នៅព្រឹកថ្ងៃពុធនេះ គណៈកម្មាធិការជាតិរៀបចំការបោះឆ្នោត (គ.ជ.ប) បានបើកសវនាការជំនុំជម្រះជាសាធារណៈលើសំណុំរឿងលេខ០០១ ដែលបានពិន័យអតីតសមាជិកគណបក្សប្រឆាំងចំនួន៥នាក់ពាក់ព័ន្ធនឹងយុទ្ធនាការម្រាមដៃស្អាត នៅខេត្តបាត់ដំបង។ ក្រោយសវនាការ គ.ជ.ប បានកែប្រែចំណុចមួយចំនួន ដោយបន្ធូរបន្ថយការពិន័យមនុស្សចំនួន២នាក់ និងលើកលែងការពិន័យមនុស្សម្នាក់ទៀត។
បន្ទាប់ពីប្រកាសថាខ្លួនបានចូលគាល់ព្រះមហាក្សត្រដើម្បីសុំកែប្រែកាលបរិច្ឆេទនៃការបង្កើតរដ្ឋាភិបាលថ្មី លោកនាយករដ្ឋមន្ត្រី ហ៊ុន សែន នៅថ្ងៃពុធនេះបានប្រកាសពីគម្រោងបង្កើតរដ្ឋសភា និងរដ្ឋាភិបាលថ្មីនៅដើមខែកញ្ញា ពេលដែលកម្ពុជានឹងអាចឈានទៅរកការគ្រប់គ្រងប្រទេសដោយឯកបក្ស។ អ្នកវិភាគនយោបាយបារម្ភថា ការដឹកនាំប្រទេសដោយមានគណបក្សតែមួយនេះ នឹងអាចធ្វើឲ្យកម្ពុជាកាន់តែប្រឈមនឹងសម្ពាធពីបរទេស។
គណៈកម្មាធិការជាតិរៀបចំការបោះឆ្នោត (គជប) បានសម្រេចផាកពិន័យ មនុស្ស៣នាក់នូវទឹកប្រាក់ចំនួនពី ៥លាន ទៅ១០លានរៀល ដែលគាំទ្រគណបក្សជំទាស់ពីបទចោទថា ពួកគេបានធ្វើយុទ្ធនាការម្រាមដៃស្អាតឬពហិការរារាំងអ្នកបោះឆ្នោត មិនឲ្យទៅចូលរួមបោះឆ្នោត។
អ្នកស្រាវជ្រាវខាងហិរញ្ញវត្ថុដែលបានរកឃើញថាលទ្ធផលពីការបោះឆ្នោតថ្ងៃទី២៩កក្កដា បាននាំមកឲ្យកម្ពុជានូវហានិភ័យនៃការបាត់បង់ការទ្រទ្រង់ខាងហិរញ្ញវត្ថុពីអន្តជាតិ ជាពិសេសពីប្រទេសនៅបស្ចិមលោក។
លោកនាយករដ្ឋមន្ត្រី ហ៊ុន សែន ស្បថថាឲ្យលោកស្លាប់ បើសិនជាលទ្ធផលនៃចំនួនប្រជាពលរដ្ឋចេញទៅបោះឆ្នោត ជាលទ្ធផលក្លែងក្លាយ។ លោក សម រង្ស៊ី ក៏បានបង្ហោះសារលើទំព័រហ្វេសប៊ុករបស់លោក ឆ្លើយតបនឹងការបបួលស្បថរបស់លោក ហ៊ុន សែន ថា ជាវិធីឃ្លាតឆ្ងាយពីវិទ្យាសាស្ត្រ និងបច្ចេកទេសជាក់ស្តែង។
មួយសប្ដាហ៍ក្រោយការបោះឆ្នោតនៅកម្ពុជាដែលមិនមានវត្តមានគណបក្សប្រឆាំងដ៏ធំ គឺគណបក្សសង្គ្រោះជាតិ រដ្ឋមន្ត្រីការបរទេសជប៉ុន លោក Taro Kono បានហៅការបោះឆ្នោតមួយនេះថា«ជាការខកចិត្ត»។
