ប្រជាពលរដ្ឋកម្ពុជាប្រមាណ ៨លាន ២សែននាក់ បាននាំគ្នាចេញទៅបោះឆ្នោតកាលពីព្រឹកថ្ងៃអាទិត្យនេះ នៅក្នុងការបោះឆ្នោតជាតិអាណត្តិទី ៧
ស្របពេលដែលការបោះឆ្នោតមិនមានវត្តមានគណបក្សជំទាស់ដ៏មានសក្តានុពល អ្នកតាមដានលើកឡើងពីហានិភ័យនៃការធាក់ថយក្រោយលទ្ធិប្រជាធិបតេយ្យ និងសិទ្ធិមនុស្សនៅកម្ពុជា និងលទ្ធភាពនៃការដាក់ទណ្ឌកម្មពីប្រទេសលោកខាងលិចផងដែរ។
បន្ទាប់ពីបានដឹងថាមានពលរដ្ឋជាង ៨លាន ២សែននាក់ បានចេញទៅបោះឆ្នោត ខណៈអ្នកបោះឆ្នោតមួយចំនួនបានគូសសន្លឹកឆ្នោតចោល លោកនាយករដ្ឋមន្ត្រី ហ៊ុន សែន បានព្រមានឱ្យក្រុមអ្នកញុះញង់គូសសន្លឹកឆ្នោតចោលចូលសារភាព ប្រសិនបើចង់រួចពីការចាប់ខ្លួន។
ក្នុងបទសម្ភាសន៍មួយជាមួយវីអូអេ លោក ផៃ ស៊ីផាន អ្នកនាំពាក្យរដ្ឋាភិបាលកម្ពុជា ថ្លែងថា ការបោះឆ្នោតជាតិអាណត្តិទី ៧ នេះប្រព្រឹត្តទៅតាមបែបលទ្ធិប្រជាធិបតេយ្យ មានន័យថា សេរី យុត្តិធម៌ និងត្រឹមត្រូវ បើទោះបីគ្មានវត្តមានគណបក្សប្រឆាំងដ៏ធំមួយ។
ពលរដ្ឋនៅរាជធានីភ្នំពេញដូចជា លោក អ៊ុន សុផល បានលើកឡើងថា លោកបានចេញទៅបោះឆ្នោត ដើម្បីជំរុញឱ្យរដ្ឋាភិបាលអាណត្តិថ្មីយកចិត្តទុកដាក់បម្រើប្រជាពលរដ្ឋបន្ថែមទៀត បើទោះបីជាគ្មានគណបក្សប្រឆាំងដ៏ចម្បង គឺគណបក្សភ្លើងទៀន។
នាព្រឹកថ្ងៃអាទិត្យនេះ ប្រជាពលរដ្ឋនៅរាជធានីភ្នំពេញ បាននាំគ្នាចេញទៅបោះឆ្នោត នៅក្នុងការបោះឆ្នោតមួយដែលអវត្តមានគណបក្សជំទាស់ដ៏ធំ គឺគណបក្សភ្លើងទៀន និងដែលគណបក្សកាន់អំណាចរបស់លោកនាយករដ្ឋមន្ត្រី ហ៊ុន សែន ត្រូវបានគេរំពឹងថា នឹងឈ្នះភ្លូកទឹកភ្លូកដីដូចការបោះឆ្នោតជាតិឆ្នាំ ២០១៨ ដែរ។
ពួកគេចង់ឱ្យរដ្ឋាភិបាលថ្មីដែលនឹងកើតក្រោយការបោះឆ្នោត យកចិត្តទុកដាក់លើជីវភាពរបស់ប្រជាពលរដ្ឋ ដោយគិតគូរលើប្រាក់ខែរបស់កម្មករ កម្មាការិនី និងអ្នកធ្វើការក្នុងវិស័យផ្សេងទៀត។
គណបក្សហ៊្វុនស៊ិនប៉ិចដែលជាគណបក្សរាជានិយមចាស់វស្សាមួយ កាលពីព្រឹកថ្ងៃសុក្រ បានចេញយុទ្ធនាការឃោសនារកសំឡងឆ្នោតរបស់ខ្លួនសាជាថ្មី ដោយរំពឹងថានឹងឈ្នះអាសនៈរដ្ឋសភាសម្រាប់ការបោះឆ្នោតជាតិ ដែលនឹងចាប់ផ្តើមនាថ្ងៃអាទិត្យនេះ។
លោក ហ៊ុន សែន បានថ្លែងយ៉ាងដូច្នេះ នៅក្នុងបទសម្ភាសន៍ជាមួយទូរទស្សន៍រដ្ឋចិន PhoenixTV ដែលទើបចុះផ្សាយ កាលពីថ្ងៃទី២០ ខែកក្កដា ឆ្នាំ២០២៣។
ការចេញសេចក្តីថ្លែងរបស់អង្គការមួយនេះធ្វើឡើងក្រោយមន្ត្រីគណបក្សភ្លើងទៀនយ៉ាងតិច ៤នាក់ ត្រូវបានអាជ្ញាធរចាប់ខ្លួន ក្នុងចន្លោះថ្ងៃទី១៤ ដល់ថ្ងៃទី១៧ ខែកក្កដា ពាក់ព័ន្ធនឹងបទញុះញង់បង្កចលាចលដល់ការបោះឆ្នោត។
