លោក ផន ផាន់ណា ចាត់ទុកការវាយប្រហារ នេះជាការគំរាមកំហែងផ្នែកនយោបាយមួយលើរូបលោក ដើម្បី«បំបាក់ស្មារតី»សកម្មជនគណបក្សជំទាស់ ដែលហ៊ានចេញមុខតវ៉ា។
អគ្គស្នងការរងនគរបាលជាតិទទួលបន្ទុកប្រឆាំងបទល្មើសគ្រឿងញៀន ប្រាប់សន្និសីទព័ត៌មានមួយកាលពីថ្ងៃពុធថា សមត្ថកិច្ចបានឃាត់ខ្លួនទណ្ឌិតជាជនជាតិចិនឈ្មោះ ចិន សិនហាន (CHEN HSIN HAN) និងក្រុមប្រដាប់អាវុធចំនួន៦នាក់ដែលប្រព្រឹត្តអំពើឧក្រិដ្ឋនេះ។
នៅមុនការសម្រេចជាផ្លូវការនៃការតែងតាំងនាយករដ្ឋមន្ត្រីថ្មីគឺលោក ហ៊ុន ម៉ាណែត សមាជិកនិងសកម្មជនគណបក្សភ្លើងទៀនជាបន្តបន្ទាប់ត្រូវបានចាប់ខ្លួន និងរងបទក្តីក្តាំផ្សេងៗផងដែរ។ នេះបើតាមមន្ត្រីជាន់ខ្ពស់គណបក្សភ្លើងទៀន។
លោក នេត្រ ភក្ត្រា ដែលមានតួនាទីជារដ្ឋលេខាធិការនៅក្រសួងបរិស្ថានត្រូវបានជ្រើសតាំងជារដ្ឋមន្ត្រីនៅក្រសួងព័ត៌មាន និងលោក ប៉ែន បូណា ដែលជារដ្ឋលេខាធិការនៅក្រសួងព័ត៌មាន នឹងត្រូវតែងតាំងជាអ្នកនាំពាក្យរដ្ឋាភិបាលថ្មីក្រោមការដឹកនាំរបស់លោក ហ៊ុន ម៉ាណែត។ នេះបើតាមបង្ហើបរបស់លោក ហ៊ុន សែន កាលពីថ្ងៃចន្ទ។
ក្រោយគណបក្សប្រជាជនកម្ពុជាឈ្នះការបោះឆ្នោតជាតិឆ្នាំ២០២៣ នេះ កូនប្រុសច្បងរបស់លោក ហ៊ុន សែន ត្រូវបានតែងតាំងជានាយករដ្ឋមន្ត្រី ហើយនឹងចូលកាន់តំណែងជាផ្លូវការក្នុងពេលមួយសប្តាហ៍ទៀត។ លោក សម រង្ស៊ី ប្រតិកម្មនឹងការត្រៀមឡើងកាន់អំណាចរបស់លោក ហ៊ុន ម៉ាណែត ថា ជាបែបផែននៃការផ្ទេរអំណាចខ្វះភាពស្របច្បាប់។
លោកស្រី ឃួន សុដារី បច្ចុប្បន្នមានតួនាទីជាអនុប្រធានទី ២ នៃរដ្ឋសភា ហើយក៏ជាស្រ្តីទី ១ ដែលកាន់តំណែងជាអនុប្រធានរដ្ឋសភា។ លោកស្រីមានស្រុកកំណើតនៅខេត្តបាត់ដំបង ប៉ុន្តែលោកស្រីបានក្លាយជាអ្នកតំណាងរាស្រ្តមកពីគណបក្សប្រជាជនកម្ពុជា មណ្ឌលខេត្តកណ្តាល តាំងពីអាណត្តិទី ២ ក្នុងឆ្នាំ ១៩៩៨ មក។
ក្នុងអាណត្តិទី៦ ស្រ្តីតំណាងរាស្រ្តមានចំនួន២៦នាក់ ប៉ុន្តែនៅក្នុងអាណត្តិទី៧នេះ ស្រ្តីជាតំណាងរាស្រ្តមានចំនួនតែ១៦នាក់ប៉ុណ្ណោះ។
ឧទ្យានជាតិបទុមសាគរក្នុងខេត្តកោះកុងដែលជាតំបន់ការពារធម្មជាតិ ដែលមានជម្លោះដីធ្លី និងកំពុងអភិវឌ្ឍពីសំណាក់ក្រុមហ៊ុនឯកជន ត្រូវបានកាត់បន្ថយផ្ទៃដីទំហំផ្ទៃដីជាង ២៧.០០០ ហិកតា។ នេះបើយោងតាមអនុក្រឹត្យមួយចុះថ្ងៃទី១៧ ខែកក្កដា ឆ្នាំ២០២៣ ដែលវីអូអេទទួលបាន។
គណបក្សភ្លើងទៀនបន្តទទូចសុំឱ្យក្រសួងមហាផ្ទៃចេញលិខិតទុតិយតានៃប្រកាសលេខ១៩៣ ដើម្បីឱ្យគណបក្ស អាចចូលរួមឈរឈ្មោះឱ្យគេបោះឆ្នោត សម្រាប់ការបោះឆ្នោតនាពេលក្រោយទៀត។
ចៅក្រមស៊ើបសួរ លោកស្រី ឈុន ដាវី បានថ្លែងថា ក្នុងពន្ធនាគារមានធនធានគ្រប់គ្រាន់ក្នុងការព្យាបាល ហើយថា លោកថាច់ សេដ្ឋា ក៏អាចយកគ្រូពេទ្យពីខាងក្រៅ ដើម្បីចូលពិនិត្យផងដែរ។ មេធាវីការពារក្តីលោក ជូង ជូងី ថា នេះគឺជារឿងអយុត្តិធម៌ និងធ្វើឲ្យប៉ះពាល់ដល់សុខភាពកូនក្តីរបស់លោក។