លោក Taro Kono រដ្ឋមន្ត្រីការបរទេសជប៉ុន ត្រូវបានដកស្រង់សម្ដីថា៖ «ខ្ញុំបានប្រាប់លោក ប្រាក់ សុខុន ថាលទ្ធផលបោះឆ្នោត គឺជាការខកចិត្តមួយតាមផ្លូវច្រើនយ៉ាង ខណៈសន្លឹកឆ្នោតជាច្រើនត្រូវបានចាត់ទុកថាមិនបានការ បើទោះជាប្រទេសជប៉ុន បានផ្ដល់ការគាំទ្ររបស់ខ្លួន ដើម្បីធានាថាការបោះឆ្នោតបង្ហាញពីឆន្ទៈរបស់អ្នកបោះឆ្នោតក៏ដោយ»។
ផ្សាយផ្ទាល់៖ សន្និសីទកាសែតរបស់គណបក្សខ្មែរអភិវឌ្ឍន៍សេដ្ឋកិច្ច ដែលដឹកនាំដោយ លោកហួន រាជចំរើន ប្រធានគណបក្ស។ គណបក្សខ្មែរអភិវឌ្ឍន៍សេដ្ឋកិច្ច ប្រតិកម្មមិនទទួលស្គាល់ទៅលើលទ្ធផលបោះឆ្នោតបឋម របស់គណកម្មាធិការជាតិរៀបចំការបោះឆ្នោត៕
ពលរដ្ឋខ្មែរអាមេរិកាំងម្នាក់គឺលោក ឆៃ ចិន្តា ដែលបានតាមឃ្លាំមើលដំណើរការបោះឆ្នោតនៅកម្ពុជាមើលឃើញថា ចំនួនសន្លឹកឆ្នោតមិនបានការដ៏ច្រើននេះគឺជាកម្លាំងព្រមានដ៏ធំមួយដល់រដ្ឋាភិបាលនិងគណបក្សនយោបាយ។
ខណៈដំណើរវិលទៅរកការដឹកនាំដោយគណបក្សតែមួយនៅប្រទេសកម្ពុជាបានទាញការចាប់អារម្មណ៍ពីអ្នកសង្កេតការណ៍នយោបាយមួយចំនួន ក្រុមសហជីពនៅប្រទេសកម្ពុជាបារម្ភពីការដើរថយក្រោយនៃការអភិវឌ្ឍន៍សេដ្ឋកិច្ចរបស់ប្រទេសនេះ នៅពេលដែលកម្ពុជាមិនអើពើនឹងសហគមន៍ប្រជាធិបតេយ្យ ហើយផ្ដេកផ្ដួលកាន់តែខ្លាំងទៅលើរដ្ឋាភិបាលក្រុងប៉េកាំង។
ខណៈដែលគណបក្សប្រជាជនកម្ពុជាទំនងជានឹងក្រសោបយកទាំង១២៥កៅអីក្នុងរដ្ឋសភាអាណត្តិទី៦ ក្រោយការបោះឆ្នោតទាំងប្រទាំងប្រទើសកាលពីសប្ដាហ៍មុន មន្ត្រីជំនាន់ក្រោយវ័យក្មេងមួយរូបរបស់បក្សមួយនេះ គឺលោករដ្ឋមន្ត្រីបរិស្ថាន សាយ សំអាល់ បានសរសេរបទបរិយាយមួយ ផ្ញើជូនកាសែតក្នុងស្រុកដោយព្យាយាមពន្យល់ថា ប្រជាធិបតេយ្យក្នុងបរិបទសភាឯកបក្ស មិនមែនជារឿងអ្វីចម្លែកពេកនោះទេ។
នេះគឺជាមហាសន្និបាតកំពូលប្រចាំឆ្នាំលើកទីពីររបស់សហគមន៍ខ្មែរនៅក្រៅប្រទេសដែលឆ្នាំនេះរៀបចំឡើងស្របពេលដែលសហគមន៍អន្តរជាតិវាយតម្លៃថាលទ្ធិប្រជាធិបតេយ្យនៅកម្ពុជាបានដើរមកដល់ចំណុចគ្រោះថ្នាក់មួយ។
ព័ត៌មានផ្សេងទៀត
No media source currently available
