សេដ្ឋកិច្ចសហរដ្ឋអាមេរិកបានកើនឡើង ៤,២ ភាគរយដែលជាអាត្រាប្រចាំឆ្នាំក្នុងខែមេសា ឧសភា និងខែមិថុនា។ កំណើនសម្រាប់ត្រីមាសទីពីរនេះបង្ហាញពីការកើនឡើង១ភាគ១០ នៃមួយភាគរយខ្ពស់ជាងការព្យាករណ៍។
កិច្ចព្រមព្រៀងពាណិជ្ជកម្មថ្មីដ៏ធំរវាងសហរដ្ឋអាមេរិកនិងប្រទេសម៉ិកស៊ិកជាជ័យជម្នះសម្រាប់ប្រទេសទាំង២ នេះបើតាមការបញ្ជាក់របស់លោក Robert Lighthizer តំណាងពាណិជ្ជកម្មសហរដ្ឋអាមេរិក។ លោកបាននិយាយថា កិច្ចព្រមព្រៀងពាណិជ្ជកម្មនោះនឹងបង្កើតការងារកាន់តែច្រើនឡើងសម្រាប់កម្មករនិងកសិករ។
រូបិយវត្ថុនៃបណ្ដាប្រទេសជាច្រើននៅទ្វីបអាស៊ី បានធ្លាក់តម្លៃបើធៀបនឹងប្រាក់ដុល្លារអាមេរិកនៅក្នុងឆ្នាំនេះ ខណៈពេលដែលចិននិងសហរដ្ឋអាមេរិកមានជម្លោះពាណិជ្ជកម្មជាមួយនឹងគ្នា។ ប៉ុន្តែក្រុមអ្នកវិភាគបាននិយាយថា អ្នកតាក់តែងគោលនយោបាយអាចដោះស្រាយបញ្ហាធ្លាក់ចុះនៃតម្លៃរូបិយវត្ថុទាំងនេះនៅពេលបច្ចុប្បន្ននេះបានប្រសើរជាងពេលកន្លងមក។
សហរដ្ឋអាមេរិកនិងម៉ិកស៊ិកបានឈានដល់ការព្រមព្រៀងគ្នាលើកិច្ចព្រមព្រៀងពាណិជ្ជកម្មមួយ ដែលធ្វើឲ្យប្រទេសកាណាដាក្លាយជាប្រទេសឯកោ នៅក្នុងការព្យាយាមពិនិត្យឡើងវិញឬជំនួសកិច្ចព្រមព្រៀងពាណិជ្ជកម្មសេរីអាមេរិកខាងជើងដែលហៅកាត់ថា NAFTA។ នេះបើយោងតាមប្រធានាធិបតីអាមេរិក លោក ដូណាល់ ត្រាំ។
ខណៈដែលកម្លាំងពលកម្ម និងទីផ្សារការងារនៅកម្ពុជាមានតម្លៃថោក ការធ្វើចំណាកស្រុកមានការទទួលស្គាល់ថា បានផ្តល់ប្រយោជន៍មួយចំនួនជាពិសេសចំណូលទៅដល់ប្រជាពលរដ្ឋ។ យ៉ាងណាក៏ដោយ ទាំងពលករ និងអ្នកជំនាញលើកឡើងថា កម្ពុជានឹងត្រូវប្រឈមវិបត្តិកង្វះទីផ្សារការងារធ្ងន់ធ្ងរ នាពេលអនាគត ប្រសិនបើពលកររាប់សែននាក់ដែលកំពុងធ្វើការនៅប្រទេសទាំងនោះ ត្រឡប់មកកម្ពុជាវិញ។
កំពង់ស្ពឺជាខេត្តមួយដែលសម្បូរទៅដោយជម្លោះដីធ្លី។ ក្នុងស្រុកឱរ៉ាល់មានជម្លោះដីធ្លីរ៉ាំរ៉ៃចំនួន២គឺជម្លោះជាមួយក្រុមហ៊ុនស្ករអំពៅនិងក្រុមហ៊ុនដាំដំឡូងHLH Agriculture Cambodia។ នៅមុនការបោះឆ្នោត អាជ្ញាធរបានសន្យាជាមួយអ្នកមានជម្លោះដីធ្លីថា នឹងដោះស្រាយបញ្ហានេះប្រសិនបើគណបក្សកាន់អំណាចឈ្នះការបោះឆ្នោត។ រហូតមកដល់ពេលនេះឋ្រជាជនទាំងនោះកំពុងរង់ចាំដំណោះស្រាយតាមការសន្យា។ លោក ស៊ុន ណារិន នៃVOAរាយការណ៍ពីខេត្តកំពង់ស្ពឺ