ការត្អូញត្អែររបស់ពលរដ្ឋរូបនេះ ធ្វើឡើងបន្ទាប់ពីក្រសួងពាណិជ្ជកម្មកម្ពុជាបានជូនដំណឹងកាលពីដើមសប្តាហ៍នេះថា ចាប់ពីថ្ងៃទី១ ដល់ថ្ងៃទី ១០ ខែសីហានេះ ប្រេងសាំងធម្មតាមានតម្លៃ ៤,៥៥០ រៀលក្នុងមួយលីត្រ ដែលកើនឡើងចំនួន៤០០រៀល បើធៀបនឹងសប្ដាហ៍មុន។
អ្នកតាមដានសង្គមកត់សម្គាល់ថា ការបោះឆ្នោតក្នុងអាណត្តិទី៧ ដែលអវត្តមានគណបក្សភ្លើងទៀន និងវិសោធនកម្មច្បាប់«បោះឆ្នោត» ហាក់បង្ខំឱ្យប្រជាពលរដ្ឋចេញទៅបោះឆ្នោត ដោយមិនមានជម្រើស។ ការណ៍នេះ នាំឱ្យគណបក្សរាជានិយម អាចកម្រើកខ្លួនឡើងវិញ បន្ទាប់ពីស្ងប់ស្ងាត់ជាច្រើនអាណត្តិ។
អ្នកតាមដានមើលឃើញថា ជិត៤ទសវត្សរ៍មកនេះ មានការតែងតាំងសែស្រឡាយឱ្យកាន់តួនាទីរដ្ឋធំៗដែលធ្វើឱ្យមន្ត្រីមួយចំនួនដែលមានសមត្ថភាព ដែលមិនមានសែស្រឡាយអាក់អន់ស្រពន់ចិត្តផងដែរ។
ការគូសសន្លឹកឆ្នោតចោលនៅក្នុងការបោះឆ្នោតកាលពីថ្ងៃអាទិត្យ បានក្លាយជាប្រធានបទក្តៅមួយ នៅពេលដែលលោកនាយករដ្ឋមន្រ្តី ហ៊ុន សែន បានព្រមានចាត់វិធានការអ្នកដែលញុះញង់ឱ្យគូសសន្លឹកឆ្នោតចោល តាមវិសោធនកម្មច្បាប់បោះឆ្នោតថ្មី ដែលលោក ហ៊ុន សែន បានស្នើ។
អង្គការខុមហ្វ្រែល បានដាក់អ្នកសង្កេតការណ៍ចំនួន ៤ពាន់នាក់ ដើម្បីឃ្លាំមើលការបោះឆ្នោតកាលពីថ្ងៃទី២៣ ខែកក្កដា ឆ្នាំ២០២៣។
អាជ្ញាធរបានឃាត់ខ្លួនមនុស្ស ៦ នាក់ ពាក់ព័ន្ធនឹងការគូសសន្លឹកឆ្នោតចោល នៅក្នុងការបោះឆ្នោតជាតិកាលពីថ្ងៃអាទិត្យ ក្នុងនោះ ៣ នាក់ជាសមាជិកនៃគណបក្សភ្លើងទៀននៅតាមបណ្ដាខេត្ត និង ៣ នាក់ទៀត ជាពលរដ្ឋនៅរាជធានីភ្នំពេញ។
ក្នុងបទសម្ភាសន៍មួយជាមួយវីអូអេ លោក ផៃ ស៊ីផាន អ្នកនាំពាក្យរដ្ឋាភិបាលកម្ពុជា ថ្លែងថា ការបោះឆ្នោតជាតិអាណត្តិទី ៧ នេះប្រព្រឹត្តទៅតាមបែបលទ្ធិប្រជាធិបតេយ្យ មានន័យថា សេរី យុត្តិធម៌ និងត្រឹមត្រូវ បើទោះបីគ្មានវត្តមានគណបក្សប្រឆាំងដ៏ធំមួយ។
នាថ្ងៃអាទិត្យនេះ ប្រជាពលរដ្ឋបានចេញទៅបោះឆ្នោតដែលអវត្តមានគណបក្សភ្លើងទៀន។ ពួកគេមួយចំនួនលើកឡើងពីសារសំខាន់ និងកាតព្វកិច្ចក្នុងការចូលរួមបោះឆ្នោត។ ចំណែកអ្នកខ្លះបង្ហាញក្តីសោកស្តាយដែលអវត្តមានគណបក្សជំទាស់ដ៏ធំ។
ការបោះឆ្នោតជ្រើសរើសតំណាងរាស្ត្រអាណត្តិទី ៧ នេះត្រូវបានគេមើលឃើញថានឹងធ្វើឱ្យគណបក្សប្រជាជនកម្ពុជាដឹកនាំរដ្ឋាភិបាលមួយអាណត្តិទៀត ខណៈអវត្តមានគណបក្សភ្លើងទៀនដែលជាគណបក្សប្រឆាំងដ៏ធំមួយ។
ពលរដ្ឋនៅរាជធានីភ្នំពេញដូចជា លោក អ៊ុន សុផល បានលើកឡើងថា លោកបានចេញទៅបោះឆ្នោត ដើម្បីជំរុញឱ្យរដ្ឋាភិបាលអាណត្តិថ្មីយកចិត្តទុកដាក់បម្រើប្រជាពលរដ្ឋបន្ថែមទៀត បើទោះបីជាគ្មានគណបក្សប្រឆាំងដ៏ចម្បង គឺគណបក្សភ្លើងទៀន។
ព័ត៌មានផ្សេងទៀត
