អ្នកដឹកនាំរឿងនិងផលិតករភាពយន្តម៉ាឡេស៊ីដែលរៀបរាប់ពីជីវិតក្រោយពេលស្លាប់ ដែលជាភាពយន្តត្រូវបានគេហាមឃាត់នៅប្រទេសម៉ាឡើស៊ីបានរងការ ចោទប្រកាន់ពីការបំពានលើអារម្មណ៍នៃជំនឿសាសនារបស់អ្នកដទៃ
លោក Musalia Mudavadi រដ្ឋមន្ត្រីការបរទេសកេនយ៉ា បានថ្លែងកាលពីថ្ងៃអាទិត្យ ទី ២១ ខែមករាថា ប្រទេសរបស់លោក «មិនមានសង្គ្រាម» ជាមួយប្រទេសជិតខាងទេ ហើយប្រទេសរបស់លោកចង់នាំសន្តិភាពមកកាន់តំបន់នេះ។
មន្ត្រីផ្នែកការពារជាតិសហរដ្ឋអាមេរិកបាននិយាយថា ការវាយប្រហារនេះបានចំលើគោលដៅជាច្រើននៅទូទាំងទីតាំងចំនួន ៨ ដែលក្នុងនោះរួមមានទាំងកន្លែងស្តុកទុកអាវុធក្រោមដីមួយកន្លែង ក៏ដូចជាកន្លែងបាញ់មីស៊ីលនិងទីតាំងផ្សេងទៀតដែលពាក់ព័ន្ធនឹងសមត្ថភាពឈ្លបតាមដានរបស់ក្រុមហ៊ូធីផងដែរ។
ក្រុមប្រតិភូនេះក៏បានបង្ហាញផងដែរថា រដ្ឋមន្ត្រីក្រសួងហិរញ្ញវត្ថុអាមេរិកលោកស្រី Janet Yellen នឹងត្រឡប់ទៅប្រទេសចិនវិញដើម្បីធ្វើទស្សនកិច្ចមួយនៅពេលអនាគត។ លោកស្រីធ្លាប់ធ្វើទស្សនកិច្ចនៅប្រទេសចិនកាលពីខែកក្កដា។
អ្នកវិភាគមួយចំនួនបានថ្លែងថា យុទ្ធនាការដាក់សម្ពាធថ្មីចុងក្រោយបង្អស់របស់ចិនលើតៃវ៉ាន់នេះគឺជាផ្នែកមួយនៃការប្រកួតប្រជែងរបស់ខ្លួនជាមួយសហរដ្ឋអាមេរិកដើម្បីដណ្តើមឥទ្ធិពលនៅតំបន់ប៉ាស៊ីហ្វិក និងជាការប៉ុនប៉ងដើម្បីចោទប្រកាន់គណបក្ស DPP ដែលគាំទ្រការរក្សាអធិបតេយ្យភាពរបស់តៃវ៉ាន់ថាជាគណបក្សអសមត្ថភាព។
ការចោទប្រកាន់លើស្នងការប៉ូលិសក្រុងសេអ៊ូលលោក Kim Kwang-ho នេះបានធ្វើឡើងក្នុងពេលជាងមួយឆ្នាំក្រោយមកបន្ទាប់ពីមានការប្រជ្រៀតជាន់គ្នាស្លាប់កាលពីខែតុលា ឆ្នាំ ២០២២ ដែលបានធ្វើឱ្យមនុស្ស ១៥៩ នាក់ស្លាប់នៅថ្ងៃបុណ្យ Halloween នៅតំបន់ Itaewon នៃរដ្ឋធានីសេអ៊ូល។
ឧប្បត្តិហេតុទាំងនេះមានការវាយប្រយុទ្ធគ្នាដោយប្រើដៃ ហើយបានកើតមានឡើងនៅពេលដែលរដ្ឋាភិបាលក្រុងញូវដែលីនិងក្រុងប៉េកាំងបានធ្វើកិច្ចចរចាខាងការទូតនិងខាងយោធាមួយចំនួន ដើម្បីដោះស្រាយជម្លោះយោធាដ៏អាក្រក់បំផុតរបស់ប្រទេសទាំងពីរនៅក្នុងពេលជាច្រើនទសវត្សរ៍មកហើយ។
បណ្តាញព័ត៌មានរដ្ឋ KCNA នៃប្រទេសកូរ៉េខាងជើង បានឱ្យដឹងកាលពីថ្ងៃទី១៩ ខែមករាថា កូរ៉េខាងជើងបានធ្វើតេស្តប្រព័ន្ធអាវុធនុយក្លេអ៊ែរក្រោមសមុទ្ររបស់ខ្លួន នៅក្នុងការតវ៉ាមួយប្រឆាំងនឹងសមយុទ្ធយោធារួមគ្នានៅសប្តាហ៍នេះរវាងកូរ៉េខាងត្បូង សហរដ្ឋអាមេរិកនិងជប៉ុន។
អង្គការសប្បុរសធម៌ Care International បានកំណត់ប្រទេសចំនួន ១០ នៅអាហ្វ្រិក ដែលកំពុងប្រឈមនឹងបញ្ហាមនុស្សធម៌ ចាប់ពីភាពអត់ឃ្លាន អំពើហិង្សា និងការប្រែប្រួលអាកាសធាតុ ប៉ុន្តែទទួលបានការរាយការណ៍តិចតួចប៉ុណ្ណោះ។
នាយិកាមូលនិធិរូបិយវត្ថុអន្តរជាតិ អ្នកស្រី Kristalina Georgieva បានថ្លែងក្នុងបទសម្ភាសន៍មួយ នៅរដ្ឋធានីវ៉ាស៊ីនតោនថា៖ «វានឹងជាឆ្នាំដ៏តឹងតែងមួយ ពីព្រោះគោលនយោបាយសារពើពន្ធត្រូវរៀបចំជាប្រាក់ទំនុកបម្រុងឡើងវិញ និងដោះស្រាយបញ្ហាបំណុលដែលបានកើនឡើងនៅតាមបណ្តាប្រទេសមួយចំនួន»។
អ្នកវិភាគនិយាយថា សមត្ថភាពរបស់បច្ចេកវិទ្យាបញ្ញាសិប្បនិម្មិត AI ក្នុងការពិនិត្យបណ្ដុំទិន្នន័យបានយ៉ាងលឿន និង មានតម្លៃទាប អាចជួយដល់ប្រព័ន្ធផ្សព្វផ្សាយព័ត៌មានក្នុងស្រុកក្នុងការបំពេញតួនាទីជាអ្នកឃ្លាំមើល។
សមយុទ្ធយោធានេះមានឈ្មោះថា «អ្នកការពារដ៏ស្មោះស្ម័គ្រឆ្នាំ ២០២៤ ឬ Steadfast Defender 24 នឹងបង្ហាញថា អង្គការអូតង់អាចធ្វើប្រតិបត្តិការដ៏ស្មុគ្រស្មាញចម្រុះក្នុងរយៈពេលជាច្រើនខែ ដោយឆ្លងកាត់ផ្ទៃដីរាប់ម៉ឺនគីឡូម៉ែត្រពីជ្រុងភាគខាងជើង ដល់ភាគកណ្តាល និងផ្នែកខាងកើតទ្វីបអឺរ៉ុប ទោះស្ថិតក្នុងលក្ខខណ្ឌបែបណាមួយក្តី។
ព័ត៌មានផ្សេងទៀត
No media source currently available
