នៅមុនរដូវចូលឆ្នាំចិនចូលមកដល់ ដែលនៅក្នុងឆ្នាំនេះនឹងចាប់ផ្ដើមនៅថ្ងៃទី ២១ ខែមករាខាងមុខ ប្រព័ន្ធផ្សព្វផ្សាយរដ្ឋរបស់ប្រទេសចិនបានរាយការណ៍ជាច្រើនថា មន្ទីរពេទ្យនិងគ្លីនិកនៅតាមតំបន់ជនបទនៃប្រទេសចិនកំពុងបង្កើនការផ្គត់ផ្គង់ថ្នាំពេទ្យនិងបរិក្ខារពេទ្យនានា។
ករណីនេះបានធ្វើឱ្យអង្គការ WHO និងរដ្ឋាភិបាលដទៃទៀតអំពាវនាវឱ្យរដ្ឋាភិបាលចិនផ្ដល់ព័ត៌មានបន្ថែមទៀត ខណៈដែលសហរដ្ឋអាមេរិក កូរ៉េខាងត្បូង និងប្រទេសមួយចំនួនទៀតបានអនុវត្តវិធានការរឹតបន្ដឹងលើទេសចរដែលធ្វើដំណើរមកពីប្រទេសចិន។
វីរុស XBB.1.5 នេះ គឺជាវីរុសឆ្លងលឿនជាងគេបំផុតបំប្លែងចេញពីវីរុសអូមីក្រុង ដែលគេបានរកឃើញក្នុងពេលកន្លងមក ដែលវីរុសនេះមានចំនួន ២៧,៦% នៃករណីឆ្លងជំងឺកូវីដ១៩ ទាំងអស់នៅក្នុងសហរដ្ឋអាមេរិកសម្រាប់សប្ដាហ៍ដែលបញ្ចប់ត្រឹមថ្ងៃទី ៧ ខែមករា។
នៅឯកិច្ចប្រជុំរបស់បណ្ដាប្រទេសជាសមាជិកអង្គការសុខភាពពិភពលោក (WHO) កាលពីថ្ងៃទី៥ ខែមករាកន្លងទៅនេះ អគ្គនាយកអង្គការ WHO លោក Tedros Adhanom Ghebreyesus បានជូនព័ត៌មានទាំងល្អ និងមិនល្អអំពីជំងឺកូវីដ១៩។
នៅថ្ងៃអង្គារនេះ ប្រទេសចិនបានចាប់ផ្ដើមសងសឹកប្រទេសកូរ៉េខាងត្បូងនិងជប៉ុន ដែលប្រទេសទាំងពីរនេះបានដាក់កំហិតរឿងជំងឺកូវីដ១៩ លើអ្នកដំណើរមកពីប្រទេសចិន។ នេះបើយោងតាមសេចក្ដីរាយការណ៍របស់ទីភ្នាក់ងារព័ត៌មាន Reuters។
ក្រុមមន្ត្រីរបស់អង្គការសុខភាពពិភពលោក បានរិះគន់ការឱ្យនិយមន័យដ៏ចង្អៀតចង្អល់របស់ចិនទៅលើករណីស្លាប់ដោយសារជំងឺកូវីដ១៩ និងបានព្រមានថា ស្ថិតិផ្លូវការអំពីករណីជំងឺកូវីដ១៩ មិនឆ្លុះបញ្ចាំងពីការផ្ទុះឡើងជាក់ស្ដែងនោះទេ។
ប្រទេសថៃនឹងតម្រូវឱ្យអ្នកធ្វើដំណើរអន្តរជាតិទាំងអស់ត្រូវបង្ហាញភស្តុតាងថា ខ្លួនបានចាក់វ៉ាក់សាំងការពារជំងឺកូវីដ១៩ពេញលេញរួចហើយមុនពេលចូលមកដល់ប្រទេសថៃនោះ។
ក្រុមអាជ្ញាធរសុខាភិបាលអូស្ត្រាលីនិយាយកាលពីថ្ងៃអាទិត្យថាចាប់ពីថ្ងៃទី៥ ខែមករា ឆ្នាំ២០២៣នេះតទៅ គ្រប់អ្នកដំណើរទាំងអស់មកពីប្រទេសចិនដីគោក ទីក្រុងហុងកុង និងម៉ាកាវ នឹងត្រូវបង្ហាញលិខិតធ្វើតេស្តថាគ្មានជំងឺកូវីដ១៩ដែលធ្វើឡើង២ថ្ងៃមុនការចេញដំណើររបស់ពួកគេ។
សហរដ្ឋអាមេរិកនិងប្រទេសមួយចំនួនទៀតបានប្រកាសថា ពួកគេនឹងតម្រូវឱ្យមានការធ្វើតេស្តកូវីដអវិជ្ជមានជាមុនសិន ចំពោះអ្នកធ្វើដំណើរទាំងអស់មកពីប្រទេសចិនដីគោក។
វិធានការនេះធ្វើឡើងបន្ទាប់ពីប្រទេសជប៉ុន ឥណ្ឌា និងម៉ាឡេស៊ីបានប្រកាសអំពីការបង្កើនវិធានការលើអ្នកធ្វើដំណើរមកពីប្រទេសចិននៅក្នុងរយៈពេល ២៤ ម៉ោងចុងក្រោយនេះ ដោយលើកឡើងអំពីការកើនឡើងនូវអត្រាឆ្លងជំងឺកូវីដ១៩ នៅក្នុងប្រទេសចិន។
ចិនបាននិយាយថា ចាប់ពីថ្ងៃទី៨ ខែមករាខាងមុខនេះ អ្នកធ្វើដំណើរមកពីក្រៅប្រទេសនឹងលែងតម្រូវឱ្យធ្វើចត្តាឡីស័កនៅពេលមកដល់ នៅក្នុងការបន្ធូរបន្ថយវិធានការគ្រប់គ្រងជំងឺកូវីដ១៩ដ៏តឹងរ៉ឹង ដែលបានធ្វើឱ្យប៉ះពាល់សេដ្ឋកិច្ចនិងបណ្តាលឱ្យមានការតវ៉ាប្រឆាំងនៅទូទាំងប្រទេស។
លោក Tedros បានបង្ហាញក្ដីបារម្ភទាក់ទិននឹងស្ថានការណ៍វិវត្តន៍នៃជំងឺកូវីដ១៩ នៅក្នុងប្រទេសចិន។ លោកបាននិយាយថា អង្គការសុខភាពពិភពលោកបានទទួលរបាយការណ៍កើនឡើងអំពីអាការៈធ្ងន់ធ្ងរនៃជំងឺនេះដែលរាលដាលនៅទូទាំងប្រទេសចិន។
ព័ត៌មានផ្សេងទៀត
No media source currently available
