សហរដ្ឋអាមេរិកមានគម្រោងធ្វើសមយុទ្ធទ្រង់ទ្រាយតូចនិងពង្រីកផ្នែកផ្សេងៗទៀតនៃកិច្ចសហប្រតិបត្តិការការពារជាមួយនឹងប្រទេសកូរ៉េខាងត្បូង ប៉ុន្តែមិនពិចារណាធ្វើសមយុទ្ធនុយក្លេអ៊ែររួមគ្នាជាមួយនឹងកូរ៉េខាងត្បូងនោះទេ។ នេះបើយោងតាមការបញ្ជាក់របស់មន្ត្រីជាន់ខ្ពស់សហរដ្ឋអាមេរិកមួយរូប។
កាលពីខែមុន សហភាពអឺរ៉ុបបានបើកផ្លូវក្នុងការផ្តល់ជំនួយដល់អ៊ុយក្រែនក្នុងអ្វីដែលហៅថា «កិច្ចព្រមព្រៀងដ៏ធំ» ដែលរួមបញ្ចូលការអនុម័តអត្រាពន្ធសាជីវកម្មសកលយ៉ាងតិច ១៥%។
កាលថ្ងៃចន្ទ លោក ហ៊ុន សែន បានថ្លែងថា លោកនឹងទៅបំពេញទស្សនកិច្ចនៅប្រទេសចិននាពេលខាងមុខ ហើយលោករំពឹងថា នឹងមានគម្រោងអភិវឌ្ឍន៍ថ្មីៗបន្ថែមទៀត តាមរយៈការទទួលកម្ចីពីរដ្ឋាភិបាលចិន។ អ្នកតាមដានជំរុញឱ្យមានការប្រើប្រាស់ប្រាក់កម្ចីប្រកបដោយតម្លាភាព ហើយប្រុងប្រយ័ត្ននឹងឥទ្ធិពលរបស់ចិននៅពេលអនាគត។
ប្រធានាធិបតីកោះតៃវ៉ាន់លោកស្រី Tsai Ing-wen បានបង្ហាញនូវកាយវិការទន់ភ្លន់ទៅលើរដ្ឋាភិបាលក្រុងប៉េកាំងកាលពីថ្ងៃអាទិត្យម្សិលមិញដោយសន្យាថានឹងផ្តល់ជំនួយដល់ចិនដីគោក ប្រសិនបើចាំបាច់ ស្របពេលដែលជំងឺរាតត្បាតកូវីដ១៩នៅចិនដីគោកកំពុងហក់ឡើងខ្ពស់ខ្លាំង។
ការវាយប្រហារតាមអាកាសនៅពេលថ្មីៗនេះបានដៅលើរដ្ឋធានីកៀវក្នុងកាលពីប៉ុន្មានម៉ោងនៅព្រឹកថ្ងៃចន្ទនេះ បន្ទាប់ពីការប្រារព្ធទិវាបុណ្យចូលឆ្នាំថ្មីដែលត្រូវបានកត់សម្គាល់ដោយការវាយប្រហាររាប់សិបដងរបស់រុស្ស៊ី ដែលបានសម្លាប់មនុស្សយ៉ាងតិចណាស់៤នាក់នៅក្នុងរដ្ឋធានី និងទីក្រុងផ្សេងៗទៀតនៅអ៊ុយក្រែន។
ថ្នាក់ដឹកនាំសមាគម សហព័ន្ធ សហភាព និងតំណាងស្រ្តីថ្ងៃសុក្រ បានកត់សម្គាល់ឃើញថា «អាជ្ញាធរកម្ពុជារំលោភនីតិវិធីក្នុងការចាប់ខ្លួនសកម្មជននយោបាយ សកម្មជនសង្គម និងមេសហជីព ដោយគ្មានដីកាបង្ហាញជាក់លាក់ដល់ពួកគាត់មុននាំខ្លួន»។
ក្រសួងការបរទេសអាមេរិកបានបញ្ជាក់កាលពីថ្ងៃពុធកន្លងទៅនេះថា ប្រព័ន្ធភ្នំភ្លើង ឬ Volcano system នេះនិងឧបករណ៍ពាក់ព័ន្ធទាំងអស់ផ្សេងៗទៀត មានតម្លៃប្រមាណ ១៨០ លានដុល្លារអាមេរិក។
នៅថ្ងៃសុក្រនេះ លោកស្រីត្រូវបានរកឃើញថាមានកំហុសលើបទចោទប្រកាន់ ៥ ករណីទៀត ទាក់ទិនអំពើពុករលួយ និងការជួលទិញ និងការជួសជុលឧទ្ធម្ភាគចក្រមួយគ្រឿង ដែលធ្វើឱ្យបាត់ប្រាក់ចំណូលរដ្ឋ។
លោកនាយករដ្ឋមន្ត្រី ហ៊ុន សែន ថ្លែងថា បើអភិបាលខេត្តផ្សេងៗធ្វើបានត្រឹមអភិបាលខេត្តកំពត លោក ម៉ៅ ធនិន ដែលតែងតែដោះស្រាយបញ្ហាដីធ្លីរបស់ប្រជាពលរដ្ឋនៅក្រៅប្រព័ន្ធតុលាការ នោះបញ្ហាដីធ្លីនេះនឹងអាចដោះស្រាយបានល្អប្រសើរ។
លោក Jaroonkiat បានថ្លែងថា ប៉ូលិសបានឆែកឆេរការិយាល័យរបស់លោក Ratchada នៅក្នុងរាជធានីបាងកក ក្រោយពេលលោកត្រូវបានចាប់ខ្លួន ហើយបានរកឃើញប្រាក់សុទ្ធប្រមាណ ៥ លានបាត ស្មើនឹង ១ សែន ៤ ម៉ឺន ៤ ពាន់ដុល្លារ។ លោក Ratchada បានបដិសេធការចោទប្រកាន់ទាំងអស់។
គិតចាប់ពីខែកញ្ញា ឆ្នាំ ២០១៨ ដល់ខែសីហា ឆ្នាំ ២០២២ សមាជិករដ្ឋសភាក្នុងអាណត្តិទី ៦ នេះបានកោះហៅរដ្ឋមន្ត្រីក្រសួងយុត្តិធម៌តែម្តងគត់មកសួរនាំ តែមិនបានសួរដេញដោលអ្វីច្រើននោះទេ ដោយគ្រាន់តែសួរថា តើក្រសួងយុត្តិធម៌បានធ្វើអ្វី?
យន្តហោះដ្រូនមួយក្នុងចំណោមដ្រូនទាំង៥គ្រឿងរបស់កូរ៉េខាងជើង បានហោះមកគៀកនឹងតំបន់ប្រជុំជនភាគខាងជើងរដ្ឋធានីសេអ៊ូលរបស់កូរ៉េខាងត្បូង កាលពីរសៀលថ្ងៃចន្ទកន្លងទៅ ហើយស្ថិតក្នុងតំបន់នោះប្រមាណជា៣ម៉ោង មុនហោះត្រឡប់ទៅកាន់ប្រទេសកូរ៉េខាងជើងវិញ។
ព័ត៌មានផ្សេងទៀត
No media source currently available
