របាយការណ៍បង្ហាញថា ប្រជាពលរដ្ឋបានរងគ្រោះពីការរំលោភសិទ្ធិដីធ្លី ហើយសុខុមាលភាពរបស់ពួកគេក៏កំពុងស្ថិតក្នុងស្ថានភាពមួយគួរឲ្យបារម្ភដែរ។
គណបក្សភ្លើងទៀនបានបង្ហាញការខកចិត្តចំពោះការរាំងស្ទះនៃការផ្លាស់ប្តូរ ឬដោះដូរសមាជិកក្រុមប្រឹក្សាឃុំសង្កាត់ជាប់ឆ្នោតមកពីគណបក្សភ្លើងទៀន។ គណបក្សប្រឆាំងនេះថា ការរាំងស្ទះនេះហាក់ជាចេតនារបស់ស្ថាប័នមានសមត្ថកិច្ចក្នុងការបំបាក់ស្មារតីអង្គបោះឆ្នោតរបស់គណបក្សភ្លើងទៀន។
ហេតុការណ៍នេះកើតឡើង កាលពីល្ងាចថ្ងៃសៅរ៍ ទី២០ ខែមករា ឆ្នាំ២០២៤ ត្រង់ចំណុចស្ដុបស្ពាន ឫស្សីកែវ ផ្លូវជាតិលេខ៥ ភូមិមិត្តភាព សង្កាត់ឫស្សីកែវ។ ជនបង្កមានឈ្មោះ នាង សំអូន ជាមន្ត្រីម្នាក់នៅក្រសួងសេដ្ឋកិច្ច និងហិរញ្ញវត្ថុ។
បើតាមសេចក្តីថ្លែងការណ៍រួម មេដឹកនាំទាំងពីរដែលបានពិភាក្សាគ្នាកាលពីថ្ងៃព្រហស្បតិ៍ បានអំពាវនាវឱ្យពង្រឹងបន្ថែមទៀតនូវទំនាក់ទំនងរវាងប្រទេសទាំងពីរលើវិស័យនៃកិច្ចសហប្រតិបត្តិការជាប្រវត្តិសាស្រ្តជាច្រើន និងខំស្វែងរកធ្វើពិពិធកម្មវិស័យក្នុងកិច្ចសហប្រតិបត្តិការទ្វេភាគី។
អ្នកជំនាញវិស័យអចលនទ្រព្យអះអាងថា វិស័យអចលនទ្រព្យនៅកម្ពុជាបច្ចុប្បន្ននៅមិនទាន់មានភាពល្អប្រសើរឡើយ ដោយសារតែបញ្ហាប្រឈមផ្សេងៗពាក់ព័ន្ធនឹងសេដ្ឋកិច្ច និងការមិនសូវមានអ្នកវិនិយោគពីបរទេសជាពិសេសពីប្រទេសចិន។
លោក ជូង ជូងី មេធាវីការពារក្តីឱ្យសកម្មជនទាំងពីរនាក់នេះ ប្រាប់វីអូអេថា កូនក្តីរបស់លោកបានប្តឹងឧទ្ធរណ៍ចំពោះដីកាឃុំខ្លួនបណ្តោះអាសន្ន និងប្តឹងឧទ្ធរណ៍ចំពោះសាលក្រមមុនអង្គសេចក្តី ត្រង់ចំណុចទាំងមូល ដែលមិនសុខចិត្តនឹងការសម្រេចរបស់តុលាការដែលឃុំខ្លួនពួកគេ។
ការចុះជួយសង្រ្គោះ និងឃាត់ខ្លួនជនបរទេស ធ្វើឡើងកាលពីសប្តាហ៍មុន ក្រោយសមត្ថកិច្ចកម្ពុជាទទួលបានពាក្យបណ្តឹងតាមប្រព័ន្ធ Hotline ពីជនជាតិបង់ក្លាដែស។ សមត្ថកិច្ចចាប់ខ្លួនជនជាតិបង់ក្លាដែស ២នាក់ ហើយបញ្ជូនទៅតុលាការ ដែលពួកគេត្រូវបានឃុំខ្លួនជាបណ្តោះអាសន្ន។
លោក ជា ពៅ អគ្គស្នងការរងនគរបាលជាតិប្រាប់វីអូអេនៅថ្ងៃសុក្រនេះថា ការបើកឱ្យមានការដាក់ពាក្យបណ្តឹងតាមអនឡាញ តាមរយៈគេហទំព័រនឹងជួយឱ្យប្រជាពលរដ្ឋកាន់តែងាយស្រួលក្នុងការដាក់ពាក្យបណ្តឹងបានគ្រប់ពេល ដោយមិនមានការបង់ថ្លៃអ្វីឡើយ។
នៅមុនជំនួបផ្លូវការ ប្រធានាធិបតីបារាំងបានថ្លែងក្នុងសន្និសីទមួយថា បារាំងអរគុណកម្ពុជាដែលបានថ្កោលទោសការឈ្លានពានរបស់រុស្ស៊ីលើអ៊ុយក្រែនដែលលោកបញ្ជាក់ថា នេះជា«ជំហរដ៏ក្លាហាន»មួយរបស់កម្ពុជា។
បើតាមក្រសួងរ៉ែ និងថាមពល ក្រសួងបានអប់រំដល់ម្ចាស់ទីតាំងរ៉ែមាសអនាធិបតេយ្យទាំងនោះអំពីនីតិវិធី ផលប៉ះពាល់ធ្ងន់ធ្ងរលើសុវត្ថិភាព សុខភាព និងបរិស្ថាន នៅអំឡុងពេលក្រសួងចុះពិនិត្យនិងទប់ស្កាត់។
បន្ទាប់ពីមានការអនុវត្តនូវយុទ្ធនាការធ្វើតេស្តទឹកនោមពិនិត្យរកសារធាតុញៀន តាមការណែនាំរបស់រដ្ឋមន្ដ្រីក្រសួងមហាផ្ទៃ លោក ស សុខា រួចមក អ្នកនាំពាក្យក្រសួងមហាផ្ទៃលើកឡើងថា មន្រ្តីជាង៤០នាក់ត្រូវបានបណ្តេញពីក្របខណ្ឌការងារ ក្រោយរកឃើញថាមានសារធាតុញៀន។
អគ្គិភ័យនេះបានកើតឡើងនៅវេលាម៉ោង ៦និង៤០នាទីព្រឹក ហើយការឆេះដំបូងបណ្ដាលមកពីផ្ទុះឧបករណ៍ផ្ទុកសារធាតុគីមីនៅក្នុងរោងចក្រ។ កម្មការិនីម្នាក់ដែលជាអ្នកមើលការខុសត្រូវនៅទីនោះបានស្លាប់ ដោយសារតែមិនអាចរត់ចេញទាន់។
ព័ត៌មានផ្សេងទៀត
No media source currently available
