ក្រុមហ៊ុន Meta ដែលជាក្រុមហ៊ុនមេរបស់បណ្ដាញសង្គមអនឡាញ Facebook បានច្រានចោលអនុសាសន៍របស់ក្រុមប្រឹក្សាភិបាលត្រួតពិនិត្យរបស់ខ្លួនដែលស្នើឱ្យខ្លួនផ្អាកទំព័រ Facebook របស់លោកអតីតនាយករដ្ឋមន្ត្រី ហ៊ុន សែន ទាក់ទិននឹងការចោទប្រកាន់ដែលថា លោកបានប្រើទំព័រ Facebook របស់ខ្លួនដើម្បីគំរាមកំហែងគូប្រជែង។
ខណៈរដ្ឋាភិបាលជំរុញឱ្យដំឡើងប្រាក់ឈ្នួលគោលអប្បបរមាសម្រាប់កម្មករនិយោជិតឱ្យបានមុនពិធីបុណ្យភ្ជុំបិណ្ឌ ក្រុមអ្នកការពារសិទ្ធិកម្មករស្នើឱ្យដំឡើងប្រាក់ខែគោលចាប់ពី២២០ដុល្លារឡើងទៅក្នុងមួយខែ នៅឆ្នាំ២០២៤ខាងមុខ ដើម្បីបំពេញតម្រូវការរបស់កម្មករក្នុងជីវភាពរស់នៅ ស្របពេលតម្លៃទំនិញលើទីផ្សារបន្តឡើងថ្លៃ។
កម្ពុជានិងសហរដ្ឋអាមេរិកបានចុះហត្ថលេខាលើកិច្ចព្រមព្រៀង ឬអនុស្សរណៈនៃការយោគយល់គ្នា (MOU) លើកទី៥ ស្តីពីកិច្ចសហប្រតិបត្តិការផ្នែកវប្បធម៌ដែលបានចាប់ផ្តើមតាំងពីឆ្នាំ២០០៣។ កិច្ចសហការ២០ឆ្នាំមកនេះបានជួយសម្រួលដល់ការបញ្ជូនវត្ថុបុរាណដ៏មានតម្លៃចំនួនជាង១០០ដុំ ត្រឡប់មកកម្ពុជាវិញ។
តំណាងទូតសហរដ្ឋអាមេរិកប្រចាំនៅកម្ពុជាបានជំរុញឱ្យលោកនាយករដ្ឋមន្រ្តី ហ៊ុន ម៉ាណែត និងរដ្ឋាភិបាលថ្មីកម្ពុជាបើកលំហសេរីភាព គោរពសិទ្ធិមនុស្ស និងធ្វើឱ្យមានវឌ្ឍនភាពលទ្ធិប្រជាធិបតេយ្យ។
អង្គការលីកាដូ និងអង្គការសមធម៌កម្ពុជាបានចេញផ្សាយរបាយការណ៍មួយស្តីពីហានិភ័យបំណុល ដោយរកឃើញថា អ្នកខ្ចីប្រាក់ភាគច្រើនគឺជាប់ជំពាក់បំណុលច្រើនលើសលប់។ នេះជាការស្ទង់មតិមួយដែលធ្វើឡើងតាមផ្ទះជាង៧០០ខ្នងនៅក្នុងខេត្តកំពង់ស្ពឺ កាលពីដើមឆ្នាំ២០២២។
អ្នកជំនាញផ្នែកប្រព័ន្ធផ្សព្វផ្សាយយល់ថា ការតែងតាំងអ្នកសារព័ត៌មានឱ្យធ្វើជាទីប្រឹក្សានៅតាមស្ថាប័នរដ្ឋនេះជះផលអវិជ្ជមានច្រើន ដោយសារអ្នកសារព័ត៌មានត្រូវបំពេញការងារបម្រើសាធារណជន។
អតីតមន្រ្តីជាន់ខ្ពស់គណបក្សសង្រ្គោះជាតិបានថ្លែងថា ពួកគេនឹងប្រមូលផ្តុំគ្នានៅទីក្រុងញូវយ៉ក សហរដ្ឋអាមេរិក ដើម្បីប្រឆាំងនឹងវត្តមានរបស់លោកនាយករដ្ឋមន្រ្តី ហ៊ុន ម៉ាណែត ដែលនឹងទៅចូលរួមមហាសន្និបាតប្រចាំឆ្នាំរបស់អង្គការសហប្រជាជាតិ នាខែកញ្ញាខាងមុខនេះ។
អ្នកនាំពាក្យក្រសួងមហាផ្ទៃបន្ថែមថា ការតែងតាំងនេះជាការ«ផ្គូផ្គង»របស់លោក ហ៊ុន ម៉ាណែត ដែលជានាយករដ្ឋមន្រ្តីថ្មី ជាការផ្តល់សេចក្តីទុកចិត្តដោយរដ្ឋសភាដែលកើតចេញពីការបោះឆ្នោត និងជាការគោរពតាមព្រះរាជក្រឹត្យតែងតាំងរបស់ព្រះមហាក្សត្រ។
អ្នករាយការណ៍ពិសេសអ.ស.ប.ទទួលបន្ទុកសិទ្ធិមនុស្សនៅកម្ពុជាលោក Vitit Muntarbhorn បានលើកឡើងក្នុងរបាយការណ៍ថ្មីមួយថា អ្នកការពារសិទ្ធិមនុស្សដែលកំពុងស្ថិតក្នុងពន្ធនាគារគួរតែត្រូវបានដោះលែង ដើម្បីរួមចំណែកដល់ការលើកស្ទួយសិទ្ធិមនុស្ស ហើយលម្ហនយោបាយគួរតែត្រូវបានបើកឱ្យបានធំទូលាយជាងស្ថានភាពបច្ចុប្បន្ន។
ក្រុមហ៊ុន Gallup រកឃើញថា៖ «ក្នុងពិភពលោកនេះ គ្មានប្រទេសណាដែលមានវិសមភាពធំជាងនេះទេ រវាងអ្នកមាននិងអ្នកក្រចំពោះសមត្ថភាពទទួលបានស្បៀងអាហារហូបចុក»។
កាលពីពេលថ្មីៗនេះ រដ្ឋាភិបាលអាណត្តិទី៧ដែលដឹកនាំដោយលោក ហ៊ុន ម៉ាណែត កូនប្រុសរបស់លោក ហ៊ុន សែន បានរៀបចំឱ្យកូនៗរបស់រដ្ឋមន្រ្តីក្នុងគណបក្សកាន់អំណាចឡើងកាន់តំណែងជាអភិបាលខេត្ត និងអភិបាលរងមួយចំនួន ក្នុងនោះមានខេត្តសៀមរាប ស្វាយរៀង និងបន្ទាយមានជ័យជាដើម។
ព័ត៌មានផ្សេងទៀត
No media source currently available
