នៅក្នុងការផ្សាយផ្ទាល់តាមទំព័រហ្វេសប៊ុកចេញពីខេត្តបាត់ដំបង នាថ្ងៃពុធនេះ លោក ស្រ៊ុន ស្រ៊ន លើកឡើងថា លោកមិនសុខចិត្តចំពោះការសារភាពរបស់ជនដៃដល់ដែលអាជ្ញាធរថៃចាប់បាននោះទេ។ លោកបញ្ជាក់ថា ការវាយប្រហាររូបលោកជាការរៀបចំមួយ មិនមែនពាក់ព័ន្ធនឹងការប្រើប្រាស់បន្ទប់ទឹកក្នុងវត្តរហូតដល់មានការវាយបែកក្បាលឡើយ។
កាលពីចុងសប្តាហ៍ អាជ្ញាធរថៃបានចាប់ខ្លួនសកម្មជនសង្គម និងនយោបាយខ្មែរ ចំនួន១០នាក់ ដើម្បីពិនិត្យបណ្ណស្នាក់នៅ។ ក្នុងចំណោមនោះ មនុស្ស៣នាក់ត្រូវបានដោះលែង ចំណែក៧នាក់ត្រូវបន្តឃុំខ្លួន បើទោះពួកគេមានបណ្ណសិទ្ធិជ្រកកោនក្នុងប្រទេសថៃ ដែលចេញដោយឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស (UNHCR) ក៏ដោយ។
លោក ស្រ៊ុន ស្រ៊ន សកម្មជនម្នាក់ដែលតែងតែផ្សព្វផ្សាយអំពីសារៈសំខាន់នៃកិច្ចព្រមព្រៀងទីក្រុងប៉ារីសត្រូវបានគេវាយនៅវត្តមួយ ក្នុងប្រទេសថៃ កាលពីថ្ងៃអាទិត្យ។ លោកថ្លែងថា អ្នកវាយរូបលោកបែកក្បាលនោះមិនចង់ឱ្យលោកបន្តផ្សព្វផ្សាយអំពីកិច្ចព្រមព្រៀងទីក្រុងប៉ារីស។
របាយការណ៍នេះលើកឡើងបញ្ហាជាច្រើនទាក់ទងនឹងអាជីវកម្មនេះ រួមមានការរំលោភសិទ្ធិមនុស្ស ការខូចខាតបរិស្ថាន និងការកាប់បំផ្លាញព្រៃឈើ ការពិគ្រោះយោបល់ជាសាធារណៈមិនបានពេញលេញ និងស្ថានភាពក្រោមស្តង់ដារសិទ្ធិការងារ។
នៅថ្ងៃខួបកំណើតរបស់កញ្ញា ឈឹម ស៊ីថរ ក្រុមអ្នកអ្នកគាំទ្របានជួបជុំគ្នានៅមុខមណ្ឌលអប់រំកែប្រែទី២ ឬពន្ធនាគារព្រៃស ដើម្បីបង្ហោះប៉េងប៉ោង និងស្នើដល់រដ្ឋាភិបាលបញ្ឈប់ការរឹតត្បិតសិទ្ធិសេរីភាពរបស់ក្រុមសហជីព។ ពួកគេក៏ជំរុញឱ្យដោះលែងកញ្ញា ឈឹម ស៊ីថរ ដែលជាប់ពន្ធនាគារជាងមួយឆ្នាំមកហើយ។
សេចក្តីប្រកាសនេះបញ្ជាក់ច្បាស់លាស់ថា ការបង្រៀនរបស់ព្រះវិហារគ្រិស្តសាសនាដែលថា ការទាក់ទងរវាងមនុស្សមានភេទដូចគ្នានិងទំនាក់ទំនងមិនតាមប្រពៃណីឯទៀតៗត្រូវបានរារាំងពីពិធីខាងសាសនាដ៏សក្ការៈក្នុងការរៀបអាពាហ៍ពិពាហ៍គ្មានការកែប្រែទេ។
