ពិព័រណ៍កម្មវិធីសិក្សា EducationUSA ដែលគាំទ្រដោយស្ថានទូតសហរដ្ឋអាមេរិកប្រចាំនៅកម្ពុជា បានទាក់ទាញឱ្យមានការចូលរួមជាច្រើនពីសំណាក់សិស្សានុសិស្សនិងនិស្សិត រួមទាំងសាធារណជនទូទៅនៅរាជធានីភ្នំពេញ ដែលផ្តល់ព័ត៌មានជាច្រើនអំពីការបន្តការសិក្សានៅសហរដ្ឋអាមេរិក
ក្រុមសហជីពការពារសិទ្ធិកម្មករសោកស្តាយចំពោះការដំឡើងប្រាក់ឈ្នួលកម្មករតិចតួចព្រោះប្រាក់ឈ្នួលចំនួន២០៤ដុល្លារមិនទាន់អាចឆ្លើយតបនឹងតម្រូវការរស់នៅរបស់កម្មករនៅឡើយទេ។ ប៉ុន្តែមន្រ្តីក្រសួងការងារថា ការសម្រេចនេះកើតឡើងដោយការខិតខំប្រឹងប្រែងចរចាពីគ្រប់ភាគី។
ក្រុមយុវជនចលនាមាតាធម្មជាតិដែលហ៊ានចេញមុខការពារធនធានធម្មជាតិ កាលពីពេលថ្មីៗនេះ បានទទួលពានរង្វាន់ Right Livelihood ដែលមានមូលដ្ឋាននៅប្រទេសស៊ុយអ៊ែត ចំពោះសកម្មភាពក្នុងការពារធនធានធម្មជាតិរបស់ពួកគេ។ ពួកគេបន្តប្តេជ្ញាការពារធនធានធម្មជាតិ បើទោះប្រឈមនឹងការរឹតត្បិតពីអាជ្ញាធរ។
សាលាឧទ្ធរណ៍បានប្រកាសសាលដីកាក្នុងសំណុំរឿងកាលពីជិត១០ឆ្នាំមុន ដោយតម្កល់សាលក្រមដែលកាត់ទោសមេដឹកនាំសហជីព ក្នុងនោះមានលោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធផងដែរ។ មេដឹកនាំសហជីពលើកឡើងថា ពួកគេមិនទាន់ទទួលបានយុត្តិធម៌នៅឡើយទេ។
លោក សម រង្ស៊ី បានថ្លែងថា ចលនាមហាជនខ្មែរនោះរួមមានមនុស្សថ្មីៗដែលគេមិនហ៊ានចេញមុខ អ្នកការពារបរិស្ថាន អ្នកសារព័ត៌មានដើម្បីបង្ហាញជាកម្លាំងដ៏ខ្លាំងមួយរវាងខ្មែរនៅក្រៅប្រទេសជាមួយខ្មែរនៅក្នុងប្រទេសតាមរយៈការផ្តល់ព័ត៌មានឱ្យគ្នាទៅវិញទៅមក។
ក្រសួងមហាផ្ទៃបានបញ្ជាឱ្យមន្រ្តីពន្ធនាគារត្រូវធ្វើតេស្តទឹកនោមរកសារធាតុញៀន ដែលជាវិធានការមួយ ដើម្បីរឹតបន្តឹងបញ្ហាគ្រឿងញៀននៅកម្ពុជា។ អ្នកតាមដានយល់ថា បញ្ហាគ្រឿងញៀននឹងមិនងាយលុបបំបាត់បានឡើយ បើកាលណាមន្រ្តីក្នុងជួរស្ថាប័នពាក់ព័ន្ធ នៅតែបន្តប្រើប្រាស់និងជួញដូរគ្រឿងញៀន។