សមាគមសារព័ត៌មានខេមបូចាបានចេញផ្សាយរបាយការណ៍ថ្មីមួយ ដោយលើកឡើងថា សេរីភាពសារព័ត៌មាននៅតែស្ថិតក្នុងក្តីព្រួយបារម្ភមួយ ដោយមានការរឹតត្បិត និងយាយីមកលើអ្នកសារព័ត៌មាន។
ក្រសួងការបរទេសកម្ពុជាបានប្រតិកម្មទៅនឹងអ្នកជំនាញរបស់អង្គការសហប្រជាជាតិ ជុំវិញការជំរុញឱ្យដោះលែងកញ្ញា សេង ធារី មេធាវីខ្មែរអាមេរិកាំង ជាបន្ទាន់និងគ្មានលក្ខខណ្ឌ។
ក្រុមសហជីពលើកឡើងថាការធ្លាក់ចុះទំហំពាណិជ្ជកម្មអន្តរជាតិរបស់កម្ពុជា ក្នុងនោះការនាំចេញធ្លាក់ចុះ បណ្តាលមកពីសង្គ្រាមរវាងរុស្ស៊ី និងអ៊ុយក្រែន ជាពិសេសភាពមិនប្រាកដប្រជានៃប្រព័ន្ធអនុគ្រោះពន្ធរបស់អាមេរិកនិងសហភាពអឺរ៉ុប។
គណបក្សប្រជាធិបតេយ្យមូលដ្ឋាន (Grassroots Democratic Party ឬ GDP) នៅថ្ងៃចន្ទនេះ បានចាប់ផ្តើមយុទ្ធនាការឃោសនារកសំឡេងឆ្នោតសម្រាប់ការបោះឆ្នោតជ្រើសតាំងតំណាងរាស្ត្រ នាថ្ងៃទី២៣ ខែកក្កដាខាងមុខ អមដោយសារនយោបាយមួយចំនួន ក្នុងនោះក៏មានគោលនយោបាយក្នុងការកំណត់អាណត្តិនាយករដ្ឋមន្ត្រីផងដែរ។
ពេលវេលានៃប្រកាសរបស់លោក ហ៊ុន សែន គូសបញ្ជាក់ពីការពឹងផ្អែកលើទីក្រុងប៉េកាំងក្នុងការផ្តល់នូវវឌ្ឍនភាពសេដ្ឋកិច្ច អំឡុងពេលដែលលោកស្ថិតក្នុងអំណាចជិត ៤០ ឆ្នាំមកហើយ។ ទំនាក់ទំនងនេះត្រូវបានអ្នកអ្នកវិភាគព្រមានថា នឹងធ្វើឱ្យទីក្រុងភ្នំពេញធ្លាក់ទៅក្នុងការជំពាក់គុណទីក្រុងប៉េកាំង។
កម្មវិធីប្រារព្ធខួប៧ឆ្នាំនេះ ធ្វើឡើងនៅមជ្ឈមណ្ឌលសិទ្ធិមនុស្សកម្ពុជា ដែលមានការចូលរួមពីក្រុមអង្គការសង្គមស៊ីវិលមកពីស្ថាប័នផ្សេងៗ ដូចជាអង្គការតម្លាភាពកម្ពុជា សមាគមការពារសិទ្ធិមនុស្សអាដហុក និងអង្គការលីកាដូជាដើម។
កាលពីឆ្នាំ២០២២ អង្គការលីកាដូ និងអង្គការសមធម៌កម្ពុជា តាងនាមឱ្យពលរដ្ឋកម្ពុជាជាអ្នកខ្ចីឥណទានខ្នាតតូច បានដាក់ពាក្យបណ្តឹងទៅកាន់ IFC ដើម្បីជំរុញឱ្យមានការស៊ើបអង្កេតស្ថាប័នផ្ដល់កម្ចីឥណទានខ្នាតតូចនៅកម្ពុជា។
គណបក្សហ៊្វុនស៊ិនប៉ិចដែលដឹកនាំដោយព្រះអង្គម្ចាស់ នរោត្តម ចក្រាវុធ បានចាប់ផ្តើមយុទ្ធនាការរកសំឡេងឆ្នោតរបស់ខ្លួន ដោយមានការចូលរួមពីអ្នកគាំទ្រប្រមាណ ៣ ពាន់នាក់ ខណៈទីលាននៃការប្រកួតប្រជែងលើកនេះគ្មានវត្តមានគណបក្សប្រឆាំងដ៏ធំមួយ។
យុទ្ធនាការរបស់គណបក្សនេះត្រូវបានដឹកនាំដោយព្រះអង្គម្ចាស់ នរោត្តម ចក្រាវុធ ព្រះប្រធានគណបក្ស។ ទីលាននៃការប្រកួតប្រជែងសម្រាប់ការបោះឆ្នោតជ្រើសរើសតំណាងរាស្ត្រនីតិកាលទី ៧ នេះ អវត្តមានគូប្រជែងដ៏ចម្បងមួយ គឺគណបក្សភ្លើងទៀន៕
ព័ត៌មានផ្សេងទៀត
