ក្រុមអង្គការសង្គមស៊ីវិលថា រដ្ឋាភិបាល និងតុលាការជាញឹកញាប់ប្រើប្រាស់យុទ្ធសាស្ត្របណ្ដឹងផ្លូវច្បាប់ ដើម្បីបំបាក់ទឹកចិត្ត បំភិតបំភ័យ បំបិទសំឡេងប្រឆាំង ការរិះគន់ ឬការមិនយល់ស្របរបស់ពួកគេ។ ប៉ុន្តែអ្នកនាំពាក្យក្រសួងយុត្តិធម៌បានច្រានចោលការអះអាងនេះ។
ក្រោយមានករណីបុរសម្នាក់ស្លាប់នៅមន្ទីរពេទ្យមិត្តភាពខ្មែរ-សូវៀត ឬហៅថាពេទ្យរុស្ស៊ី ហើយក្រុមគ្រួសារទាមទាររកយុត្តិធម៌ មន្ទីរពេទ្យនេះបានច្រានចោលការលើកឡើងរបស់ក្រុមគ្រួសារអ្នកស្លាប់។
របាយការណ៍ថ្មីពាក់ព័ន្ធនឹងអំពើពុករលួយបង្ហាញថា អំពើពុករលួយនៅកម្ពុជាកំពុងតែស្ថិតនៅក្នុងស្ថានភាពធ្ងន់ធ្ងរ ដែលតម្រូវឱ្យមានការកែទម្រង់ពីរដ្ឋាភិបាលជាលក្ខណៈប្រព័ន្ធ ដើម្បីលុបបំបាត់អំពើពុករលួយ។
សាលាឧទ្ធរណ៍ នៅព្រឹកថ្ងៃអង្គារនេះ បានបើកសវនាការលើបណ្តឹងសាទុក្ខរបស់មេដឹកនាំនយោបាយជំទាស់ លោក កឹម សុខា ក្នុងសំណុំរឿងក្បត់ជាតិដ៏ចម្រូងចម្រាស។ មេធាវីការពារក្តីលោក កឹម សុខា ថា លោកស្នើសុំឱ្យបន្ធូរបន្ថយការឃុំខ្លួនលោក ដូចជាការជួបជាមួយអ្នកដទៃជាដើម។
គណបក្សកម្លាំងជាតិដែលជាគណបក្សបង្កើតថ្មីបានចេញសេចក្តីថ្លែងការណ៍មួយចោទប្រកាន់ថា មេដឹកនាំគណបក្សភ្លើងទៀនបានប្តូរជំហររបស់ខ្លួនពីសា្មរតីដើមនៃគោលការណ៍ប្រជាធិបតេយ្យសេរី ហើយបានបង្ខំ និងបញ្ឈប់សមាជិកក្រុមប្រឹក្សាឃុំសង្កាត់ជាប់ឆ្នោតមួយចំនួនចេញពីតួនាទីនៅទូទាំងប្រទេស។
អ្នកជំនាញសេដ្ឋកិច្ចរបស់ធនាគារពិភពលោកអះអាងថា កំណើនសេដ្ឋកិច្ចកាន់តែខ្ពស់ គឺជាសេចក្តីប្រាថ្នាដែលអាចសម្រេចបាន។ វាគ្រាន់តែតម្រូវឲ្យកម្ពុជាងាកទៅរកគំរូកំណើនសេដ្ឋកិច្ចដែលមានចីរភាពជាងមុន ដែលយកផលិតភាពខ្ពស់ជាមូលដ្ឋាន មានភាពអង់អាចក្នុងការកែទម្រង់រចនាសម្ព័ន្ធ បង្កើនការវិនិយោគមានគុណភាពទៅលើហេដ្ឋារចនាសម្ព័ន្ធ
