ក្រសួងព័ត៌មានបានសម្រេចលុបចោលអាជ្ញាបណ្ណរបស់សារព័ត៌មានអនឡាញមួយឈ្មោះ ខ្មែរខូវឺធីវី (KCTV) ខណៈចាងហ្វាងសារព័ត៌មានមួយនេះមានជម្លោះជាមួយឧកញ៉ា ឡេង ណាវ៉ាត្រា រឿងចុះផ្សាយអត្ថបទទាក់ទងនឹងការអភិវឌ្ឍរបស់ឧកញ៉ាម្នាក់នោះនៅក្នុងខេត្តកណ្តាល។
តុលាការរាជធានីភ្នំពេញ នៅថ្ងៃព្រហស្បតិ៍នេះ បានបដិសេធសំណើសុំនៅក្រៅឃុំរបស់កញ្ញា ឈឹម ស៊ីថរ ប្រធានសហជីពទ្រទ្រង់សិទ្ធិបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ ដោយបន្តឃុំខ្លួនកញ្ញានៅពន្ធនាគារព្រៃស។
មន្ត្រីជាន់ខ្ពស់គណបក្សភ្លើងទៀនគ្រោងសុំជួបជាមួយគណបក្សកាន់អំណាច ដើម្បីសម្របសម្រួល និងជជែកគ្នាអំពីបរិយាកាសនយោបាយនៅកម្ពុជា។ អ្នកនាំពាក្យគណបក្សកាន់អំណាចថា ការចង់ជួបជជែកគ្នានេះ គឺជាសិទ្ធិរបស់គណបក្សប្រឆាំង ប៉ុន្តែថា វាមិនចាំបាច់នោះទេ។
ក្រោយមានការផាករបស់ប៉ូលិសចរាចរណ៍ ក្នុងនោះមានការជំរិតទារប្រាក់ដែលបង្កជាក្តីបារម្ភដល់ប្រជាពលរដ្ឋ អ្នកតាមដាននិងមន្រ្តីសង្គមស៊ីវិលជំរុញឱ្យអាជ្ញាធរពិនិត្យមើលឡើងវិញលើការផាកពិន័យ។
មេធាវីការពារក្តីឱ្យលោក ថាច់ សេដ្ឋា អះអាងថា កូនក្តីរបស់លោកមិនដែលបានទទួលដីកាកោះហៅរបស់តុលាការឡើយ ដោយលោកចាត់ទុកនេះជាកំហុសរបស់តុលាការ។
សកម្មជនសង្គមរូបនេះលើកហេតុផលថា ពាក្យបណ្តឹងកន្លងមករបស់កញ្ញាមិនត្រូវបានអាជ្ញាធរមានសមត្ថកិច្ចអើពើទេដូចករណីនៅខណ្ឌ៧មករា នៅពេលកញ្ញាអះអាងថា បានរងការរំលោភបំពានហិង្សាពីសំណាក់ក្រុមសន្តិសុខ អំឡុងពេលតវ៉ាកាលពីឆ្នាំ២០២០ពាក់ព័ន្ធករណីចាប់ខ្លួនលោក រ៉ុង ឈុន។
លោក សេង សារី អ្នកវិភាគនយោបាយមួយរូប ថ្លែងថាការចាប់ខ្លួនលោក ថាច់ សេដ្ឋា គឺជា«ការបេះ»មេដឹកនាំគណបក្សភ្លើងទៀន ដើម្បីគណបក្សប្រឆាំងមួយនេះចុះខ្សោយ និងអាចគ្រប់គ្រងបាន។
ប្រធានគណបក្សប្រជាធិបតេយ្យមូលដ្ឋានលោកយ៉េង វីរៈ ប្រាប់អ្នកកាសែតថា ការស្នើសុំឲ្យមានការសម្រួលសមាជិកភាពរបស់គ.ជ.ប តាមរយៈការធ្វើវិសោធនកម្មរដ្ឋធម្មនុញ្ញគឺដើម្បីឲ្យមានការបោះឆ្នោតប្រព្រឹត្តទៅដោយសេរី និងយុត្តិធម៌ដែលអាចទទួលយកបានពីគ្រប់គណបក្សនយោបាយ និងពីម្ចាស់សន្លឹកឆ្នោត។
ព័ត៌មានផ្សេងទៀត
No media source currently available
