធិការអង្គការសហប្រជាជាតិ លោក Antonio Guterres បានអំពាវនាវឱ្យមានការបញ្ឈប់ការប្រយុទ្ធគ្នាក្នុងប្រទេសស៊ូដង់ និងឱ្យមានការគាំទ្រអន្តរជាតិដល់ប្រជារាស្ត្រស៊ូដង់ ដែលលោកបាននិយាយថា កំពុងប្រឈមនឹងមហន្តរាយមនុស្សធម៌។
រដ្ឋាភិបាលរុស្ស៊ីបានអះអាងកាលពីថ្ងៃពុធថា អ៊ុយក្រែនបានបាញ់ដ្រូនពីរគ្រឿងដាក់វិមានប្រធានាធិបតីរុស្ស៊ីរបស់លោក Vladimir Putin កាលពីយប់ ប៉ុន្តែថា ទីភ្នាក់ងារសន្តិសុខបានបង្អាក់ដ្រូនទាំងនោះ ហើយលោកPutin មិនមានរងរបួសអ្វីទេ។
អគ្គលេខាធិការស្តីទីគណបក្សភ្លើងទៀន លោក គង់ មុនីកា ប្រាប់វីអូអេនៅថ្ងៃព្រហស្បតិ៍នេះថា គណបក្សត្រូវតែចូលរួមក្នុងដំណើរការបោះឆ្នោតខាងមុខនេះ បើទោះបីមកទល់ពេលនេះមិនទាន់ទៅចុះបញ្ជីគណបក្ស និងបេក្ខជននៅ គ.ជ.ប ឬមានឧបសគ្គរារាំងយ៉ាងណាក៏ដោយ។
ការប្រយុទ្ធគ្នាជាបន្តរវាងក្រុមទាហានប្រជែងគ្នាពីរនៅក្នុងប្រទេសស៊ូដង់បានធ្វើឱ្យប៉ះពាល់ដល់កិច្ចប្រឹងប្រែងដើម្បីពង្រឹងកិច្ចឈប់បាញ់គ្នានៅថ្ងៃពុធនេះ ស្របពេលដែលមន្ត្រីជាន់ខ្ពស់អង្គការសហប្រជាជាតិម្នាក់បានធ្វើដំណើរទៅដល់ប្រទេសស៊ូដង់
សកម្មជនល្បីឈ្មោះម្នាក់និងជាអ្នករិះគន់រដ្ឋាភិបាលឡាវត្រូវបានគេបាញ់សម្លាប់នៅឯហាងកាហ្វេមួយកន្លែងក្នុងរដ្ឋធានីវៀងចន្ទន៍ ប្រទេសឡាវ ដោយរូបភាពនៃអំពើឃាតកម្មនេះត្រូវបានប្រព័ន្ធផ្សព្វផ្សាយរដ្ឋបង្ហោះអនឡាញ។
ព័ត៌មានផ្សេងទៀត
No media source currently available