ក្នុងសេចក្តីប្រកាសព័ត៌មានចុះថ្ងៃទី ២៨ ខែមករា ក្រសួងបានបញ្ជាក់ថា បុរសអាយុ ៦៩ឆ្នាំ ម្នាក់មកពីភូមិតាប្រុយ ឃុំព្រៃជ្រូក ស្រុកពួក ខេត្តសៀមរាបត្រូវបានរកឃើញថា មានផ្ទុកវីរុសផ្តាសាយបក្សី H5N1 និងកំពុងទទួលការថែទាំពីសំណាក់ក្រុមគ្រូពេទ្យ។
បទសម្ភាសន៍ផ្តោតទៅលើទំនាក់ទំនងកម្ពុជានិងអ៊ីស្រាអែល ការការពារពលរដ្ឋខ្មែរនៅអ៊ីស្រាអែល និងស្ថានភាពនៃសង្រ្គាមរវាងអ៊ីស្រាអែលនិងក្រុមហាម៉ាស់។ រដ្ឋាភិបាលរបស់អ៊ីស្រាអែលត្រូវបានចោទប្រកាន់ថាប្រព្រឹត្តអំពើប្រល័យពូជសាសន៍នៅក្នុងសង្រ្គាម ដែលមានរយៈពេលជាង៣ខែមកហើយ។
គ្រូៗដែលបង្រៀននៅសាលារៀនបឋមសិក្សាព្រះនរោត្តមបានប្រជុំជាមួយឪពុកម្តាយសិស្ស ហើយប្រាប់ពួកគេថា សាលាមិនអាចផ្គត់ផ្គង់ថ្លៃភ្លើង និងទឹកឡើយ ក្នុងរយៈពេលមួយឆ្នាំ ដោយប្រាប់ឪពុកម្តាយសិស្សឲ្យជួយឧបត្ថម្ភប្រាក់ម្នាក់៣ម៉ឺនរៀលដល់សាលារៀន ដើម្បីអាចប្រើប្រាស់ភ្លើង និងទឹកសម្រាប់រយៈពេលមួយឆ្នាំ។
ខណៈព្រួយបារម្ភពីការបណ្តេញចេញពីលំនៅដ្ឋាន ប្រជាពលរដ្ឋរស់នៅសហគមន៍សំរោងត្បូងជាប់ផ្ទៃបឹងតាមោកក្នុងសង្កាត់សំរោង ខណ្ឌព្រែកព្នៅ រាជធានីភ្នំពេញ បានស្នើសុំឱ្យរដ្ឋាភិបាលផ្តល់ប្លង់កម្មសិទ្ធិដីធ្លីស្របច្បាប់។ ពួកគេក៏បានស្នើឱ្យតុលាការទម្លាក់បទចោទប្រកាន់លើពលរដ្ឋ ពាក់ព័ន្ធនឹងការបង្ខំឱ្យពលរដ្ឋទៅរស់នៅទីតាំងថ្មី។
អាជ្ញាធររាជធានីភ្នំពេញកំពុងបង្កើនការត្រួតពិនិត្យជាតិស្រវឹងនាពេលយប់ និងរឹតបន្តឹងការអនុវត្តច្បាប់ចរាចរណ៍ផ្លូវគោក ដើម្បីកាត់បន្ថយគ្រោះថ្នាក់ចរាចរណ៍។ ការអនុវត្តនេះកើតមានក្រោយមានគ្រោះថ្នាក់ចរាចរណ៍ស្លាប់មនុស្សជាបន្តបន្ទាប់ និងតាមបញ្ជារបស់លោកនាយករដ្ឋមន្ត្រីហ៊ុន ម៉ាណែត។
ក្រសួងសុខាភិបាលបញ្ជាក់ថា ក្មេងប្រុសអាយុ៣ឆ្នាំរូបនេះត្រូវបានវិទ្យាស្ថានជាតិសុខភាពសាធារណៈ និងវិទ្យាស្ថានប៉ាស្ទ័រកម្ពុជារកឃើញកាលពីថ្ងៃទី ២៥ ខែមករា ឆ្នាំ ២០២៤ ថា មានវីរុសផ្ដាសាយបក្សី ប្រភេទ H5N1។
ព័ត៌មានផ្សេងទៀត
No media source currently available
