ក្រោយទំនប់វារីអគ្គិសនីមួយក្នុងប្រទេសឡាវ បានបាក់កាលពីសប្ដាហ៍មុន ដោយបណ្ដាលឲ្យមនុស្សជិត៣០នាក់បាត់បង់ជីវិតនិងប៉ះពាល់ដល់ពលរដ្ឋខ្មែរមួយចំនួនរស់នៅខេត្តស្ទឹងត្រែងផងនោះ នៅសប្ដាហ៍នេះ អង្គការSave the Mekong បានចេញសេចក្ដីថ្លែងការណ៍មួយទាមទារឲ្យអ្នកពាក់ព័ន្ធនឹងទំនប់ទឹកនោះទទួលខុសត្រូវរាល់ការបាត់បង់ និងការខូចខាតទាំងនៅប្រទេសឡាវនិងកម្ពុជា ព្រមទាំងអំពាវនាវឱ្យ ផ្អាកការសាងសង់ទំនប់វារីអគ្គិសនីលើដងទន្លេមេគង្គជាបន្ទាន់។
បណ្ដាប្រទេសអាស៊ាន និងប្រទេសចិន បានឈានដល់ «ដំណាក់កាលសំខាន់» មួយ នៅក្នុងការពិភាក្សាទាក់ទិននឹងក្រមប្រតិបត្តិក្នុងសមុទ្រចិនខាងត្បូង ដោយពួកគេសម្រេចបាននូវការឯកភាពគ្នាលើសេចក្ដីព្រាងមួយដែលនឹងត្រូវធ្វើជាមូលដ្ឋានសម្រាប់ការចរចានៅពេលអនាគត។ នេះបើតាមការបញ្ជាក់របស់រដ្ឋមន្ត្រីការបរទេសសិង្ហបុរីនៅថ្ងៃព្រហស្បតិ៍នេះ។
អនុគណៈកម្មាធិការសភាសហភាពអឺរ៉ុប បានស្នើដល់មន្ត្រីគណៈកម្មការសហភាពអឺរ៉ុបនិងសេវាកិច្ចការបរទេសរបស់អឺរ៉ុបឲ្យសិក្សា និងរាយការណ៍ពីកាតព្វកិច្ចកម្ពុជាខាងការគោរពសិទ្ធិមនុស្សដែលជាកត្តាដ៏សំខាន់មួយសម្រាប់ឲ្យប្រទេសនេះ ទទួលបានការអនុគ្រោះពន្ធលើទំនិញនាំចេញរបស់ខ្លួនទៅកាន់ទីផ្សារសហភាពអឺរ៉ុប។ មន្ត្រីនាំពាក្យគណបក្សកាន់អំណាចនិយាយថា កម្ពុជាគ្មានសោះឡើយ ការរំលោភបំពានសិទ្ធិមនុស្ស ហើយហៅទង្វើរបស់សហភាពអឺរ៉ុបនេះ ថាជាការគាបសង្កត់លើអធិបតេយ្យកម្ពុជា។
លោកនាយករដ្ឋមន្រ្តី ហ៊ុន សែន ប្រកាសនៅថ្ងៃពុធនេះថា ឆ្នាំ២០១៨នេះ ជាឆ្នាំដែលកម្ពុជាទទួលបានជោគជ័យធំ លើការកសាងសេដ្ឋកិច្ច និងប្រជាធិបតេយ្យ ស្របពេលដែលប្រទេសប្រជាធិបតេយ្យធំៗ កំពុងរិះគន់ការបោះឆ្នោតដោយមិនមានវត្តមានគណបក្សសង្គ្រោះជាតិ ថាជាការបោះឆ្នោតមិនមានភាពសេរី និងយុត្តិធម៌។
