គណបក្សកម្លាំងជាតិបានស្នើឱ្យរដ្ឋាភិបាលចាត់វិធានការទប់ស្កាត់ជាបន្ទាន់លើការធ្លាក់ចុះតម្លៃសត្វចិញ្ចឹមក្នុងស្រុក និងរឹតបន្តឹងការអនុវត្តច្បាប់ស្តីពីការត្រួតពិនិត្យគុណភាពសាច់បង្កកដែលនាំចូលពីក្រៅប្រទេស។ អ្នកនាំពាក្យក្រសួងកសិកម្មលើកឡើងថាករណីនេះក្រសួងនិងភាគីពាក់ព័ន្ធកំពុងតែសហការគ្នាដោះស្រាយ។
នៅក្នុងការផ្សាយផ្ទាល់តាមទំព័រហ្វេសប៊ុកចេញពីខេត្តបាត់ដំបង នាថ្ងៃពុធនេះ លោក ស្រ៊ុន ស្រ៊ន លើកឡើងថា លោកមិនសុខចិត្តចំពោះការសារភាពរបស់ជនដៃដល់ដែលអាជ្ញាធរថៃចាប់បាននោះទេ។ លោកបញ្ជាក់ថា ការវាយប្រហាររូបលោកជាការរៀបចំមួយ មិនមែនពាក់ព័ន្ធនឹងការប្រើប្រាស់បន្ទប់ទឹកក្នុងវត្តរហូតដល់មានការវាយបែកក្បាលឡើយ។
របាយការណ៍នេះលើកឡើងបញ្ហាជាច្រើនទាក់ទងនឹងអាជីវកម្មនេះ រួមមានការរំលោភសិទ្ធិមនុស្ស ការខូចខាតបរិស្ថាន និងការកាប់បំផ្លាញព្រៃឈើ ការពិគ្រោះយោបល់ជាសាធារណៈមិនបានពេញលេញ និងស្ថានភាពក្រោមស្តង់ដារសិទ្ធិការងារ។
គណបក្សកម្លាំងជាតិបានចេញសេចក្តីថ្លែងការណ៍មួយ ដោយស្នើសុំនាយករដ្ឋមន្រ្តីកម្ពុជាគួរតែពិនិត្យមើលលទ្ធភាពក្នុងការដោះលែងអ្នកទោសនយោបាយ អ្នកការពារសិទ្ធិមនុស្ស និងមេដឹកនាំសហជីពដើម្បីដោះស្រាយវិបត្តិនយោបាយផ្ទៃក្នុងនៅកម្ពុជា។ អ្នកនាំពាក្យរដ្ឋាភិបាលលើកឡើងថា កម្ពុជាមិនមានវិបត្តិនយោបាយអ្វីឡើយ ហើយកម្ពុជាជានីតិរដ្ឋ។
លោកនាយករដ្ឋមន្ត្រី ហ៊ុន ម៉ាណែត បានបញ្ជាឱ្យទប់ស្កាត់សកម្មភាពទាំងឡាយណាដែលបង្កជាផលប៉ះពាល់ដល់ការប្រតិបត្តិនៃតម្លៃសាសនា និងសន្តិសុខសង្គម។ អ្នកតាមដានជំរុញឱ្យក្រសួងធម្មការ និងសាសនា ត្រូវតែបើកការស៊ើបអង្កេតចំពោះសកម្មភាពដែលកំពុងកក្រើកពេញបណ្តាញសង្គម ពាក់ព័ន្ធនឹងជំនឿលើបារមីរបស់ព្រះអង្គចន្ទ មុនី។
ប្រជាពលរដ្ឋដែលប្រកបរបរលក់ត្រីប្រហុកឱ្យដឹងថា ឆ្នាំនេះ ត្រីមានការកើនឡើង ប៉ុន្តែឆាប់អស់មុនរដូវទៅវិញ ដែលបង្កជាការព្រួយបារម្ភសម្រាប់ពួកគេ។ ពួកគេអំពាវនាវឱ្យប្រជាពលរដ្ឋឆាប់មកទិញត្រីប្រហុក ខណៈតម្លៃមិនទាន់កើនឡើងនៅឡើយ។
