ពលរដ្ឋខ្មែរអាមេរិកាំងដែលជាប់ពាក់ព័ន្ធនយោបាយមួយចំនួន បាននិយាយជាមួយ វីអូអេ កាលពីសប្តាហ៍មុនថា ពួកគេមានចិត្តរីករាយចំពោះសេចក្តីថ្លែងការណ៍នេះ ប៉ុន្តែអ្នកខ្លះនិយាយថា ពួកគេចង់ឃើញការចូលរួមកាន់តែស៊ីជម្រៅពីសហរដ្ឋអាមេរិកមុនការបោះឆ្នោតថ្ងៃទី ២៣ ខែកក្កដា។
លោក ហ៊ុន សែន ថ្លែងថា ការបាត់ប្រព័ន្ធអនុគ្រោះពន្ធ EBA លែងជាបញ្ហាសម្រាប់កម្ពុជាទៀតហើយ។ លោកថ្លែងបែបនេះ ដោយប្រតិកម្មទៅនឹងមតិខ្លះ ដែលថាលោកមិនហ៊ានចុះជួបកម្មករ ព្រោះខ្លាចកម្មករស្រែករឿង EBA។
បើតាមការប្រកាសរបស់អគ្គមេបញ្ជាការនៃកងយោធពលខេមរភូមិន្ទ សេចក្តីថ្លែងការណ៍រួមចេញក្រោយកិច្ចប្រជុំអគ្គបញ្ជាការកងទ័ពអាស៊ានលើកទី ២០ នៅកោះបាលីនោះ «ពុំបាននិយាយអំពីការធ្វើសមយុទ្ធយោធារួមរបស់អាស៊ាននៅសមុទ្រចិនខាងត្បូងនោះទេ»។
ការប្រកួតកីឡាជនពិការដែលមានប្រទេស ១១ ចូលរួម ដែលមានការប្រកួតកីឡាជាង ១០ ប្រភេទនាចុងសប្តាហ៍នេះ រួមមានវាយសី ប៊ូស្យា អុក យូដូ បាល់ទាត់ លើកទម្ងន់ អត្តពលកម្ម បាល់បោះ រទេះរុញ កូនឃ្លីលើតុ ហែលទឹក បាល់ទះអង្គុយ និងអេឡិចត្រូនិក។
គេមិនទាន់ដឹងពីមូលហេតុនៅពីក្រោយការចាប់ខ្លួនមន្ត្រីនៅមូលដ្ឋានគណបក្សជំទាស់ទាំងពីរនាក់នេះនៅឡើយទេ។ ប៉ុន្តែក្រុមគ្រួសារថា ការចាប់ខ្លួននោះ ទំនងជាពាក់ព័ន្ធនឹងការនិយាយតាមទូរសព្ទជាមួយក្រុមការងារគណបក្ស។
លោក កើត សារ៉ាយ ប្រធានសមាគមសម្ពន្ធនិស្សិតបញ្ញវន្តខ្មែរ អះអាងថា រូបលោកផ្ទាល់ក្នុងនាមជាសកម្មជន ត្រូវអនុវត្តតាមច្បាប់របស់កម្ពុជា ដើម្បីធានាថាអ្វីដែលពួកគេតវ៉ាទាមទារ គឺត្រឹមត្រូវតាមច្បាប់។
សកម្មជនវ័យក្មេងប្រមាណ២០នាក់ បានធ្វើការប្រមូលផ្តុំ ដោយឈរតម្រង់ជួរនៅខណ្ឌជ្រោយចង្វារ បន្ដស្នើឱ្យមានយុត្តិធម៌ដល់សកម្មជនសិទ្ធិមនុស្សថៃលោក វ៉ាន់ឆាឡឺម សាតស័ក្តិសិទ្ធ(Wanchalearm Satsaksit ) ដែលបានបាត់ខ្លួននៅកម្ពុជា កាលពី៣ឆ្នាំមុន។
មេធាវីការពារក្តីឱ្យលោក ថាច់ សេដ្ឋា គឺលោក ជូង ជូងី ប្រាប់វីអូអេនៅថ្ងៃព្រហស្បតិ៍នេះថា នៅថ្ងៃទី១២ ខែមិថុនា ឆ្នាំ២០២៣ តុលាការកំពូលនឹងបើកសវនាការជំនុំជម្រះបណ្តឹងសាទុក្ខរបស់លោក ថាច់ សេដ្ឋា ដែលទាមទារឱ្យបដិសេធដីកាឃុំខ្លួន និងដោះលែងឱ្យលោកមានសេរីភាព។
គណបក្សភ្លើងទៀននឹងខកខានមិនបានចូលរួមការបោះឆ្នោតជាតិឆ្នាំ២០២៣នេះ ក្រោយមានសេចក្តីសម្រេចបដិសេធរបស់គណៈកម្មាធិការជាតិរៀបចំការបោះឆ្នោត (គ.ជ.ប)និងក្រុមប្រឹក្សាធម្មនុញ្ញមិនឱ្យគណបក្សជំទាស់នេះ ចូលរួមការបោះឆ្នោត។
នាយករដ្ឋមន្ត្រីកម្ពុជាលោកហ៊ុន សែន បានបង្ហាញក្តីរីករាយចំពោះព័ត៌មាន ពី ប្រទេសថៃ ដែលបញ្ជាក់ថានឹងគ្មានការបណ្តេញពលករខ្មែរចេញពីការងារនៅទីនោះ ខណៈប្រទេសថៃកំពុងស្ថិតក្នុងដំណាក់កាលនៃការរៀបចំរដ្ឋាភិបាលថ្មី ក្រោយការបោះឆ្នោតមួយកាលពីខែឧសភា។
កាលពីថ្ងៃទី៥ ខែមិថុនា លោក ហ៊ុន សែន បាននិយាយថា សម្ព័ន្ធសន្តិសុខត្រីភាគី អូស្ត្រាលី-អង់គ្លេស-អាមេរិក ដែលគេហៅកាត់ថា AUKUS គឺជា «ចំណុចចាប់ផ្តើមនៃការរត់ប្រណាំងសព្វាវុធដ៏មានគ្រោះថ្នាក់» នៅតំបន់អាស៊ីប៉ាស៊ីហ្វិក។
ក៏ប៉ុន្តែមជ្ឈដ្ឋានមួយចំនួនរួមទាំងសង្គមស៊ីវិលជាតិនិងអន្តរជាតិ តែងទាមទារឱ្យស្ថាប័ននេះដាក់សមាសភាពប្រធាននិងសមាជិក ជាបុគ្គលអព្យាក្រឹត ដែលមិនមានជាប់ពាក់ព័ន្ធនឹងគណបក្សនយោបាយណាមួយ ដើម្បីធានាពីតម្លាភាព និងភាពត្រឹមត្រូវក្នុងការរៀបចំការបោះឆ្នោត។
ព័ត៌មានផ្សេងទៀត
No media source currently available
