គណៈកម្មាធិការស៊ើបអង្កេតពិសេសរបស់អង្គការសហប្រជាជាតិបានចោទប្រកាន់យោធាមីយ៉ាន់ម៉ាថាបានប្រព្រឹត្តអំពើឃោរឃៅជាច្រើន «ក្នុងគោលបំណងប្រល័យពូជសាសន៍» នៅក្នុងអំឡុងពេលបង្ក្រាបជាតិសាសន៍រ៉ូហ៊ីងយ៉ា កាន់សាសនាឥស្លាមកាលពីឆ្នាំមុន និងបានអំពាវនាវឲ្យមាការស៊ើបអង្កេត និងការកាត់ទោសជាអន្តរជាតិលើមន្ត្រីយោធាមីយ៉ាន់ម៉ាកំពូលៗ។
កំពង់ស្ពឺជាខេត្តមួយដែលសម្បូរទៅដោយជម្លោះដីធ្លី។ ក្នុងស្រុកឱរ៉ាល់មានជម្លោះដីធ្លីរ៉ាំរ៉ៃចំនួន២គឺជម្លោះជាមួយក្រុមហ៊ុនស្ករអំពៅនិងក្រុមហ៊ុនដាំដំឡូងHLH Agriculture Cambodia។ នៅមុនការបោះឆ្នោត អាជ្ញាធរបានសន្យាជាមួយអ្នកមានជម្លោះដីធ្លីថា នឹងដោះស្រាយបញ្ហានេះប្រសិនបើគណបក្សកាន់អំណាចឈ្នះការបោះឆ្នោត។ រហូតមកដល់ពេលនេះឋ្រជាជនទាំងនោះកំពុងរង់ចាំដំណោះស្រាយតាមការសន្យា។ លោក ស៊ុន ណារិន នៃVOAរាយការណ៍ពីខេត្តកំពង់ស្ពឺ
លោក ឆាំង យុ នាយកមជ្ឈមណ្ឌលឯកសារកម្ពុជា នឹងទៅទទួលពានរង្វាន់ Ramon Magsaysay ក្នុងទីក្រុង ម៉ានីល ប្រទេស ហ្វីលីពីននៅសប្ដាហ៍នេះ ចំពោះស្នាដៃរក្សាការចងចាំប្រវត្តិសាស្ត្រសម្រាប់ការសះស្បើយផ្លូវចិត្ត និងយុត្តិធម៌។ នេះបើយោងតាមការប្រកាសរបស់មជ្ឈមណ្ឌលឯកសារតាមសារអេឡិចត្រូនិកដែល VOA ទទួលបានកាលពីថ្ងៃអាទិត្យ។
ការអំពាវនាវរបស់អង្គការអន្តរជាតិធំៗទាំង៥ នេះ ធ្វើឡើង តែមួយថ្ងៃមុនពេលមន្ត្រី៣រូបក្នុងចំណោមអ្នកទាំង៥ ត្រូវបានតុលាការក្រុងភ្នំពេញកោះហៅឱ្យចូលខ្លួន ដើម្បីចាប់ផ្ដើមសវនាការលើសំណុំរឿងក្ដីរបស់ពួកគេនៅថ្ងៃច័ន្ទ ទី២៧ ខែសីហានេះ។
រដ្ឋមន្ត្រីការបរទេសអាមេរិកលោក Mike Pompeo បាននិយាយថា សហរដ្ឋអាមេរិកនឹងបន្តធ្វើយ៉ាងណាឲ្យមានការទទួលខុសត្រូវចំពោះមុខច្បាប់ ចំពោះអ្នកណាដែលទទួលខុសត្រូវចំពោះអ្វីដែលលោកហៅថាជា «ការបោសសម្អាតជាតិសាសន៍ដ៏អាក្រក់បំផុត» ទៅលើជាតិសាសន៍ Rohingya កាន់សាសនាឥស្លាមនៅក្នុងប្រទេសមីយ៉ាន់ម៉ា។
មន្ត្រីអាហ្វហ្គានីស្ថានបាននិយាយនៅថ្ងៃសៅរ៍នេះថាមានមនុស្សយ៉ាងតិចណាស់ពីរនាក់បានស្លាប់ហើយបួននាក់ទៀតបានត្រូវរបួសនៅក្នុងការបំផ្ទុះគ្រាប់បែកអត្តឃាតមួយនៅជិតការិយាល័យបោះឆ្នោតមួយក្នុងក្រុង Jalalabad ប៉ែកឦសាននៃប្រទេសអាហ្វហ្គានីស្ថាន។