សហជីពទាំងឡាយក្នុងប្រទេសកម្ពុជាបារម្ភ ចំពោះការបាត់បង់គម្រោងអនុគ្រោះពន្ធសហភាពអឺរ៉ុប EBA ក្រោយការបោះឆ្នាតកាលពីថ្ងៃទី២៩ ខែកក្កដា ដែលបស្ចិមប្រទេសរិៈគន់ថាខ្វះភាពដែលអាចជឿទុកចិត្តបាន។
កិច្ចប្រជុំកំពូលរបស់បណ្តាប្រទេសក្នុងប្លុក BRICS ក្នុងឆ្នាំនេះដែលរួមមានប្រទេសប្រេស៊ីល ប្រទេសរុស្ស៊ី ប្រទេសឥណ្ឌា ប្រទេសចិន និងប្រទេសអាហ្វ្រិកខាងត្បូង បានចាប់ផ្តើមកាលពីថ្ងៃពុធ ទី២៥ ខែកក្កដា ឆ្នាំ២០១៨ ដោយបង្ហាញក្តីបារម្ភអំពីសង្គ្រាមពាណិជ្ជកម្មរវាងសហរដ្ឋអាមេរិក និងប្រទេសចិនដែលជាប្រទេសមានសេដ្ឋកិច្ចធំបំផុតនៅក្នុងប្លុកនេះ។
ទីបំផុត វាអាស្រ័យលើប្រទេសក្នុងតំបន់អាស៊ីអាគ្នេយ៍នីមួយៗ ក្នុងការទាមទារបង្កើនផលប្រយោជន៍សេដ្ឋកិច្ចជាអតិបរមា និងសម្រេចចង់បានការអភិវឌ្ឍន៍ប្រកបដោយចីរភាព។
អ្នកស្រី Courtney Weatherby ដែលជាអ្នកវិភាគការសិក្សាស្រាវជ្រាវតំបន់អាស៊ីអាគ្នេយ៍នៅមជ្ឈមណ្ឌល Stimson និយាយបប្រាប់ VOA អំពី អ្វីដែលបណ្តាប្រទេសក្នុងតំបន់អាស៊ីអាគ្នេហ៍អាចធ្វើបាន ដើម្បីពង្រឹងការអភិវឌ្ឍដែលមានចីរភាព ក្នុងគម្រោងវិនិយោគចិននានា។
កាលពីពេលថ្មីៗនេះ លោក Trump បានរិះគន់ប្រទេសចិន ថាបានធ្វើបាបកសិករអាមេរិក ដោយបានយកពន្ធគយថ្មីលើកសិផលរបស់ពួកគេ។ លោក Trump បានបង្កើតកម្មវិធីផ្ដល់ជំនួយមួយដើម្បីជួយដល់កសិករដែលរងគ្រោះទាំងនោះ។
លោកប្រធានាធិបតីសហរដ្ឋអាមេរិក ដូណាល់ ត្រាំ បានសរសើរកាលពីថ្ងៃសុក្រពីការរីកលូតលាស់សេដ្ឋកិច្ចដ៏ខ្លាំងនៅត្រីមាសទី២ដោយនិយាយថា «យើងបានធ្វើឲ្យសេដ្ឋកិច្ចរីកលូតលាស់ក្នុងអត្រាដ៏លឿនបំផុតមួយក្នុងរយៈពេលជាង១៣ឆ្នាំនេះ»។
លោកប្រធានាធិបតីសហរដ្ឋអាមេរិក ដូណាល់ ត្រាំ បានចាត់ទុកការចរចារបស់លោកជាមួយលោកJean-Claude Juncker ប្រធានគណៈកម្មការអឺរ៉ុបថា ជាជ័យជម្នះខាងសេដ្ឋកិច្ចមួយយ៉ាងធំ មួយថ្ងៃបន្ទាប់ពីការធ្វើឲ្យសម្រេចការនូវការបញ្ចប់ជម្លោះពាណិជ្ជកម្មដែលរីកកាន់តែធំឡើងជាមួយអឺរ៉ុប។
ព័ត៌មានផ្សេងទៀត
No media source currently available
