ទោះជាសេចក្តីថ្លែងការណ៍រួមមិនបាននិយាយអំពីការបើកទំនាក់ទំនងក្រៅផ្លូវការជាមួយរដ្ឋាភិបាលរួបរួមជាតិ ហៅ NUG ក៏ដោយ ក៏ក្រុមមន្ត្រីជាន់ខ្ពស់អាមេរិក និងរដ្ឋមន្ត្រីការបរទេសអាស៊ានមួយចំនួនតូច បានចរចាជាមួយមន្ត្រីរបស់ NGU នៅវ៉ាស៊ីនតោន ក្នុងសប្តាហ៍នេះ។
ទោះជាមានការជំរុញពីប្រធានាធិបតីអាមេរិកលោក Joe Biden ដល់ប្រទេសជាសមាជិកអាស៊ាន ឲ្យប្រកាន់ជំហររឹងមាំជាងមុនលើវិបត្តិសង្គ្រាមនៅអ៊ុយក្រែនក្តី ក៏កិច្ចប្រជុំកំពូលអាមេរិក-អាស៊ាន បានបញ្ចប់ទៅកាលពីថ្ងៃសុក្រុ ដោយគ្មានការថ្កោលទោសលើការឈ្លានពានរបស់រុស្ស៊ីលើអ៊ុយក្រែនទេ។
អ្នកជំនាញកិច្ចការអន្តរជាតិ ថា ការប្រជុំនោះ ត្រូវបានចាត់ទុកថា ជាការជួបជជែកពិភាក្សាគ្នាដោយផ្ទាល់ជាលើកដំបូងរវាងមេដឹកនាំសហរដ្ឋអាមេរិក និងក្រុមមេដឹកនាំប្រទេសសមាជិកអាស៊ាន។
កន្លងមក សមាគមប្រជាជាតិអាស៊ីអាគ្នេយ៍ ហៅកាត់ថាអាស៊ាន បានជៀសវាងធ្វើការរិះគន់ជាសាធារណៈចំពោះការឈ្លានពានរបស់ប្រធានាធិបតីរុស្ស៊ីលោក Vladimir Putin ទៅលើប្រទេសអ៊ុយក្រែន។
ខណៈមេដឹកនាំអាស៊ានកំពុងត្រូវបានស្វាគមន៍នៅខាងក្នុងសេតវិមានក្នុងរដ្ឋធានីវ៉ាស៊ីនតោន នៅល្ងាចថ្ងៃព្រហស្បតិ៍ ទី ១២ ខែឧសភា ឆ្នាំ២០២២ មានបាតុករមីយ៉ាន់ម៉ាដែលនិរទេសនៅក្រៅប្រទេសបានចេញមកតវ៉ាឱ្យមានការស្តារលទ្ធិប្រជាធិបតេយ្យនៅមីយ៉ាន់ម៉ាឡើងវិញ។ ចំណែកនៅខាងក្នុងសេតវិមាន កៅអីតំណាងប្រទេសមីយ៉ាន់ម៉ា ត្រូវបានគេទុកឱ្យទំនេរនៅក្នុងអំឡុងនៃកិច្ចប្រជុំកំពូលអាមេរិក-អាស៊ាននេះ។ លោក ម៉ែន គឹមសេង នៃវីអូអេបានសម្ភាសន៍បាតុករទាំងនោះ និងផ្តល់ព័ត៌មានចុងក្រោយទាក់ទងកិច្ចប្រជុំនេះដែលវីអូអេទើបទទួលបាន៖
នៅថ្ងៃទីពីរនៃកិច្ចប្រជុំកំពូលពិសេសអាមេរិក-អាស៊ាន រយៈពេល ២ ថ្ងៃនៅរដ្ឋធានីវ៉ាស៊ីនតោន ប្រធានាធិបតីសហរដ្ឋអាមេរិកលោក Joe Biden បានជួបពិភាក្សាជាមួយមេដឹកនាំអាស៊ាន អំពីបញ្ហាប្រឈមនានានៅក្នុងតំបន់ និងដើម្បីសាទរខួប ៤៥ ឆ្នាំ នៃទំនាក់ទំនងរវាងសហរដ្ឋអាមេរិកនិងអាស៊ាន។