លោក វណ្ណ សុផាត អ្នកសម្របសម្រួលគម្រោងធុរកិច្ច និងសិទ្ធិមនុស្សនៃមជ្ឈមណ្ឌលសិទ្ធិមនុស្សកម្ពុជាដែលបានតាមដានជម្លោះដីធ្លីនេះ សាទរសេចក្តីសម្រេចរបស់តុលាការក្នុងការទម្លាក់ចោលបទញុះញង់លើសកម្មជនដីធ្លីទាំងពីរនាក់។
យុវតីរូបនេះបន្តទៀតថា ការណ៍ដែលកញ្ញាបង្ហោះថាមានគេគំរាមឱ្យលុបសារនោះចេញ និងថាមានគេមកតាមសួរខ្លួនជាច្រើនដងនោះ គឺដោយសារតែកញ្ញាឮអ្នកភូមិគេនិយាយតៗគ្នា បូករួមទាំងការភ័យខ្លាចរបស់ខ្លួនឯងផ្ទាល់តែប៉ុណ្ណោះ។
អ្នកតវ៉ាទាំងនោះលើកឡើងថា ថ្នាក់ដឹកនាំគណបក្សបានគំរាមកំហែង និងដកហូតតួនាទីសមាជិកសមាជិកា និងក្រុមប្រឹក្សាឃុំសង្កាត់ជាប់ឆ្នោតនៅថ្នាក់ក្រោមជាតិ «តាមទំនើងចិត្តយ៉ាងអយុត្តិធម៌»។
កាលពីព្រឹកថ្ងៃសុក្រ កញ្ញា សិរី វឌ្ឍនៈ ដែលមិនត្រូវបានស្គាល់អត្តសញ្ញាណច្បាស់លាស់នៅឡើយ បានបង្ហោះថា៖ «ដល់ពេលវេលាដែលខ្ញុំត្រូវរងគ្រោះហើយ ព្រឹកនេះមិនដឹងថាខ្ញុំទៅជាយ៉ាងណាទេ គេមកសួររកខ្ញុំបីដងហើយ»។
អនុប្រធានគណបក្សភ្លើងទៀន លោក សុន ឆ័យ ដែលឈរឈ្មោះជាបេក្ខជនលេខរៀងទីមួយក្នុងការបោះឆ្នោតព្រឹទ្ធសភានាពេលខាងមុខ ប្រាប់វីអូអេនៅថ្ងៃអង្គារនេះថាការចេញសេចក្តីណែនាំនេះ គឺដើម្បីជម្រាបជូនដល់អង្គបោះឆ្នោតទាំងអស់នៃគណបក្សភ្លើងទៀនកុំឱ្យមានការភាន់ច្រឡំពីការអូសទាញពីគណបក្សផ្សេង នៅពេលទៅចូលរួមបោះឆ្នោតព្រឹទ្ធសភាខាងមុខនេះ។
មន្ត្រីសិទ្ធិមនុស្ស និងសកម្មជនមួយចំនួន កាលពីថ្ងៃអាទិត្យបានប្រារព្ធទិវាសិទ្ធិមនុស្សអន្តរជាតិ១០ធ្នូ ដោយទាមទារឱ្យរដ្ឋាភិបាលដោះស្រាយបញ្ហារំលោភសិទ្ធិមនុស្សនៅកម្ពុជា ខណៈពួកគេព្រួយបារម្ភពីការបន្តធ្លាក់ចុះនៃស្ថានភាពសិទ្ធិមនុស្ស។
អ្នកតាមដានលើកឡើងថាការចុះចូលរបស់លោក សំ សុគង់ ដែលជាមេធាវីគណបក្សជំទាស់ជាច្រើនឆ្នាំមកហើយ ទំនងមកពីលោកអាក់អន់ចិត្តនឹងគណបក្សជំទាស់។