កាលពីថ្ងៃទី ១៤ ខែធ្នូ ក្រសួងសន្តិសុខជាតិនៃកងកម្លាំងប៉ូលិសហុងកុងបានប្រកាសជាសាធារណៈនូវប្រាក់រង្វាន់ចំនួន ១លានដុល្លារហុងកុង (ប្រមាណ ១២៨.២០០ ដុល្លារអាមេរិក) ក្នុងម្នាក់ៗ សម្រាប់ការចាប់ខ្លួនសកម្មជនចំនួន ៥ នាក់ ដែលថ្មីៗនេះត្រូវបានដាក់នៅក្នុងបញ្ជីផ្តល់ប្រាក់រង្វាន់របស់អាជ្ញាធរ។
ក្នុងបទសម្ភាសន៍ជាមួយវីអូអេ លោក សិទ្ធិ ឡោះ ស្នងការនគរបាលខេត្តបន្ទាយមានជ័យ បានបដិសេធថា មិនមានការបង្ខំមនុស្សឱ្យធ្វើការ ដើម្បីបោកបញ្ឆោតជនជាតិថៃ និងបង្ខាំងមនុស្សទុក ដូចការចុះផ្សាយរបស់សារព័ត៌មានថៃឡើយ។
ប្រជាសហគមន៍ការពារព្រៃឈើធម្មជាតិនៅក្នុងខេត្តកំពង់ស្ពឺបានទទូចសុំឱ្យតុលាការផ្តល់យុត្តិធម៌ដល់ពួកគេ ស្របពេលដែលតុលាការបានកោះហៅប្រជាសហគមន៍ជិត២០នាក់ ឱ្យមកបំភ្លឺ ក្នុងនាមជាជនរងគ្រោះ និងខ្លះជាសាក្សី ទាក់ទងនឹងអំពើហិង្សា។ ពួកគេអះអាងថា ទាហានម្នាក់បានដឹកនាំក្រុមទាហានវាយពួកគេ ក្នុងជម្លោះដីធ្លីសហគមន៍កាលពីឆ្នាំ២០២២។
លោក វណ្ណ សុផាត អ្នកសម្របសម្រួលគម្រោងធុរកិច្ច និងសិទ្ធិមនុស្សនៃមជ្ឈមណ្ឌលសិទ្ធិមនុស្សកម្ពុជាដែលបានតាមដានជម្លោះដីធ្លីនេះ សាទរសេចក្តីសម្រេចរបស់តុលាការក្នុងការទម្លាក់ចោលបទញុះញង់លើសកម្មជនដីធ្លីទាំងពីរនាក់។
មានពលរដ្ឋស៊ីវិលចំនួន១០.០០០នាក់បានស្លាប់ ចាប់តាំងពីរុស្ស៊ីបានចូលឈ្លានពានយ៉ាងពេញទំហឹងទៅលើប្រទេសអ៊ុយក្រែនកាលពីខែកុម្ភៈ ឆ្នាំ២០២២មក ប៉ុន្តែចំនួនអ្នកស្លាប់ពិតប្រាកដអាចទំនងជាខ្ពស់ជាងនេះច្រើន។
កាលពីថ្ងៃសៅរ៍សប្តាហ៍មុន ពលរដ្ឋប្រមាណ៤០០នាក់ដែលរស់នៅក្នុងឃុំខ្នាត ស្រុកពួក ខេត្តសៀមរាប បានប្រមូលផ្តុំគ្នាដាក់ញត្តិទៅសាលាឃុំខ្នាត ដើម្បីស្នើទៅរដ្ឋាភិបាល និងអង្គការយូណេស្កូឱ្យអាជ្ញាធរជាតិអប្សរាបញ្ឈប់«ការរឹតត្បិត» និងការគ្រប់គ្រងក្នុងតំបន់ដែលពួកគេរស់នៅ។
ព័ត៌មានផ្សេងទៀត
No media source currently available