ការដកពន្ធគយមួយឈុតថ្មីដាក់កំហិតដោយស.រ.អា.និងប្រទេសចិនទៅលើទំនិញនៃប្រទេសនីមួយៗចូលជាធរមាននៅថ្ងៃព្រហស្បតិ៍នេះ។
ទីផ្សាររូបិយវត្ថុរបស់ពិភពលោកបានចាប់ផ្តើមធ្លាក់ចុះកាលពីសប្តាហ៍មុន នៅពេលដែលភាពចលាចលខាងសេដ្ឋកិច្ចរបស់តួកគីបានបណ្តាលឲ្យមានការភ័យខ្លាចនៅពេលថ្មីៗនេះ និងមានការព្យាករណ៍ថា ទុកសោករបស់តួកគីអាចបណ្តាលឲ្យមានបញ្ហាហិរញ្ញវត្ថុសាកលលោកម្តងទៀត ដូចកាលពីឆ្នាំ២០០៨។
ការិយាល័យពាណិជ្ជកម្មអាមេរិកកាលពីថ្ងៃចន្ទ បានចាប់ផ្ដើមសវនាការសាធារណៈរយៈពេល៦ថ្ងៃទៅលើផែនការរបស់លោកប្រធានាធិបតី ដូណាល់ ត្រាំ ក្នុងការយកពន្ធគយលើទំនិញនាំចូលពីប្រទេសចិន ដែលអាចជះឥទ្ធិពលដល់ទំនិញចិនដទៃទៀតដែលមានតម្លៃជាទឹកប្រាក់ប្រមាណ២០០ពាន់លានដុល្លារ។
កាលពីពេលថ្មីៗនេះ រដ្ឋាភិបាលប្រទេសឡាវបានប្រកាសថា ខ្លួននឹងពិនិត្យឡើងវិញរាល់គម្រោងវិនិយោគទំនប់វារីអគ្គិសនីនានានិងផ្អាកការសាងសង់ទំនប់វារីអគ្គិសនីផងដែរ។ ជំហរនេះកើតមានឡើងបន្ទាប់ពីការបាក់ទំនប់ក្នុងប្រទេសនេះ ដែលបង្កគ្រោះមហន្តរាយធ្ងន់ធ្ងរ។
ក្រសួងពាណិជ្ជកម្មកម្ពុជាឲ្យដឹងថា ក្រោមប្រព័ន្ធអនុគ្រោះពន្ធ កម្ពុជាបាននាំទំនិញចេញទៅលក់នៅបរទេស ស្មើនឹងទឹកប្រាក់ចំនួន៦ពាន់លានដុល្លារអាមេរិក ក្នុងរយៈពេល៦ដំបូងនៃឆ្នាំ២០១៨។ នៅពេលទន្ទឹមគ្នានេះ ក្រុមមេដឹកនាំសហជីព និងអ្នកឃ្លាំមើលសង្គមបារម្ភខ្លាចក្រែងកម្ពុជាបាត់បង់ប្រព័ន្ធអនុគ្រោះពន្ធ ដែលផ្តល់ការងារឲ្យកម្មកររាប់ម៉ឺននាក់នៅកម្ពុជា។
កាលពីថ្ងៃពុធសហរដ្ឋអាមេរិកបានដាក់ទណ្ឌកម្មក្រុមហ៊ុននានានៅក្នុងប្រទេសចិន រុស្ស៊ី និងសិង្ហបុរី ដែលខ្លួននិយាយថា បានរំលោភការដាក់ទណ្ឌកម្មពាណិជ្ជកម្មជាមួយកូរ៉េខាងជើង ដែលជាការប៉ុនប៉ងនៅពេលថ្មីៗបំផុតរបស់រដ្ឋាភិបាលក្រុងវ៉ាស៊ីនតោនដើម្បីបន្តដាក់សម្ពាធលើរដ្ឋាភិបាលក្រុងព្យុងយ៉ាងឲ្យបញ្ចប់ការអភិវឌ្ឍអាវុធនុយក្លេអ៊ែររបស់ខ្លួន។
ព័ត៌មានផ្សេងទៀត
No media source currently available
