អ្នកនាំពាក្យវិមានក្រឹមឡាំង លោក Dmitry Peskov បានកត់សម្គាល់ថា៖ «យើងបាននិយាយម្តងហើយម្តងទៀតថា សហរដ្ឋអាមេរិកស្ថិតក្នុងជំហរមួយដើម្បីបញ្ចប់ជម្លោះនេះ» ហើយលោក Donald Trump នឹងត្រូវបានវាយតម្លៃ «លើសកម្មភាពជាក់ស្តែង»។
អ្នកស្រី Baerbock ថា អ៊ុយក្រែនត្រូវការការគាំទ្រក្នុងពេលដែលរុស្ស៊ីវាយប្រហារតាមអាកាស ស្របពេលដែលអ៊ុយក្រែនឈានចូលដល់រដូវរងាម្តងទៀតនិងរងការគំរាមបន្ថែមពីការគាំទ្ររបស់យោធាកូរ៉េខាងជើងចំពោះរុស្ស៊ី។
សហភាពអឺរ៉ុបនិងប្រទេសកូរ៉េខាងត្បូងបានរៀបចំជំនួប «កិច្ចសន្ទនាយុទ្ធសាស្ត្រ» លើកដំបូងបង្អស់របស់ខ្លួននៅក្នុងទីក្រុងសេអ៊ូលនៃប្រទេសកូរ៉េខាងត្បូង។
កាលពីសប្ដាហ៍មុន គម្រោង «ខ្ញុំចង់រស់ (I Want to Live)» របស់ទីភ្នាក់ងារស៊ើបការណ៍សម្ងាត់យោធាអ៊ុយក្រែនបានចេញផ្សាយសារវីដេអូមួយជាភាសាកូរ៉េនៅលើ YouTube និង X។ គម្រោងនេះក៏មានបង្ហោះសារជាភាសាកូរ៉េនៅលើ Telegram ផងដែរ។
អ្នកស្រី Choe បានធ្វើទស្សនកិច្ចនៅទីក្រុងមូស្គូនៅចំពេលដែលក្រុមបស្ចិមប្រទេសជឿថាទាហានកូរ៉េខាងជើងរហូតដល់ ១០.០០០ នាក់កំពុងហ្វឹកហ្វឺននៅក្នុងប្រទេសរុស្ស៊ីនិងកំពុងជិតចូលប្រឡូកនៅក្នុងសង្គ្រាមរយៈពេលជាងពីរឆ្នាំកន្លងមកនេះហើយនៅខាងភាគីរុស្ស៊ី។
សហរដ្ឋអាមេរិកបានទទួលព័ត៌មានដែលបានចង្អុលបង្ហាញថានៅពេលឥឡូវនេះមានកងទ័ពកូរ៉េខាងជើង៨ពាន់នាក់នៅក្នុងតំបន់ Kurskនៃប្រទេសរុស្ស៊ី។ នេះបើតាមឯកអគ្គរដ្ឋទូតរងរបស់សហរដ្ឋអាមេរិកប្រចាំនៅអង្គការសហប្រជាជាតិលោក Robert Wood បានប្រាប់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃព្រហស្បតិ៍។
លោក Austinបាននិយាយនៅឯសន្និសីទកាសែតជាមួយរដ្ឋមន្ត្រីការពារជាតិកូរ៉េខាងត្បូង Kim Yong-hyunនៅពេលដែលការព្រួយបារម្ភកើនឡើងអំពីការបញ្ជូនកងទ័ពរបស់រដ្ឋាភិបាលក្រុងព្យុងយ៉ាងរហូតដល់១ម៉ឺន១ពាន់នាក់ទៅកាន់ប្រទេសរុស្ស៊ី។
ក្រសួងការពារជាតិសហដ្ឋអាមេរិកបាននិយាយកាលពីថ្ងៃចន្ទថា កូរ៉េខាងជើងបានបញ្ជូនកងទ័ពប្រហែល១ម៉ឺននាក់ទៅហ្វឹកហាត់នៅក្នុងប្រទេសរុស្ស៊ី ដែលច្រើនជាង៣ ដងនៃការប៉ាន់ស្មានកាលពីពេលមុន។
ប្រធានអង្គការអូតង់ (NATO) លោក Mark Rutte បានថ្លែងក្នុងសន្និសីទកាសែតមួយថា៖ «កិច្ចសហប្រតិបត្តិការយោធាដែលកាន់តែស៊ីជម្រៅរវាងរុស្ស៊ីនិងកូរ៉េខាងជើងគឺជាការគំរាមកំហែងចំពោះសន្តិសុខទាំងនៅក្នុងតំបន់ឥណ្ឌូប៉ាស៊ីហ្វិកនិងតំបន់អឺរ៉ុបអាត្លង់ទិក»។
នៅក្នុងកិច្ចប្រជុំរបស់ក្រុមប្រទេស BRICS ដែលរៀបចំឡើងដោយប្រទេសរុស្ស៊ីនៅក្នុងទីក្រុង Kazan លោក Guterres បានតាំងចិត្តកាលពីថ្ងៃព្រហស្បតិ៍ធ្វើយ៉ាងណាឱ្យមាន «សន្តិភាពដ៏យុត្តិធម៌» នៅក្នុងប្រទេសអ៊ុយក្រែន។
កាលពីថ្ងៃព្រហស្បតិ៍ សមាជិកសភារុស្ស៊ីបានបោះឆ្នោតជាឯកច្ឆន្ទដើម្បីអនុម័តលើកិច្ចព្រមព្រៀងផ្នែកការពារជាមួយកូរ៉េខាងជើង ដែលកិច្ចព្រមព្រៀងនេះនឹងផ្ដល់នូវ «ការជួយជ្រោមជ្រែងទៅវិញទៅមក» ប្រសិនបើភាគីណាមួយប្រឈមនឹងការឈ្លានពាន។
ពួកមន្ត្រីក្នុងរដ្ឋធានីនៃប្រទេសអ៊ុយក្រែនបាននិយាយកាលពីថ្ងៃព្រហស្បតិ៍ថារុស្ស៊ីបានវាយប្រហារតំបន់មួយដោយប្រើដ្រូនជាង១០គ្រឿងក្នុងរយៈពេលមួយយប់។
ព័ត៌មានផ្សេងទៀត
