បន្ទាប់ពីធ្វើជាម្ចាស់ផ្ទះកីឡាស៊ីហ្គេម កម្ពុជានឹងត្រៀមរៀបចំការប្រកួតកីឡាជនពិការ ឬហៅថា Para Games ដែលនឹងចាប់ផ្តើមពីចុងសប្តាហ៍នេះតទៅ។ មន្រ្តីកម្ពុជាសង្ឃឹមថា កម្ពុជានឹងទទួលបានមេដាយច្រើនជាងលើកមុន ក្នុងពេលដែលកម្ពុជាធ្វើជាម្ចាស់ផ្ទះ។
ខណៈលោកនាយករដ្ឋមន្រ្តី ហ៊ុន សែន កំពុងរៀបចំឱ្យកូនប្រុសរបស់លោកធ្វើជានាយករដ្ឋមន្រ្តីជំនួសរូបលោក លោកឱ្យដឹងថា លោកនៅតែជាមេដឹកនាំគណបក្សប្រជាជនកម្ពុជា ហើយនៅតែគ្រប់គ្រងនយោបាយកម្ពុជា ទោះមិនធ្វើជានាយករដ្ឋមន្រ្តីក៏ដោយ។
នៅពេលប្រទេសកម្ពុជាកំពុងឆ្ពោះទៅរកការបោះឆ្នោតជ្រើសតាំងតំណាងរាស្ត្រសម្រាប់នីតិកាលទី៧ នៅខែកក្កដាខាងមុខនេះ មេដឹកនាំនយោបាយជំទាស់សំខាន់មួយរូបគឺលោក សម រង្ស៊ី បានចាប់ផ្តើមបំពេញទស្សនកិច្ចនៅប្រទេសប្រជាធិបតេយ្យធំៗក្នុងតំបន់អាស៊ីអាគ្នេយ៍ ដូចជាឥណ្ឌូណេស៊ី និងម៉ាឡេស៊ីជាដើម។
អ្នកនាំពាក្យតុលាការ លោក កែវ ពិសិដ្ឋ ប្រាប់វីអូអេនៅថ្ងៃអង្គារនេះថា ចៅក្រមស៊ើបសួរសម្រេចឱ្យបុគ្គលទាំង៣នៅក្រៅឃុំបណ្តោះអាសន្ន។ ប៉ុន្តែលោកមិនអាចបញ្ជាក់ថា តើមានលក្ខខណ្ឌអ្វីចងភ្ជាប់លើពួកគេទេ។ លោកបញ្ជាក់ថា នេះមិនមែនជាការទម្លាក់ចោលការចោទប្រកាន់លើពួកគេឡើយ។
គណបក្សភ្លើងទៀនបានចេញផ្សាយសេចក្តីពន្យល់មួយទៅកាន់សាធារណជនថា គណបក្សបានព្យាយាមស្វែងរកដំណោះស្រាយ ដោយស្នើសុំច្បាប់ចម្លងពីក្រសួងមហាផ្ទៃ ប៉ុន្តែគណបក្សមិនទទួលបានដូចបំណង។ គណបក្សបញ្ជាក់ថា ខ្លួនមិនមានបំណងមិនចូលរួមការបោះឆ្នោតនាខែកក្កដា ដូចការអះអាងរបស់លោកនាយករដ្ឋមន្រ្តី ហ៊ុន សែន ឡើយ។
នៅក្នុងជំនួបតាមប្រព័ន្ធទូរស័ព្ទជាមួយនាយករដ្ឋមន្ត្រីកម្ពុជា ប្រធានាធិបតីប្រទេសអ៊ុយក្រែន លោក Volodymyr Zelenskyy បានអរគុណកម្ពុជាសាជាថ្មីចំពោះការកាន់ជំហរគាំទ្រអ៊ុយក្រែន និងការផ្តល់ជំនួយមនុស្សធម៌នៅក្នុងការបណ្តុះបណ្តាលអ្នកដោះមីនអ៊ុយក្រែនកាលពីពេលកន្លងទៅ។
