គណបក្សប្រជាជនកម្ពុជា៖ ក្តីសង្ឃឹមនិងគោលការណ៍នយោបាយបក្ស
សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ នេះ គណបក្សប្រជាជនកម្ពុជាជាគណបក្សតែមួយគត់ដែលមានបេក្ខជនឈរឈ្មោះបោះឆ្នោតនៅគ្រប់ឃុំសង្កាត់សរុបទាំងអស់ ១.៦៥២ ទូទាំងប្រទេស។ គណបក្សប្រជាជនកម្ពុជា ជាគណបក្សកាន់អំណាចនិងមានធនធានច្រើនដើម្បីឃោសនាបោះឆ្នោត និងមានបទពិសោធន៍យ៉ាងក្រាស់ក្រែលក្នុងការចូលរួមបោះឆ្នោតគ្រប់អាណត្តិទាំងអស់ ទាំងថ្នាក់ជាតិ និងមូលដ្ឋាន។ លោក សុខ ឥសាន អ្នកនាំពាក្យគណបក្សប្រជាជនកម្ពុជា បានឲ្យអ្នកស្រី ធីតា វីន អ្នកយកព័ត៌មានឲ្យវីអូអេប្រចាំរាជធានីភ្នំពេញ ថា ការរីកចម្រើនថ្នាក់មូលដ្ឋានគឺជាបង្អែកដ៏សំខាន់ក្នុងការអភិវឌ្ឍប្រទេស៕