ការរិះគន់នេះមានក្រោយប្រកាសរបស់លោកនាយករដ្ឋមន្រ្តី ហ៊ុន សែន អំពីគម្រោងដោះលែងសមាជិកគណបក្សប្រឆាំងចំនួន១២រូបដោយភ្ជាប់នឹងការព្រមានថា នឹងប្តូរចិត្ត ប្រសិនបើមានការអត្ថាធិប្បាយថា ការដោះលែងនោះដោយសាររងសម្ពាធពីបរទេសនោះ។
ក្រោយការបោះឆ្នោតជាតិអាណត្តិទី៦មិនបានមួយខែផងនោះ គេសង្កេតឃើញថា មានការដោះលែងសកម្មជនដីធ្លី និងអតីតអ្នកយកព័ត៌មានវិទ្យុអាស៊ីសេរីដែលគាំទ្រដោយសហរដ្ឋអាមេរិក។ ការិយាល័យសិទ្ធិមនុស្សរបស់អង្គការសហប្រជាជាតិប្រចាំនៅកម្ពុជា ហៅកាត់ថា (OHCHR Cambodia) ស្វាគមន៍ចំពោះការដោះលែងនេះ ហើយរំពឹងថា នឹងមានការដោះលែងអ្នកទោសនយោបាយឯទៀត រួមមានលោកកឹម សុខា ប្រធានគណបក្សសង្គ្រោះជាតិ ដែលត្រូវបានគេរំលាយចោលកាលពីឆ្នាំមុនក្រោមបទសង្ស័យថា បានប្រព្រឹត្តអំពើក្បត់ជាតិ។
សាលាដំបូងរាជធានីភ្នំពេញ បានបន្តកោះហៅលោកសម រង្ស៊ី អតីតប្រធានគណបក្សសង្គ្រោះជាតិ ឲ្យចូលខ្លួនបំភ្លឺ បទចោទប្រកាន់ថា លោកបានប្រមាថចំពោះអង្គព្រះមហាក្សត្រ។ មន្ត្រីសិទ្ធិមនុស្សយល់ថា ពេលនេះ ជាវេលានៃការរួបរួមគ្នា ជាជាងការប្តឹងផ្តល់ ដែលអាចនឹងបង្អាក់ដំណើរការអភិវឌ្ឍប្រទេសទាំងខាងសេដ្ឋកិច្ច និងសង្គម។
បន្ទាប់ពីអតីតអ្នកសារព័ត៌មានវិទ្យុអាស៊ីសេរីពីររូបរងការចោទប្រកាន់ និងជាប់ឃុំអស់រយៈពេល៩ខែក្នុងពន្ធនាគារ នៅថ្ងៃអង្គារនេះ តុលាការសម្រេចឲ្យអ្នកទាំងពីរបាននៅក្រៅឃុំជាបណ្តោះអាសន្ន។ អ្នកវិភាគនយោបាយលើកឡើងថា ការដោះលែងនេះធ្វើឡើងដោយសាររដ្ឋាភិបាលព្យាយាមសម្រាលខ្លួនពីការដាក់សម្ពាធអន្តរជាតិ ក្រោយការឈ្នះឆ្នោតដោយគ្មានការចូលរួមពីគណបក្សប្រឆាំង។
បន្ទាប់ពីបានជាប់នៅក្នុងពន្ធនាគារអស់រយៈពេល៦ខែ លោក ហេង សុខ តំណាងពលរដ្ឋចំនួន៥០គ្រួសារ ក្នុងសហគមន៍ព្រែកខ្សាច់ ខេត្តកោះកុង ត្រូវបានតុលាការក្នុងខេត្តនេះ កាត់ទោសឲ្យជាប់ពន្ធនាគាររយៈពេល១ឆ្នាំ៦ខែ ក្នុងសំណុំរឿងវិវាទដីធ្លីជាមួយលោក លី យ៉ុងផាត់។ មន្ត្រីសិទ្ធិមនុស្សប្រចាំខេត្តកោះកុង បានហៅការកាត់ទោសនេះថា ជាការសម្រេចចិត្តយ៉ាងអយុត្តិធម៌ប្រឆាំងនឹងសកម្មជនការពារសិទ្ធិដីធ្លី។
អ្នកស្រី ទេព វន្នី បានជាប់ពន្ធនាគាររយៈពេលជាង២ឆ្នាំ ក្រោមបទប្រមាថអ្នករាជការសាធារណៈនិងបទប្រឆាំងអ្នករាជការសាធារណៈ ប៉ុន្តែសកម្មជនដីធ្លីរូបនេះបានបដិសេធបទចោទនេះទាំងស្រុង។
ព័ត៌មានផ្សេងទៀត
No media source currently available
