ក្រុមអង្គការសង្គមស៊ីវិល បានសង្កត់ធ្ងន់ថា រដ្ឋាភិបាលមិនគួរគំរាមកំហែង ឬព្រមានអ្នកវិភាគដែលបានលើកឡើងជាទស្សនៈណា ដែលរដ្ឋាភិបាលមិនពេញចិត្ត ដោយគួរតែផ្តល់សិទ្ធិដល់អ្នកវិភាគ អាចអនុវត្តការងាររបស់ពួកគេស្របតាមច្បាប់ និងអាចផ្សព្វផ្សាយនូវអ្វីដែលពួកគេបានសិក្សាស្រាវជ្រាវរកឃើញ។
អ្នកការពារសិទ្ធិកម្មករមួយចំនួន បង្ហាញក្តីព្រួយបារម្ភចំពោះការខាតបង់ប្រយោជន៍របស់កម្មករនិយោជិតនៅតាមរោងចក្រសហគ្រាសនានា នៅក្រោយវិសោធនកម្មមាត្រាខ្លះនៃច្បាប់ស្តីពីការងារ ដែលត្រូវបានរដ្ឋសភា និងព្រឹទ្ធសភាដែលគ្រប់គ្រងដោយគណបក្សប្រជាជនកម្ពុជា អនុម័តកាលពីពេលថ្មីៗនេះ។
អ្នកនាំពាក្យអយ្យការសាលាដំបូងខេត្តកណ្តាល លោក ជួន សុបញ្ញា បានប្រាប់វីអូអេនៅថ្ងៃអង្គារថា អ្នកភូមិទាំង៩នាក់នោះ ត្រូវបានតុលាការសម្រេចដោះលែងឲ្យនៅក្រៅឃុំកាលពីថ្ងៃចន្ទ តាមសំណើរបស់ជនត្រូវចោទទាំងនោះ ប៉ុន្តែពួកគេស្ថិតក្រោមការត្រួតពិនិត្យរបស់តុលាការ និងរង់ចាំការជំនុំជម្រះក្តី។
ក្រោយការប្រជុំនៅថ្ងៃអង្គារនេះ ប្រធានសម្ព័ន្ធសហជីពចលនាកម្មករកម្ពុជាលោក ប៉ាវ ស៊ីណា ប្រាប់វីអូអេថា មានការផ្លាស់ប្តូរតួលេខនៃចំនួនប្រាក់ឈ្នួលអប្បបរមា ដោយខាងភាគីនិយោជកព្រមឡើងពី១៨៣ដុល្លារ មក១៨៨ដុល្លារក្នុងមួយខែ តែខាងតំណាងកម្មករទាមទារចំនួនខ្ពស់បំផុត គឺ២០៤ដុល្លារសម្រាប់ប្រាក់ឈ្នួលគោលនៅឆ្នាំ២០២២។
លោក សេង សារី ត្រូវបានចោទប្រកាន់ពីបទរួមគំនិតក្បត់ និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ប្រព្រឹត្តកាលពីថ្ងៃទី១៧ ទី២០ និងទី២១ ខែកក្កដា ឆ្នាំ២០២១ ដែលជាបទចោទដែលគេឃើញជាទូទៅកើតឡើងចំពោះសកម្មជនបក្សប្រឆាំង។
ការគំរាមរបស់លោកនាយករដ្ឋមន្រ្តី ហ៊ុន សែន កាលពីសប្តាហ៍មុនទៅលើអ្នកវិភាគពីររូប គឺលោក សេង សារី និងលោក មាស នី បាននាំឲ្យមានការព្រួយបារម្ភបន្ថែមលើការបន្តរឹតត្បិតសេរីភាពនៃការបញ្ចេញមតិនៅកម្ពុជា ខណៈពួកគេជាប្រភពដ៏សំខាន់សម្រាប់អ្នកសារព័ត៌មាន។
នៅក្នុងបទសម្ភាសន៍មួយជាមួយសារព័ត៌មានអនឡាញ The Cambodia Daily កាលពីថ្ងៃទី១៨ ខែកញ្ញា ឆ្នាំ២០២១ លោក សេង សារីបានថ្លែងថាអាចមាន«ការភ័ន្តច្រឡំ»ទៅលើសំណេររបស់លោក ហើយលោកបដិសេធថាលោកមិនបានគាំទ្រចលនានៃការបង្កើតរដ្ឋាភិបាលបង្រួបបង្រួមជាតិឡើយ។
វិទ្យាស្ថានបណ្តុះបណ្តាលសិទ្ធិមនុស្សនិងលទ្ធិប្រជាធិបតេយ្យរបស់សហរដ្ឋអាមេរិកដ៏ធំចំនួនពីរសម្តែងការខកចិត្តនឹងស្ថានភាពលទ្ធិប្រជាធិបតេយ្យនៅកម្ពុជានិងបានស្នើឲ្យយុវជនកម្ពុជាបន្តចូលរួមសកម្មភាពសង្គមនិងនយោបាយដើម្បីឲ្យអ្នកដឹកនាំយកចិត្តទុកដាក់នឹងតម្រូវការរបស់ពលរដ្ឋ។
លោក ហ៊ុន សែន បានលើកឡើងថាអ្នកវិភាគដែលតុលាការចេញដីកាតាមចាប់ខ្លួននោះ បានបង្ហោះសារនៅលើហ្វេសប៊ុកនិយាយអំពីរដ្ឋាភិបាលបង្រួបបង្រួមនៅក្រៅប្រទេស ដែលត្រូវបានប្រកាសបង្កើតដោយលោក សម រង្ស៊ី មេដឹកនាំបក្សប្រឆាំង។
អ្នកស្រី Michelle Bachelet ឧត្តមស្នងការសិទ្ធិមនុស្សអង្គការសហប្រជាជាតិថ្លែងថា ការិយាល័យរបស់អ្នកស្រីកំពុងបញ្ចប់របាយការណ៍ស្តីពីការចោទប្រកាន់ពីបទ«រំលោភសិទ្ធិមនុស្សធ្ងន់ធ្ងរ» នៅតំបន់ Xinjiang ភាគពាយ័ព្យប្រទេសចិន។
អតិថិជនដែលបាត់បង់ប្រាក់បានបង្កើតក្រុមហ្វេសប៊ុកមួយ ដោយមានឈ្មោះថា«សំឡេងជនរងគ្រោះដោយសារក្រុមហ៊ុន GFX Investment»។ បើតាមហ្វេសប៊ុកនោះ ពួកគេលើកឡើងថាអតិថិជនជាង១ពាន់នាក់បានរងគ្រោះ ដែលទឹកប្រាក់សរុបមានប្រមាណជាង២០លានដុល្លារអាមេរិក។
ក្នុងករណីជម្លោះដីធ្លីជាមួយក្រុមហ៊ុន OCIC របស់ឧកញ៉ា ពុង ឃាវសែ ក្នុងគម្រោងសាងសង់ព្រលានយន្តហោះតម្លៃប្រមាណ១.៥០០លានដុល្លារអាមេរិក មន្រ្តីសិទ្ធិមនុស្សរូបនោះបានរិះគន់ថាតម្លៃដីក្នុងមួយម៉ែត្រការ៉េ៨ដុល្លារដែលផ្តល់ឲ្យប្រជាពលរដ្ឋ ទាបជាងទីផ្សារឆ្ងាយ។
ព័ត៌មានផ្សេងទៀត
No media source currently available
