កងទ័ពកូរ៉េខាងត្បូងនិយាយថា កូរ៉េខាងជើងបានបាញ់គ្រាប់មីស៊ីល cruise ជាច្រើនគ្រាប់ទៅក្នុងសមុទ្រភាគខាងកើតរបស់ខ្លួននៅថ្ងៃពុធនេះ។
ប្រធានាធិបតីអ៊ុយក្រែនលោក Volodymyr Zelenskyy បានសរសេរនៅលើប្រព័ន្ធ Twitter នៅថ្ងៃពុធនេះថា ការវាយប្រហាររបស់រុស្ស៊ីលើកនេះរួមមានការប្រើ «ដ្រូនពិឃាដរបស់អ៊ីរ៉ង់ ២០ គ្រឿង មីស៊ីល និងការបាញ់ផ្លោងជាច្រើនដងផងដែរ»។
កងទ័ពរុស្ស៊ីបានប្រព្រឹត្ត«ឧក្រិដ្ឋកម្មសង្គ្រាមនិងអំពើឃោរឃៅជាច្រើន» តាំងពីពេលដែលប្រទេសរុស្ស៊ីបានឈ្លានពានពេញទំហឹងលើប្រទេសអ៊ុយក្រែនកាលពីថ្ងៃទី ២៤ ខែកុម្ភៈ ឆ្នាំ ២០២២ មក។ នេះបើយោងតាមរបាយការណ៍របស់ក្រសួងការបរទេសសហរដ្ឋអាមេរិកដែលបានកត់ត្រាការអនុវត្តសិទ្ធិមនុស្សនៅជុំវិញពិភពលោក។
លោក Qin Gang រដ្ឋមន្ត្រីការបរទេសចិនកាលពីពេលថ្មីៗនេះបានព្រមានថា ប្រសិនបើសហរដ្ឋអាមេរិកមិនផ្លាស់ប្តូរអ្វីដែលលោកហៅថាជាគោលនយោបាយនៃ«ការគាបសង្កត់ និងការហ៊ុំព័ទ្ធ»លើចិន ហើយចូលរួមក្នុង«ការប្រកួតដោយផ្អែកលើវិធានស្មើភាពគ្នា»ទេ នោះច្បាស់ជាមាន«ជម្លោះ និងការប្រឈមមុខដាក់គ្នា»។
កាលពីថ្ងៃចន្ទប្រធានាធិបតីចិនលោក Xi Jinping បានទៅដល់ទីក្រុងមូស្គូសម្រាប់ទស្សនកិច្ចផ្លូវរដ្ឋរយៈពេល៣ថ្ងៃ ដើម្បីជួបជាមួយមេដឹកនាំរុស្ស៊ីលោក Vladimir Putin។ ក្នុងដំណើរទស្សនកិច្ចនោះ លោក Xi មានរបៀបវារៈនៃការពិភាក្សាអំពីសង្គ្រាមរុស្ស៊ីនៅអ៊ុយក្រែន និងសំណើសន្តិភាពរបស់រដ្ឋាភិបាលទីក្រុងប៉េកាំង។
មូលនិធិរូបិយវត្ថុអន្តរជាតិ (IMF) បានអនុម័តកញ្ចប់ថវិកាសង្គ្រោះជិត ៣ ពាន់លានដុល្លារសម្រាប់ប្រទេសស្រីលង្កា បន្ទាប់ពីមានការចរចាអស់រយៈពេលជាច្រើនខែកន្លងមកជាមួយនឹងប្រទេសដីកោះនៅអាស៊ីខាងត្បូងដែលមានវិបត្តិសេដ្ឋកិច្ចមួយនេះ។
នាយករដ្ឋមន្ត្រីជប៉ុនលោក Fumio Kishida បានធ្វើដំណើរនៅថ្ងៃអង្គារនេះទៅកាន់រដ្ឋធានីកៀវដើម្បីជួបជាមួយប្រធានាធិបតីអ៊ុយក្រែនលោក Zelenskyy នៅក្នុងការបង្ហាញការគាំទ្រដែលបានកើតមានឡើងនៅពេលដែលប្រធានាធិបតីរុស្ស៊ីលោក Vladimir Putin ធ្វើជាម្ចាស់ផ្ទះទទួលមេដឹកនាំចិនលោក Xi Jinping។
ប្រធានាធិបតីរុស្ស៊ីលោក Vladimir Putin បានទទួលស្វាគមន៍ប្រធានាធិបតីចិនលោក Xi Jinping នៅថ្ងៃអង្គារនេះដែលជាថ្ងៃទីពីរនៃការពិភាក្សារវាងលោកទាំងពីរ បន្ទាប់ពីលោក Putin បានទទួលស្វាគមន៍ផែនការសន្តិភាពរបស់រដ្ឋាភិបាលចិននៅក្នុងការដោះស្រាយបញ្ហាសង្គ្រាមរបស់រុស្ស៊ីនៅអ៊ុយក្រែន។
ចាប់តាំងពីចូលកាន់អំណាចនៅឆ្នាំ ២០២១ បន្ទាប់ពីមរណភាពរបស់លោកអតីតប្រធានាធិបតី John Magufuli មក អ្នកស្រី Hassan បានធ្វើការកែប្រែគោលនយោបាយមួយចំនួនរបស់លោក Magufuli ដែលក្នុងនោះរួមមានទាំងការដកបម្រាមលើបាតុកម្មផ្នែកនយោបាយផងដែរ។
ធនាគារ UBS ដែលជាធនាគារធំជាងគេបង្អស់របស់ស្វីស គ្រោងនឹងទិញធនាគារ Credit Suisse ដែលជាធនាគារធំជាងគេទីពីររបស់ស្វីសនិងជាគូប្រជែងរបស់ខ្លួន ក្នុងទឹកប្រាក់ ៣,២៥ ពាន់លានដុល្លារដើម្បីដាក់ឱ្យស្ថិតនៅក្រោមការគ្រប់គ្រងរបស់ខ្លួន។
ប្រធានាធិបតីចិនលោក Xi Jinping បានទៅដល់ទៅក្រុងមូស្គូហើយនៅថ្ងៃចន្ទនេះ សម្រាប់ទស្សនកិច្ចផ្លូវរដ្ឋរយ:ពេល៣ថ្ងៃ ដើម្បីជួបជាមួយមេដឹកនាំរុស្ស៊ីលោក Vladimir Putin ដោយមានសង្គ្រាមរុស្ស៊ីនៅអ៊ុយក្រែននិងសំណើសន្តិភាពរបស់ចិន ស្ថិតក្នុងរបៀបវារ:ផងដែរ។
នៅចំពេលដែលមានភាពតានតឹងជាបន្តរវាងប្រទេសចិននិងកោះតៃវ៉ាន់ ពលរដ្ឋនៅក្នុងទីក្រុងតៃប៉ិ កោះតៃវ៉ាន់ពេលខ្លះអាចគិតថាអ្នកខាងក្រៅធ្វើព្រងើយកន្តើយចំពោះការគំរាមកំហែងនៃការវាយប្រហាររបស់ចិន។
ព័ត៌មានផ្សេងទៀត
No media source currently available
