នាវាពិឃាតអាមេរិក USS Barry ដែលបំពាក់មីស៊ីលប្រភេទ Arleigh Burke បានចូលរួមនៅក្នុងសមយុទ្ធនោះ ជាមួយនាវាពិឃាតរបស់កងកម្លាំងការពារដែនសមុទ្រជប៉ុន និងរបស់កងទ័ពជើងទឹកកូរ៉េខាងត្បូង។ នេះបើយោងលើសេចក្តីប្រកាសព័ត៌មានដាច់ដោយឡែកពីគ្នារបស់ប្រទេសទាំង៣។
រដ្ឋបាលរបស់ប្រធានាធិបតីសហរដ្ឋអាមេរិកលោក Joe Biden បានប្រកាសនូវសំណើមួយកាលពីថ្ងៃអង្គារ ដែលនឹងរារាំងជនចំណាកស្រុកមួយចំនួនមិនឱ្យស្វែងរកសិទ្ធិជ្រកកោននៅក្នុងសហរដ្ឋអាមេរិក និងអនុញ្ញាតឱ្យរដ្ឋាភិបាលអាមេរិកអាចបញ្ជូនជនទាំងនោះចេញភ្លាមៗពីសហរដ្ឋអាមេរិក។
ប្រធានាធិបតីសហរដ្ឋអាមេរិកលោក Joe Biden នឹងជួបជាមួយបណ្ដាមេដឹកនាំនៃប្រទេសជាសមាជិកអង្គការអូតង់ (NATO) ដែលមកពីតំបន់អឺរ៉ុបខាងកើតនៅថ្ងៃពុធនេះ ដើម្បីបង្ហាញការគាំទ្រចំពោះសន្តិសុខរបស់ពួកគេ។
ក្រោយការបិទសារព័ត៌មានវីអូឌី (VOD) ដែលបានដំណើរការ២០ឆ្នាំមកហើយ សារព័ត៌មាន Freshnews ដែលស្និទ្ធនឹងរដ្ឋាភិបាល ជាបន្តបន្ទាប់បានផ្សព្វផ្សាយថា វីអូឌីពាក់ព័ន្ធនឹងផែនការ«បដិវត្តន៍ពណ៍» ដែលជាការចោទប្រកាន់ត្រូវបានប្រើប្រាស់ ដើម្បីរំលាយគណបក្សសង្រ្គោះជាតិ កាលពីឆ្នាំ២០១៧។
មន្រ្តីជាន់ខ្ពស់កម្ពុជាបានច្រានចោលការអះអាងរបស់ក្រុមអ្នករាយការណ៍ពិសេសអ.ស.ប. ដោយចាត់ទុកការលើកឡើងរបស់ពួកគេមានភាពលម្អៀង។ នេះបើតាមសេចក្តីថ្លែងការណ៍មួយរបស់លោក អ៊ិន តារា ឯកអគ្គរាជទូតនិងតំណាងអចិន្ត្រៃយ៍កម្ពុជាប្រចាំការិយាល័យអ.ស.ប.និងអង្គការអន្តរជាតិនៅទីក្រុងហ្សឺណែវ ដែលវីអូអេទទួលបាននៅថ្ងៃពុធនេះ។
ពួកគេអះអាងថាវាស្ទើរតែលែងមានសារព័ត៌មានឯករាជ្យនៅក្នុងប្រទេសកម្ពុជាទៀតហើយ ក្រោយបិទសារព័ត៌មានវីអូឌី ដែលហ៊ានរាយការណ៍បញ្ហាសិទ្ធិមនុស្ស បទល្មើសបរិស្ថាន និងអំពើពុករលួយ។
នៅក្នុងសុន្ទរកថាដ៏វែងមួយទៅកាន់ប្រទេសជាតិ លោក Putin បានចាត់ទុករុស្ស៊ីនិងអ៊ុយក្រែនជាជនរងគ្រោះនៃការឆ្លៀតកេងប្រយោជន៍របស់ប្រទេសលោកខាងលិចហើយបាននិយាយទៀតថារុស្ស៊ី មិនមែនអ៊ុយក្រែនទេជាអ្នកប្រយុទ្ធដើម្បីការរស់រានមានជីវិតរបស់ខ្លួននេះ។
អ្នកស្រី Tsai Ing-wen បាននិយាយថា តៃវ៉ាន់នឹង«ធ្វើកិច្ចសហប្រតិបត្តិការឱ្យបានកាន់តែសកម្មជាងមុនជាមួយនឹងសហរដ្ឋអាមេរិកនិងដៃគូប្រជាធិបតេយ្យផ្សេងទៀតដើម្បីតទល់ជាមួយនឹងការប្រឈមខ្លាំងក្លានានាដូចជាការវាតទីបែបអាជ្ញាធិបតេយ្យ និងការប្រែប្រួលអាកាសធាតុជាដើម។
រដ្ឋមន្ត្រីការបរទេសចិនលោក Qin Gang បាននិយាយនៅថ្ងៃអង្គារនេះថា ប្រទេសរបស់លោកចង់ដើរតួនាទីនៅក្នុងការបញ្ចប់សង្គ្រាមរវាងរុស្ស៊ីនិងអ៊ុយក្រែន។ ចិនគឺជាប្រទេសដែលបានផ្ដល់ការគាំទ្រផ្នែកនយោបាយដ៏ខ្លាំងក្លាដល់រុស្ស៊ីសម្រាប់ការឈ្លានពានរបស់រុស្ស៊ីលើអ៊ុយក្រែន។
ប្រទេសកូរ៉េខាងជើងបានបាញ់គ្រាប់ផ្លោងមីស៊ីលរយៈចម្ងាយខ្លីពីរគ្រាប់នៅព្រឹកថ្ងៃចន្ទនេះ ដោយខ្លួនបានបញ្ជាក់ភ្លាមៗយ៉ាងច្បាស់ថាជាការសងសឹកចំពោះការធ្វើសមយុទ្ធផ្លូវអាកាសរួមគ្នារបស់សហរដ្ឋអាមេរិកជាមួយនឹងប្រទេសកូរ៉េខាងត្បូងកាលពីថ្ងៃអាទិត្យ។
រដ្ឋមន្ត្រីការបរទេសសហរដ្ឋអាមេរិកលោក Antony Blinken បាននិយាយថា រដ្ឋបាលរបស់លោក Biden គាំទ្រការលក់យន្តហោះចម្បាំងអាមេរិកប្រភេទ F-16 ទៅឱ្យប្រទេសតួកគី ហើយបានសម្តែងនូវទំនុកចិត្តថា ប្រទេសស៊ុយអែតនិងហ្វាំងឡង់នឹងអាចក្លាយជាសមាជិករបស់អង្គការអូតង់នៅពេលឆាប់ៗខាងមុខនេះ។
ឯកអគ្គរដ្ឋទូតអ៊ុយក្រែនប្រចាំប្រទេសអាហ្វ្រិកខាងត្បូងអ្នកស្រី Liubov Abravitova បានប្រាប់ VOA ថា អ្នកស្រីថ្កោលទោសការធ្វើសមយុទ្ធនេះ។
ព័ត៌មានផ្សេងទៀត
No media source currently available
