លោកយាង សុធារិន និងលោកអ៊ួន ឈិន ត្រូវបានអាជ្ញាធរចាប់ខ្លួន និងចោទប្រកាន់តាមមាត្រា៤៤៥នៃក្រមព្រហ្មទណ្ឌកម្ពុជា កាលពីថ្ងៃទី១៨ ខែវិច្ឆិកា ឆ្នាំ២០១៧ ពីបទប្រគល់ឱ្យរដ្ឋបរទេសនូវព័ត៌មាន ជាអាទិ៍ដែលអាចធ្វើឲ្យអន្តរាយដល់ការការពារជាតិ។
ពលករ និងពលការិនីខ្មែរចំនួន២២នាក់ ដែលបានធ្វើការដោយខុសច្បាប់នៅប្រទេសម៉ាឡេស៊ី បានមកដល់កម្ពុជា កាលពីថ្ងៃទី២ ខែកញ្ញា ឆ្នាំ២០១៨ និងពលរដ្ឋចំនួន៣១នាក់ ដែលបានចូលទៅស្នាក់នៅ និងប្រកបរបរលក់ឆ្នោតដោយខុសច្បាប់នៅក្នុងប្រទេសវៀតណាម បានមកដល់កម្ពុជាកាលពីថ្ងៃទី១៤ ខែកញ្ញា ឆ្នាំ២០១៨។
សិស្សនិស្សិត សកម្មជន និងអ្នកកាសែតរាប់សិបនាក់បាននាំគ្នាធ្វើបាតុកម្មនៅតាមដងផ្លូវនានាក្នុងទីក្រុងធំបំផុតនៃប្រទេស មីយ៉ាន់ម៉ា កាលពីថ្ងៃអាទិត្យ ដើម្បីតវ៉ានឹងការកាត់ទោសអ្នកកាសែតបណ្តាញសារព័ត៌មាន Reuters ពីរនាក់ ឲ្យជាប់ពន្ធនាគាររយៈពេល៧ឆ្នាំ។
ក្រុមប្រជាពលរដ្ឋប្រមាណជាង៧០គ្រួសារ ដែលជាអតីតទាហានខ្មែរក្រហម បានបដិសេធមិនទទួលយកដំណោះស្រាយដីធ្លី ដែលផ្តល់ដោយក្រុមហ៊ុនក្នុងស្រុកមួយ ដែលតំណាងពលរដ្ឋចោទថា គ្មានបណ្ណកម្មសិទ្ធិកាន់កាប់ដីដែលកំពុងមានទំនាស់។ មន្ត្រីសិទ្ធិមនុស្សស្នើឲ្យអាជ្ញាធរធ្វើជាអាជ្ញាកណ្តាលដែលមិនមានភាពលម្អៀងទៅភាគីណាមួយ ដើម្បីសម្របសម្រួលដោះស្រាយទំនាស់នេះដោយសន្តិវិធី។
ក្រុមប្រជាពលរដ្ឋប្រមាណជាង៧០គ្រួសារ ដែលជាអតីតទាហានខ្មែរក្រហម ត្រូវបានអាជ្ញាធរខេត្តបន្ទាយមានជ័យស្នើឲ្យរុះរើលំនៅដ្ឋាន ដែលអាជ្ញាធរចោទថា ជាសំណង់អនាធិបតេយ្យ គឺចេញពីដីដែលកាន់កាប់ដោយក្រុមពលរដ្ឋ១៤គ្រួសារផ្សេងទៀត និងក្រុមហ៊ុនឯកជនមួយ។
កញ្ញា លី ស្រីស្រស់ ប្រធានក្រុមអ្នកវិភាគវ័យក្មេង ដែលជាវាគ្មិនក្នុងកម្មវិធី Hello VOA ស្ដីពី«ការប្រឆាំងអំពើពុករលួយ» កាលពីថ្ងៃច័ន្ទទី១៣ ខែកញ្ញានេះ បានមានប្រសាសន៍ថា ពលរដ្ឋគួរផ្លាស់ប្ដូរ«គោលការណ៍សីលធម៌» ក្នុងការបង់ប្រាក់ដែលមិនចាំបាច់ ដល់មន្ត្រីបម្រើសេវាសាធារណៈ។