រដ្ឋបាលលោក Biden សង្ឃឹមថា កិច្ចប្រឹងប្រែងនេះនឹងបង្ហាញឱ្យឃើញថា រដ្ឋាភិបាលក្រុងវ៉ាស៊ីនតោននៅតែយកចិត្តទុកដាក់លើតំបន់ឥណ្ឌូប៉ាស៊ីហ្វិក និងបញ្ហាប្រឈមរយៈពេលវែងពីប្រទេសចិន ដែលខ្លួនចាត់ទុកថាជាដៃគូប្រជែងដ៏សំខាន់របស់អាមេរិក។
សេតវិមានក៏កំពុងព្យាយាមបង្ហាញថា រដ្ឋាភិបាលសហរដ្ឋអាមេរិកកំពុងបង្កើនការប្រាស្រ័យទាក់ទងរបស់ខ្លួនជាមួយតំបន់ប៉ាស៊ីហ្វិក បើទោះបីជារដ្ឋបាលលោក Biden កំពុងយកចិត្តទុកដាក់ខ្លាំងលើសង្គ្រាមនៅអ៊ុយក្រែនក៏ដោយ។
ឆ្លើយតបនឹងការសន្យារបស់លោក Biden ជាទឹកប្រាក់ចំពោះអាស៊ាន ក្រសួងការបរទេសចិន ថ្លែងថា ចិនស្វាគមន៍រាល់កិច្ចសហប្រតិបត្តិការដែលលើកកម្ពស់ការអភិវឌ្ឍប្រកបដោយចិរភាព និងភាពរីកចម្រើនទៅមុខនៅក្នុងតំបន់។
ថ្លែងនៅក្នុងកិច្ចប្រជុំកំពូលជាមួយនឹងមេដឹកនាំប្រទេសជាសមាជិកនៃសមាគមប្រជាជាតិអាស៊ីអាគ្នេយ៍ ហៅកាត់ថា អាស៊ាន អនុប្រធានាធិបតីសហរដ្ឋអាមេរិកលោកស្រី Kamala Harris ថា តំបន់នេះ គឺជាអាទិភាពមួយរបស់អាមេរិក។
លោកប្រធានាធិបតី Biden ប្រកាសអំពីគំនិតផ្តួចផ្តើមដែលមានទឹកប្រាក់ជាង១៥០លានដុល្លារ ដែលយើងរំពឹងថានឹងប្រមូលថវិកាឯកជនរាប់ពាន់លានបន្ថែមទៀត ដែលនឹងធ្វើឱ្យទំនាក់ទំនងរវាងសហរដ្ឋអាមេរិក និងអាស៊ានកាន់តែស៊ីជម្រៅ ពង្រឹងមជ្ឈភាពអាស៊ាន និងពង្រីកសមត្ថភាពរួមរបស់យើង ដើម្បីសម្រេចបាននូវគោលបំណងរួមរបស់យើង»។
នៅក្នុងជំនួបដ៏កម្រមួយនេះ ដែលគ្មានវត្តមានតំណាងរដ្ឋាភិបាលមីយ៉ាន់ម៉ាចូលរួម អ្នកស្រី Harris បានថ្លែងទៅកាន់មេដឹកនាំអាស៊ានថា សហរដ្ឋអាមេរិកនឹងនៅតែមានវត្តមាននៅក្នុងតំបន់អាស៊ីអាគ្នេយ៍ជាច្រើនជំនាន់រហូតទៅ ហើយថា តំបន់អាស៊ីអាគ្នេយ៍គឺជាអាទិភាពមួយរបស់សហរដ្ឋអាមេរិក។
ព័ត៌មានផ្សេងទៀត
No media source currently available
