អ្នកតាមដានលើកឡើងបន្ថែមថា សន្តិភាពមិនមែនសំដៅតែលើតែអវត្តមាននៃសង្គ្រាមតែមួយមុខនោះទេ ពីព្រោះសន្តិភាពពេញលេញត្រូវតែគិតទៅដល់សិទ្ធិមនុស្ស និងប្រជាធិបតេយ្យ ទើបធ្វើឱ្យសន្តិភាពអាចរក្សាបានគង់វង្សយូរអង្វែង។
បន្ទាប់ពីសាលាដំបូងរាជធានីភ្នំពេញបានសម្រេចឱ្យមេដឹកនាំនយោបាយជំទាស់លោក កឹម សុខា ជាប់ឃុំនៅក្នុងផ្ទះរយៈពេល២៧ឆ្នាំ ព្រមទាំងដកសិទ្ធិនយោបាយមកនោះ អ្នកគាំទ្រមួយចំនួនរបស់លោកកំពុងបង្ហាញទំនោរថា ពួកគេនឹងមិនទៅចូលរួមការបោះឆ្នោតថ្នាក់ជាតិនាពេលខាងមុខនេះឡើយ។
បើយោងតាមសហព័ន្ធស្រូវអង្ករកម្ពុជា ស្រូវសើមក្នុងមួយគីឡូក្រាមមានតម្លៃជាមធ្យមក្នុងចន្លោះ៨៨០រៀលដល់១.១២០រៀល គិតត្រឹមថ្ងៃទី៣ ខែមីនានេះ។
អំពើឃាតកម្មលើស្ត្រីទាំងអស់នេះ ឆ្លុះបញ្ចាំងឱ្យឃើញពីទំនោរដ៏គួរឱ្យព្រួយបារម្ភលើការកើនឡើងនៃការសម្លាប់ស្ត្រីដោយដៃគូស្និទ្ធស្នាល ក្នុងរយៈពេលប៉ុន្មានឆ្នាំចុងក្រោយនេះនៅប្រទេសកម្ពុជា ដែលមានច្បាប់ស្តីពីការទប់ស្កាត់អំពើហិង្សាក្នុងគ្រួសារនិងកិច្ចគាំពារជនរងគ្រោះ ឆ្នាំ ២០០៥។
ក្រុមអ្នកជំនាញនៃ អ.ស.ប ក៏បានបញ្ជាក់ផងដែរថា សាលក្រមនេះ «ឆ្លុះបញ្ចាំងពីបរិយាកាសនយោបាយដ៏អាក្រក់មួយសម្រាប់ការធ្វើសកម្មភាពនយោបាយ» នៅក្នុងដំណើរការបោះឆ្នោតថ្នាក់ជាតិ ដោយ«អំពាវនាវឱ្យអាជ្ញាធរផ្តល់សិទ្ធិសេរីភាពដល់លោក កឹម សុខា វិញ ហើយធានាឱ្យមានការគោរពសិទ្ធិមូលដ្ឋានរបស់លោក»។
របាយការណ៍នៃការសិក្សាមួយបានបង្ហាញថា ធនធានធម្មជាតិ និងជីវៈចម្រុះនៅតំបន់នៃដងទន្លេ មេគង្គផ្នែកខាងលើនេះមានសក្ដានុពលខ្ពស់ ប៉ុន្តែបែរជាប្រឈមនឹងការបំផ្លិចបំផ្លាញដោយសកម្មភាពខុសច្បាប់។
បើតាមសេចក្តីរាយការណ៍របស់សារព័ត៌មានក្នុងស្រុក សមាជិកគណបក្សភ្លើងទៀនយ៉ាងតិច៦០០នាក់ នៅខេត្តបន្ទាយមានជ័យ បានសម្រេចចូលជីវភាពនយោបាយជាមួយគណបក្សប្រជាជនកម្ពុជាកាលពីដើមខែមករា ឆ្នាំ២០២៣នេះ។
កាលពីឆ្នាំ ២០២១ កម្ពុជាបានប្រកាសពីការសម្រេចបានគ្រប់លក្ខខណ្ឌចំនួនបី សម្រាប់រដ្ឋដែលត្រូវរួចផុតពីការចាត់ថ្នាក់ជាប្រទេសដែលមានការអភិវឌ្ឍតិចតួច។ ក៏ប៉ុន្តែការរួចផុតពីលក្ខខណ្ឌនេះ ត្រូវបានអ្នកជំនាញមើលឃើញថា អាចធ្វើឱ្យកម្ពុជាបាត់បង់ប្រយោជន៍ជាច្រើន ដែលធ្លាប់ទទួលបានកន្លងមក។
អ្នកស្រី ចក់ សុភាព នាយិកាមជ្ឈមណ្ឌលសិទ្ធិមនុស្សកម្ពុជា ថ្លែងក្នុងពិធីបើក «យុទ្ធនាការ ៨ មីនា» ថា បញ្ហាប្រឈមរបស់ស្រ្តីដែលកំពុងប្រឈមខ្លាំងជាងគេនោះ គឺអំពើហិង្សា។ អ្នកស្រីបន្ថែមថា អំពើហិង្សាតែងតែកើតឡើងពីសំណាក់អាជ្ញាធរ ក្នុងគ្រួសារ និងក្នុងចំណោមសាធារណៈជនជាដើម។
បរិយាកាសនយោបាយនិងសិទ្ធិមនុស្សក្នុងស្ថានភាពដុនដាបនេះក៏ត្រូវបានទទួលស្គាល់ដោយរដ្ឋាភិបាលរបស់ប្រទេសលោកខាងលិច ដូចជាសហរដ្ឋអាមេរិក និងសហភាពអឺរ៉ុបផងដែរ។
សហមេធាវីការពារក្តីមួយរូបរបស់លោកកឹម សុខា គឺអ្នកស្រីម៉េង សុភារី ថ្លែងថា លោកកឹម សុខាមិនព្រមទទួលយកសាលក្រមរបស់តុលាការរាជធានីភ្នំពេញទេ ហើយលោកនឹងបន្តទាមទាររកយុត្តិធម៌។
ស្នងការអង្គការសហប្រជាជាតិទទួលបន្ទុកសិទ្ធិមនុស្សបានសម្តែងការព្រួយបារម្ភចំពោះស្ថានភាពសិទ្ធិសេរីភាពនយោបាយ សារព័ត៌មាន និងសង្គមស៊ីវិលនៅប្រទេសកម្ពុជាខណៈការបោះឆ្នោតជាតិកាន់តែជិតមកដល់។
ព័ត៌មានផ្សេងទៀត
No media source currently available