ស្ថានបេសកកម្មអចិន្ត្រៃយ៍របស់កម្ពុជាប្រចាំនៅអង្គការសហប្រជាជាតិច្រានចោលការលើកឡើងរបស់អ្នករាយការណ៍ពិសេសដែលលើកឡើងក្តីបារម្ភអំពីការមិនចុះបញ្ជីគណបក្សភ្លើងទៀនសម្រាប់ការបោះឆ្នោត ការកាត់ទោសមេដឹកនាំជំទាស់ និងការបិទប្រព័ន្ធផ្សព្វផ្សាយ។
ការស្នងតំណែងរបស់លោក ហ៊ុន ម៉ាណែត ប្រហែលជាកិច្ចការដែលត្រូវបានសម្រេចទុករួចទៅហើយ ប៉ុន្តែភាពស្របច្បាប់តាមបែបប្រជាធិបតេយ្យរបស់លោកក្នុងនាមជាអនាគតមេដឹកនាំប្រទេស នឹងអាស្រ័យលើយុទ្ធសាស្ត្ររបស់គណបក្សប្រជាជនកម្ពុជាក្នុងការគ្រប់គ្រងការបោះឆ្នោតជាតិអាណ្តត្តិទី ៧ នៅថ្ងៃទី២៣ ខែកក្កដា។
គណបក្សភ្លើងទៀនគ្រោងជួបជុំសមាជិក និងអ្នកគាំទ្រប្រមាណមួយម៉ឺននាក់ នៅទីលានប្រជាធិបតេយ្យនាចុងសប្តាហ៍នេះ ដើម្បីតស៊ូដោយសន្តិវិធី ជំទាស់នឹងសេចក្តីសម្រេចមិនឱ្យគណបក្សនេះចូលរួមការបោះឆ្នោត។ អ្នកនាំពាក្យក្រសួងមហាផ្ទៃថា ក្រសួងនឹងមិនអនុញ្ញាតឱ្យគណបក្សប្រឆាំងប្រមូលផ្តុំឡើយ។
ក្នុងពេលជាប់ពន្ធនាគារ លោក ថេង សាវឿន មេដឹកនាំអង្គការសង្គមស៊ីវិលមួយបានចេញសារទទួលស្គាល់កំហុស និងសុំទោសលោកនាយករដ្ឋមន្ត្រី ហ៊ុន សែន ជាសាធារណៈចំពោះអ្វីដែលលោកពណ៌នាថា ជាការដើរតាមជនបរទេស និងអ្នកនយោបាយជំទាស់មួយចំនួនក្នុងការប្រមូលកម្លាំងកសិករផ្តួលរំលំរដ្ឋាភិបាល«ទាំងមិនដឹងខ្លួន»។
ក្រសួងសុខាភិបាលកម្ពុជាបានអំពាវនាវឱ្យប្រជាពលរដ្ឋមានការប្រុងប្រយ័ត្ននឹងវីរុសកូវីដ១៩ ខណៈមានសេចក្តីរាយការណ៍អំពីការឆ្លងជាបន្តបន្ទាប់នៅក្នុងប្រទេសថៃ។
ជាបន្តបន្ទាប់ក្រោយមានការសុំទោសជាសាធារណៈ ហើយសុំអន្តរាគមន៍ពីលោកនាយករដ្ឋមន្ត្រី ហ៊ុន សែន សកម្មជននយោបាយនិងសង្គមជាច្រើននាក់ដែលជាប់ពន្ធនាគារត្រូវបានដោះលែងឱ្យមានសេរីភាពវិញ អ្នកតាមដានលើកឡើងពីប្រព័ន្ធយុត្តិធម៌សង្គមនៅមានកម្សោយនៅឡើយ និងផលប៉ះពាល់នៃការអនុវត្តបែបនេះ។
ព័ត៌មានផ្សេងទៀត
No media source currently available