នាយករដ្ឋមន្ត្រីកម្ពុជាបកស្រាយថា រដ្ឋាភិបាលមិនទាន់ដាក់ចេញគោលការណ៍ប្រមូលពន្ធចំណេញមូលធននេះនៅឡើយទេ ខណៈអ្នកតាមដានយល់ថា រដ្ឋត្រូវតែគិតគូរឱ្យបានដិតដល់និងមិនគួរប្រមូលពន្ធចំណេញមូលធននាពេលនេះទេ ដោយគួរតែកាត់បន្ថយចំណាយរដ្ឋមិនចាំបាច់និងពង្រឹងការប្រមូលពន្ធដែលកំពុងអនុវត្តឱ្យមានតម្លាភាព។
ប្រាក់ឈ្នួលអប្បបរមារបស់កម្មករក្នុងវិស័យកាត់ដេរនិងវាយនភណ្ឌត្រូវបានដំឡើងចំនួន២ដុល្លារ ប៉ុន្តែដោយលោកនាយករដ្ឋមន្ត្រីថ្មីបន្ថែម២ដុល្លារដូច្នេះ កម្មករនឹងទទួលបានប្រាក់ឈ្នួល២០៤ដុល្លារក្នុងមួយខែ ចាប់ពីដើមឆ្នាំ២០២៤។
នាយករដ្ឋមន្ត្រីថ្មីកម្ពុជានិងថៃបានព្រមព្រៀងគ្នាជាឯកច្ឆន្ទពង្រឹងកិច្ចសហប្រតិបត្តិការ សេដ្ឋកិច្ច សន្តិសុខ និងទំនាក់ទំនងប្រជាជន លើកកម្ពស់ការវិនិយោគ ពាណិជ្ជកម្ម ទេសចរណ៍ ជាពិសេសនោះការបង្ក្រាបបទល្មើសតាមអនឡាញ ពេលអំឡុងនាយករដ្ឋមន្ត្រីថៃមកទស្សនកិច្ចប្រទេសកម្ពុជា។
ការសិក្សាថ្មីមួយដែលធ្វើឡើងក្នុងចំណោមអ្នករស់រានមានជីវិតពីរបបខ្មែរក្រហមជាង៣ម៉ឺននាក់បង្ហាញថា អ្នករស់រានម្នាក់ក្នុងចំណោម៤នាក់នៅបន្តរងផលប៉ះពាល់ផ្នែកសុខភាពផ្លូវចិត្ត ដោយសារបទពិសោធន៍ឆ្លងកាត់ក្នុងរបបខ្មែរក្រហម ចាប់ពីឆ្នាំ១៩៧៥ ដល់ឆ្នាំ១៩៧៩ ដែលប្រជាពលរដ្ឋប្រមាណ១លាន៧សែនបានស្លាប់ក្នុងរបបនោះ។
អ្នកតាមដានចង់ឃើញថ្នាក់ដឹកនាំនៃប្រទេសទាំងពីរដោះស្រាយបញ្ហាដែលនៅសេសសល់ ដូចជាបញ្ហាព្រំដែន ឧក្រិដ្ឋកម្មឆ្លងដែន និងការគោរពបទដ្ឋានអន្តរជាតិទាក់ទងសិទ្ធិជ្រកកោននយោបាយ ដែលសកម្មជនសង្គមនិងនយោបាយកម្ពុជារងការយាយី និងត្រូវចាប់បញ្ជូនមកកម្ពុជាវិញ។
សាស្ត្រាចារ្យវិទ្យាសាស្ត្រនយោបាយ លោក ឯម សុវណ្ណារ៉ា ប្រាប់វីអូអេថា នេះជាច្រកមួយសម្រាប់ពង្រឹងកិច្ចសហប្រតិបត្តិការរវាងកម្ពុជា និងអាមេរិក។ លោកបន្ថែមថាដើម្បីធ្វើឱ្យចំណងទំនាក់ទំនងរវាងប្រទេសទាំងពីរអាចល្អទៅបាន វាទាមទារការផ្តល់ភាពកក់ក្តៅ និងយល់ពីគ្នាទៅវិញទៅមក។
ព័ត៌មានផ្សេងទៀត
No media source currently available