ជាថ្មីម្តងទៀត ហើយក៏មិនខុសពីពេលមុននោះដែរ មន្ត្រីជាន់ខ្ពស់កម្ពុជាប្រចាំនៅមន្ទីរអង្គការសហប្រជាជាតិនៅទីក្រុងហ្សឺណែវ ប្រទេសស្វីស បានសម្តែងការមិនពេញចិត្តចំពោះការប្រើពាក្យសម្តីរបស់មន្ត្រីទទួលបន្ទុកសិទ្ធិមនុស្សរបស់អ.ស.ប. ទាក់ទងនឹងស្ថានភាពនយោបាយ និងសិទ្ធិមនុស្សនៅកម្ពុជា។ អ្នកវិភាគនយោបាយកម្ពុជាថ្លែងថា វាជាទម្លាប់របស់មន្ត្រីរដ្ឋាភិបាលក្នុងការទាត់ចោលរាល់ការរិះគន់ ដែលមានលក្ខណៈស្ថាបនានោះ។
បន្ទាប់ពីបានការអនុញ្ញាតពីសាលាដំបូងរាជធានីភ្នំពេញឲ្យបានស្ថិតនៅក្រៅឃុំកាលពីខែសីហា អតីតអ្នកយកព័ត៌មានវិទ្យុអាសេរីពីររូបបានមកបង្ហាញខ្លួននៅសាលសវនាការតុលាការកំពូលនៅព្រឹកថ្ងៃពុធនេះ ដើម្បីទទួលការកាត់សេចក្តីពាក្យបណ្តឹងរបស់ពួកគេប្រឆាំងនឹងការឃាត់ខ្លួនខុសពីនីតិវិធី។ តុលាការកំពូលបានលើកពេលប្រកាសសាលក្រមទៅថ្ងៃចន្ទសប្តាហ៍ក្រោយ។
សាក្សីបន្ថែមពីរនាក់ផ្សេងទៀតដែលជាមេដឹកនាំសមាគម និងសកម្មជនដីធ្លីត្រូវបានសាលាដំបូងរាជធានីភ្នំពេញ សាកសួរទាក់ទិននឹងទំនាក់ទំនងរបស់ពួកគេជាមួយគណបក្សសង្គ្រោះជាតិ ក្នុងព្រឹត្តិការណ៍តវ៉ាជាច្រើនក្រោយការបោះឆ្នោតជាតិឆ្នាំ២០១៣។ សាក្សីទាំងពីរអ្នកនោះ រួមមានលោក វន ពៅ មេដឹកនាំសមាគមសេដ្ឋកិច្ចក្រៅប្រព័ន្ធ និងអ្នកស្រី ស ស៊ន សកម្មជនដីធ្លីនៅសហគមន៍បុរីកីឡា។
រដ្ឋមន្ត្រីក្រសួងយុត្តិធម៌អាមេរិក លោក Jeff Sessions បានស្វាគមន៍ចៅក្រមអន្តោប្រវេសន៍ថ្មីចំនួន៤៤នាក់ ដែលជាចំនួនចៅក្រមអន្តោប្រវេសន៍ច្រើនបំផុតនៅក្នុងប្រវត្តិសាស្ត្រអាមេរិក។ នេះបើយោងតាមក្រសួងយុត្តិធម៌អាមេរិក។
កិច្ចប្រជុំនេះ គ្រោងនឹងរៀបចំនៅថ្ងៃទី១០ ខែកញ្ញា វេលាម៉ោង៩ព្រឹក នាទីស្តីការក្រសួងការងារក្នុងទីក្រុងភ្នំពេញ។ ក្នុងការប្រជុំដដែលនេះ នឹងមានភាគីនិយោជកចំនួន១៦រូប និងភាគីរដ្ឋាភិបាលចំនួន១៦រូបផងដែរ។
ព័ត៌មានផ្សេងទៀត
No media source currently available
