លោកនាយករដ្ឋមន្រ្តី ហ៊ុន ម៉ាណែត នៅថ្ងៃអង្គារនេះ បានការពារថា ការដំឡើងប្រាក់ឈ្នួលចំនួន ៤ដុល្លារដល់កម្មករក្នុងវិស័យកាត់ដេរ និងវាយនភណ្ឌសម្រាប់ឆ្នាំ២០២៤ គឺជាការខិតខំ និងជា«ជោគជ័យ»មួយ ក្នុង«កាលៈទេសៈលំបាកទាំងអស់គ្នា» ហើយក្នុងពេលទីផ្សារអន្តរជាតិក៏កំពុងមានបញ្ហា។
យុវជនដែលជាសកម្មជនបរិស្ថាននៃចលនាមាតាធម្មជាតិបានសម្តែងការសោកស្តាយ នៅពេលសាលាដំបូងរាជធានីភ្នំពេញបានបដិសេធមិនឱ្យពួកគេចេញទៅប្រទេសស៊ុយអ៊ែត ដើម្បីទទួលពានរង្វាន់ Right Livelihood ២០២៣។ ពួកគេចាត់ទុកការសម្រេចរបស់តុលាការជារឿងអយុត្តិធម៌ និងជាការរឹតត្បិតសិទ្ធិសេរីភាពរបស់សកម្មជន។
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប អំពាវនាវឱ្យប្រជាពលរដ្ឋទៅពិនិត្យបញ្ជីឈ្មោះ និងចុះឈ្មោះបោះឆ្នោតនៅតាមឃុំ សង្កាត់ ឬតាមគេហទំព័ររបស់ស្ថាប័នរៀបចំការបោះឆ្នោត។ នេះបើតាមសេចក្តីប្រកាសព័ត៌មានរបស់ គ.ជ.ប ចុះថ្ងៃទី២ ខែតុលា ឆ្នាំ២០២៣។
ជីវភាពគ្រួសារក្រលំបាកបានជំរុញឱ្យ លោកស្រី រី ថានី ក្លាហានបង្កើតក្តីស្រមៃរបស់ខ្លួនតាំងពីវ័យកុមារ ដើម្បីជម្នះភាពក្រីក្រលំបាក។ ក្តីស្រមៃនេះ ជាមួយនឹងការខិតខំសិក្សារៀនសូត្រនិងភាពធន់នឹងឧបសគ្គបានធ្វើឱ្យលោកស្រីក្លាយជាស្ថាបនិក និងនាយិកាសិប្បកម្មនរា
ក្រោយចុះកិច្ចព្រមព្រៀង RCEP ដែលជាគំនិតផ្តួចផ្តើមរបស់ចិន កម្ពុជាកាលពីពេលថ្មីៗនេះបាននាំចេញផលិតផលនេសាទមួយចំនួនទៅកាន់ប្រទេសចិន។ អាហារសមុទ្រ និងផលិតផលជលផលផ្សេងទៀតដែលត្រូវបាននាំចេញទៅប្រទេសចិន រួមមានបង្កងប៉ាក ត្រីប៉្រា កំពិស និងអន្ទង់។
ក្នុងរយៈពេលចុងក្រោយនេះ កម្ពុជាបានរងផលប៉ះពាល់នៃជំនន់ទឹកភ្លៀង ដែលបង្កផលប៉ះពាល់មួយចំនួននៅតាមបណ្តាខេត្តដែលទឹកឡើងខ្លាំង។ អាជ្ញាធរអះអាងថា ពួកគេបានជួយសង្គ្រោះ និងផ្តល់សម្ភារៈចាំបាច់មួយចំនួនទៅប្រជាពលរដ្ឋ ខណៈទឹកបានស្រកចុះទៅវិញ គិតត្រឹមថ្ងៃច័ន្ទនេះ។
តបតាមការស្នើសុំរបស់មេធាវី កញ្ញា សេង ធារី អាជ្ញាធរពន្ធនាគារសម្រេចនាំខ្លួនកញ្ញាពីខេត្តព្រះវិហារមកឃុំខ្លួននៅពន្ធនាគារព្រៃសវិញនៅក្នុងរាជធានីភ្នំពេញ។ មេធាវីលើកឡើងថា នេះជាចំណាត់ការល្អមួយសម្រាប់ការទាក់ទងនឹងកូនក្តី ខណៈអ្នកតាមដានជំរុញឱ្យមានយន្តការដោះ
ពិព័រណ៍កម្មវិធីសិក្សា EducationUSA ដែលគាំទ្រដោយស្ថានទូតសហរដ្ឋអាមេរិកប្រចាំនៅកម្ពុជា បានទាក់ទាញឱ្យមានការចូលរួមជាច្រើនពីសំណាក់សិស្សានុសិស្សនិងនិស្សិត រួមទាំងសាធារណជនទូទៅនៅរាជធានីភ្នំពេញ ដែលផ្តល់ព័ត៌មានជាច្រើនអំពីការបន្តការសិក្សានៅសហរដ្ឋអាមេរិក
ក្រុមសហជីពការពារសិទ្ធិកម្មករសោកស្តាយចំពោះការដំឡើងប្រាក់ឈ្នួលកម្មករតិចតួចព្រោះប្រាក់ឈ្នួលចំនួន២០៤ដុល្លារមិនទាន់អាចឆ្លើយតបនឹងតម្រូវការរស់នៅរបស់កម្មករនៅឡើយទេ។ ប៉ុន្តែមន្រ្តីក្រសួងការងារថា ការសម្រេចនេះកើតឡើងដោយការខិតខំប្រឹងប្រែងចរចាពីគ្រប់ភាគី។
ក្រុមយុវជនចលនាមាតាធម្មជាតិដែលហ៊ានចេញមុខការពារធនធានធម្មជាតិ កាលពីពេលថ្មីៗនេះ បានទទួលពានរង្វាន់ Right Livelihood ដែលមានមូលដ្ឋាននៅប្រទេសស៊ុយអ៊ែត ចំពោះសកម្មភាពក្នុងការពារធនធានធម្មជាតិរបស់ពួកគេ។ ពួកគេបន្តប្តេជ្ញាការពារធនធានធម្មជាតិ បើទោះប្រឈមនឹងការរឹតត្បិតពីអាជ្ញាធរ។
សាលាឧទ្ធរណ៍បានប្រកាសសាលដីកាក្នុងសំណុំរឿងកាលពីជិត១០ឆ្នាំមុន ដោយតម្កល់សាលក្រមដែលកាត់ទោសមេដឹកនាំសហជីព ក្នុងនោះមានលោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធផងដែរ។ មេដឹកនាំសហជីពលើកឡើងថា ពួកគេមិនទាន់ទទួលបានយុត្តិធម៌នៅឡើយទេ។
លោក សម រង្ស៊ី បានថ្លែងថា ចលនាមហាជនខ្មែរនោះរួមមានមនុស្សថ្មីៗដែលគេមិនហ៊ានចេញមុខ អ្នកការពារបរិស្ថាន អ្នកសារព័ត៌មានដើម្បីបង្ហាញជាកម្លាំងដ៏ខ្លាំងមួយរវាងខ្មែរនៅក្រៅប្រទេសជាមួយខ្មែរនៅក្នុងប្រទេសតាមរយៈការផ្តល់ព័ត៌មានឱ្យគ្នាទៅវិញទៅមក។
ព័ត៌មានផ្សេងទៀត
No media source currently available