អង្គការសិទ្ធិមនុស្សលីកាដូ និងនគរបាលខេត្តបន្ទាយមានជ័យអះអាងផ្សេងគ្នាជុំវិញការដែលមន្រ្តីនគរបាលចូលទៅស្នាក់ការរបស់អង្គការលីកាដូក្នុងខេត្ត កាលពីថ្ងៃពុធ ដោយនាំមនុស្ស៤នាក់ចេញពីស្នាក់ការ។
បុគ្គលិកក្រុមណាហ្គាវើលដ៍៤នាក់ កាលពីព្រឹកថ្ងៃអង្គារ បានចេញមុខតវ៉ា ដោយចាត់ទុកការបញ្ឈប់ពួកគេ និងបុគ្គលិកប្រមាណ៧០នាក់ទៀត កាលពីចុងខែវិច្ឆិកា ឆ្នាំ២០២៣នេះ ជារឿងអយុត្តិធម៌។
អ្នកតាមដានសង្គមមួយចំនួនអំពាវនាវឱ្យប្រជាពលរដ្ឋគោរពសិទ្ធិគ្នាក្នុងការជឿលើអ្វីមួយ ដើម្បីបញ្ចៀសជម្លោះនានាដែលអាចកើតមានឡើង។ ការអំពាវនាវនេះ ស្របពេលមានការលើកឡើងយ៉ាងចម្រូងចម្រាសលើករណីព្រះអង្គ ចន្ទ មុនី ដែលជាព្រះសង្ឃមួយអង្គគង់នៅក្នុងខេត្តកំពង់ឆ្នាំង ទៅលើបារមីរបស់ព្រះអង្គ។
លោក ហ៊ុន ម៉ាណែត ដែលឡើងកាន់អំណាចជានាយករដ្ឋមន្រ្តីបានជាង៣ខែ បន្ទាប់ពីឪពុករបស់លោកដែលកាន់អំណាចជិត៤០ឆ្នាំ ថ្លែងថានៅពេលលោកនិយាយអំពីការថែរក្សាសន្តិភាព មានអ្នកចោទរូបលោកថា«ផ្តាច់ការ»។ ប៉ុន្តែលោកថារដ្ឋាភិបាលរបស់លោកនឹងបន្តរក្សាសន្តិភាព និងស្ថិរភាពសម្រាប់ប្រជាពលរដ្ឋ ទោះក្នុងតម្លៃណាក៏ដោយ។
ក្នុងបទសម្ភាសន៍ជាមួយវីអូអេ លោក ថុន រដ្ឋា សកម្មជនបរិស្ថានវ័យក្មេងម្នាក់ ជំរុញឱ្យតុលាការទម្លាក់បទចោទ ដោយចាត់ទុកការចោទប្រកាន់ទាំងនោះអយុត្តិធម៌សម្រាប់រូបលោក។
ក្រុមកូដករក្រុមហ៊ុនណាហ្គាវើលដ៍ នៅថ្ងៃព្រហស្បតិ៍នេះ បានព្យាយាមដាក់ញត្តិសុំអន្តរាគមន៍ពីលោកនាយករដ្ឋមន្រ្តី ហ៊ុន ម៉ាណែត ដើម្បីទាមទារឱ្យដោះលែងមេដឹកនាំសហជីព និងផ្តល់ដំណោះស្រាយការងារ ដែលពួកគេត្រូវបានបញ្ឈប់ពីការងារប៉ុន្មានឆ្នាំមកហើយ។
ក្នុងពិធីសម្ពោធផ្លូវជាតិលេខ៥ នាថ្ងៃពុធ ទី២២ ខែវិច្ឆិកា នាយករដ្ឋមន្ត្រីកម្ពុជា និងឯកអគ្គរដ្ឋទូតជប៉ុនប្រចាំកម្ពុជា ប្តេជ្ញារក្សាទំនាក់ទំនងស្អិតរមួតរវាងគ្នា ស្របពេលខួប៧០ឆ្នាំនៃទំនាក់ទំនងការទូតរវាងប្រទេសទាំងពីរ។
ព័ត៌មានផ្សេងទៀត
