គ.ជ.បបានអំពាវនាវឲ្យប្រជាពលរដ្ឋទៅបោះឆ្នោតក្រុមប្រឹក្សាឃុំសង្កាត់ នៅថ្ងៃអាទិត្យនេះ ហើយអ្នកដែលបាត់អត្តសញ្ញាណប័ណ្ណអាចស្នើសុំលិខិតបញ្ជាក់ពីអាជ្ញាធររៀបចំការបោះឆ្នោត ដើម្បីអាចបោះឆ្នោតបាន។ នេះបើយោងតាមសេចក្តីអំពាវនាវរបស់គ.ជ.ប ចុះថ្ងៃទី៣១ ខែឧសភា ឆ្នាំ២០២២។
លោក យី សីហា បានឲ្យដឹងថា ការផ្តល់សេវាសាធារណៈ គ្រឿងញៀន សន្តិសុខសង្គម ផ្លូវថ្នល់ តម្រូវការសុខាភិបាល ការលើកស្ទួយជីវភាពរបស់ប្រជាពលរដ្ឋ គឺជាកិច្ចការចម្បងដែលត្រូវកែប្រែជាចាំបាច់នៅក្នុងឃុំសូភាស ខេត្តកំពង់ចាម។
លោក ប៉ុល ហំម ប្រធានគណបក្សកែទម្រង់កម្ពុជា បានអះអាងថា គណបក្សកាន់អំណាចកំពុងដឹកនាំប្រទេសដោយជិះសេះលែងដៃ ដោយកាន់កាប់អាសនៈទាំងអស់នៅក្នុងសភា និងអាសនៈស្ទើរតែទាំងអស់នៅក្នុងឃុំសង្កាត់យក ដែលកំពុងធ្វើឱ្យដំណើរការលទ្ធិប្រជាធិបតេយ្យសេរីពហុបក្សអាចនឹងសាបសូន្យនៅកម្ពុជា។
លោក សុខ ឥសាន អ្នកនាំពាក្យគណបក្សប្រជាជនកម្ពុជា បានឲ្យអ្នកស្រី ធីតា វីន អ្នកយកព័ត៌មានឲ្យវីអូអេប្រចាំរាជធានីភ្នំពេញ ថា ការរីកចម្រើនថ្នាក់មូលដ្ឋានគឺជាបង្អែកដ៏សំខាន់ក្នុងការអភិវឌ្ឍប្រទេស។
កាលពីថ្ងៃអាទិត្យ គណបក្សកម្ពុជានិយមដែលមានរូបសញ្ញាឥន្ទ្រី របស់អតីតតំណាងរាស្ត្រគណបក្សសង្គ្រោះជាតិ លោក យ៉ែម បុញ្ញឫទ្ធិ បានចាប់ផ្តើមយុទ្ធនាការឃោសនារកសំឡេងឆ្នោតលើកទី១របស់ខ្លួនក្នុងរាជធានីភ្នំពេញ ដោយបក្សនេះរំពឹងថានឹងទទួលបានតំណែងជាមេឃុំក្នុងការបម្រើប្រជាពលរដ្ឋ។
លោក ស ខេង បានថ្លែងថា ប្រជាពលរដ្ឋដែលទៅបោះឆ្នោត បើទោះមកពីគណបក្សណាក៏ដោយ សុទ្ធតែជាប្រជាពលរដ្ឋ ដែលអាជ្ញាធរមូលដ្ឋានត្រូវបម្រើសេវាដល់ពួកគាត់ ដោយមិនមានការរើសអើង។
ស្របពេលស្ថាប័នរៀបចំការបោះឆ្នោតជាតិប្រកាសថា ការឃោសនាបោះឆ្នោតបានប្រព្រឹត្តទៅដោយសន្តិវិធី ក្រុមអ្នកជំនាញការបោះឆ្នោតជំរុញឱ្យស្ថាប័នទទួលបន្ទុករៀបការបោះឆ្នោតពិនិត្យឱ្យបានគ្រប់ជ្រុងជ្រោយលើភាពមិនប្រក្រតីមួយចំនួនពាក់ព័ន្ធនឹងការឃោសនានិងការបោះឆ្នោត។
ក្រុមអ្នកគាំទ្ររបស់គណបក្សកម្ពុជានិយម រំពឹងថា គណបក្សដែលបង្កើតឡើងដោយអតីតតំណាងរាស្ត្រ គណបក្សសង្គ្រោះជាតិ នឹងទទួលបានតំណែងចៅសង្កាត់ និងមេឃុំនៅតាមឃុំសង្កាត់ដែលគណបក្សនេះឈរឈ្មោះសម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់នៅឆ្នាំ២០២២នេះ។
លោក ញឹក ប៊ុនឆៃ ប្រធានគណបក្សខ្មែររួបរួមជាតិ បានសង្កត់ធ្ងន់ថា មេឃុំឬចៅសង្កាត់ មានសារៈសំខាន់ណាស់សម្រាប់ប្រជាពលរដ្ឋ ហេតុដូច្នេះការសម្រេចចិត្តជ្រើសរើសយកមេឃុំឬចៅសង្កាត់រូបណាមួយនោះ ត្រូវពិចារណាឱ្យបានត្រឹមត្រូវ និងម៉ត់ចត់៕
គណបក្សកម្ពុជានិយម ដែលទើបតែបង្កើតឡើងនៅខែវិច្ឆិកា ឆ្នាំ ២០២១ បានដាក់បេក្ខជនឈរឈ្មោះនៅឃុំសង្កាត់ចំនួន ៣៨ នៃឃុំសង្កាត់សរុប ១.៦៥២ ទូទាំងប្រទេស។
នៅឃុំត្រមែង ខេត្តកំពត សន្តិសុខសង្គម គឺជាបញ្ហាចម្បងដែលត្រូវដោះស្រាយ។ លោក ណៃ សារុន បានឲ្យដឹងថា គ្រឿងញៀនគឺជាបញ្ហាអទីភាពសំខាន់បំផុតដែលត្រូវតែទប់ស្កាត់ នៅពេលលោកជាប់ឆ្នោតជាមេឃុំ៕
មន្ត្រីជាន់ខ្ពស់គ.ជ.ប.វាយតម្លៃបរិយាកាសឃោសនាបោះឆ្នោតក្រុមប្រឹក្សាឃុំសង្កាត់នៅឆ្នាំនេះល្អប្រសើរជាងការឃោសនាបោះឆ្នោតឆ្នាំ២០១៧ ដោយមានពាក្យបណ្តឹងតិចតូចហើយមិនមានអំពើហិង្សា។
ព័ត៌មានផ្សេងទៀត
