ក្រសួងការពារជាតិរុស្ស៊ីបានអះអាងទទួលខុសត្រូវចំពោះការវាយប្រហារដោយមីស៊ីលនៅទូទាំងប្រទេសអ៊ុយក្រែន ប៉ុន្តែមិនបានលើកឡើងអំពីការវាយប្រហារលើអគារលំនៅដ្ឋាននៅក្នុងក្រុង Dnipro នោះទេ។
កាលពីដើមខែធ្នូ ក្រុមមន្ត្រីអ៊ុយក្រែនបានប៉ាន់ប្រមាណថា ទាហានអ៊ុយក្រែនចន្លោះពី ១ ម៉ឺន ទៅ ១ ម៉ឺន ៣ ពាន់នាក់ត្រូវបានសម្លាប់ចាប់តាំងពីពេលរុស្ស៊ីឈ្លានពានអ៊ុយក្រែនកាលពីខែកុម្ភៈ ឆ្នាំ២០២២មក។
ក្រសួងការពារជាតិអង់គ្លេសបានបញ្ជាក់ថា៖ «ការប្រើប្រាស់កម្លាំងអ្នកទោសក្នុងគុក គឺជាប្រភពធនធានមនុស្សដ៏ពិសេសមួយសម្រាប់មេដឹកនាំរុស្ស៊ីក្នុងការគាំទ្រនូវប្រតិបត្តិការយោធាពិសេសរបស់ខ្លួន ខណៈពេលដែលអ្នកស្ម័គ្រចិត្តពុំមានចំនួនគ្រប់គ្រាន់»។
រដ្ឋមន្ត្រីការពារជាតិរុស្ស៊ីលោក Sergei Shoigu កាលពីថ្ងៃពុធបានតែងតាំងនាយអគ្គសេនាធិការកងទ័ពលោក Valery Gerasimov ជាមេបញ្ជាការទូទៅសម្រាប់អ្វីដែលរដ្ឋាភិបាលរុស្ស៊ីហៅថាជា «ប្រតិបត្តិការយោធាពិសេស» របស់ខ្លួននៅក្នុងប្រទេសអ៊ុយក្រែនដែលបានឈានចូលដល់ខែទី ១១ របស់ខ្លួនហើយ។
អ្នកនាំពាក្យក្រសួងការពារជាតិអាមេរិកលោកឧត្តមសេនីយ៍ត្រី Pat Ryder បានប្រកាសកាលពីថ្ងៃអង្គារក្នុងអំឡុងពេលសន្និសីទកាសែតនៅក្រសួងការពារជាតិថា ការបណ្ដុះបណ្ដាលនៅមូលដ្ឋានយោធា Fort Sill នេះអាចចាប់ផ្ដើម «លឿនបំផុតនៅសប្ដាហ៍ក្រោយ» សម្រាប់ទាហានអ៊ុយក្រនប្រហែលពី ៩០ ទៅ ១០០ នាក់។
សហរដ្ឋអាមេរិកនឹងបញ្ជូនរថពាសដែកចម្បាំង Bradley ចំនួន ៥០ គ្រឿងទៅកាន់ប្រទេសអ៊ុយក្រែន។
ពលរដ្ឋអ៊ុយក្រែន២នាក់ត្រូវបានសម្លាប់ ហើយ៩នាក់ផ្សេងទៀតបានរងរបួស ថ្វីបើមេដឹកនាំរុស្ស៊ីលោក Vladimir Putin បានបញ្ជាជាឯកតោភាគីឱ្យកងទ័ពរបស់លោកបញ្ឈប់ការវាយប្រហារនៅថ្ងៃបុណ្យគ្រឹស្តម៉ាស Orthodox ក៏ដោយ។ នេះបើតាមការបញ្ជាក់របស់រដ្ឋាភិបាលក្រុងកៀវកាលពីថ្ងៃអាទិត្យម្សិលមិញ។
ចំនួនអ្នកស្លាប់បានកើនឡើងដល់ ៨៩ នាក់ ពីចំនួន ៦៣ នាក់ដែលបានប្រកាសកាលពីថ្ងៃចន្ទ។
កាលពីខែមុន សហភាពអឺរ៉ុបបានបើកផ្លូវក្នុងការផ្តល់ជំនួយដល់អ៊ុយក្រែនក្នុងអ្វីដែលហៅថា «កិច្ចព្រមព្រៀងដ៏ធំ» ដែលរួមបញ្ចូលការអនុម័តអត្រាពន្ធសាជីវកម្មសកលយ៉ាងតិច ១៥%។
ការវាយប្រហារតាមអាកាសនៅពេលថ្មីៗនេះបានដៅលើរដ្ឋធានីកៀវក្នុងកាលពីប៉ុន្មានម៉ោងនៅព្រឹកថ្ងៃចន្ទនេះ បន្ទាប់ពីការប្រារព្ធទិវាបុណ្យចូលឆ្នាំថ្មីដែលត្រូវបានកត់សម្គាល់ដោយការវាយប្រហាររាប់សិបដងរបស់រុស្ស៊ី ដែលបានសម្លាប់មនុស្សយ៉ាងតិចណាស់៤នាក់នៅក្នុងរដ្ឋធានី និងទីក្រុងផ្សេងៗទៀតនៅអ៊ុយក្រែន។
អភិបាលក្រុងលោក Vitali Klitschko បាននិយាយក្រោយមកថា រដ្ឋធានីត្រូវបានរងការវាយប្រហារដោយយន្តហោះដ្រូនគ្មានមនុស្សបើកចំនួន ៧ គ្រឿង។ ដ្រូន ២ គ្រឿងត្រូវបានបាញ់ទម្លាក់នៅពេលហោះជិតទីក្រុង ហើយ ៥ គ្រឿងទៀតបានហោះពីលើទីក្រុង។
អ្នកជំនួយការប្រធានាធិបតីអ៊ុយក្រែនលោកMiykhailo Podolyakបានបញ្ជូនសារតាម Twitterថា រុស្ស៊ីបានបាញ់មីស៊ីលយ៉ាងតិចណាស់ ១២០ ដើម «ដើម្បីបំផ្លាញហេដ្ឋារចនាសម្ព័ន្ធសំខាន់ៗ និងសម្លាប់ជនស៊ីវិលយ៉ាងច្រើននាក់»។
ព័ត៌មានផ្សេងទៀត
