Organizatat për të drejtat e njeriut akuzojnë autoritetet franceze për “spastrim social” para Lojërave Olimpike për shkak të largimit nga rrugët e Parisit të emigrantëve, prostitutave dhe të tjerëve, duke minuar premtimet për t’i bërë këto Lojëra ngjarjen më gjithëpërfshirëse të të gjitha kohërave.
Një anketim i Programit për Zhvillim të Kombeve të Bashkuara, i publikuar të enjten, vë në pah një rënie të besimit të shqiptarëve dhe serbëve të Kosovës se marrëveshja për rrugën drejt normalizimit të marrëdhënieve ndërmjet Kosovës dhe Serbisë mund të ketë ndikim pozitiv në jetën e tyre.
Në Tiranë, ndryshimet në Kodin Zgjedhor, që mësohet se po kryhen pas dakordësimit mes Partisë Socialiste dhe Partisë Demokratike të opozitës, u pritën me reagime të ndryshme nga ekspertët e pavarur.
Kryeministri izraelit Benjamin Netanyahu iu drejtua të mërkurën Kongresit amerikan. Shumë ligjvënës demokratë e bojkotuan fjalimin dhe protestuesit rrethuan Kapitolin. Ligjvënësit republikanë thanë se fjalimi ishte thelbësor për të riafirmuar angazhimin amerikan për aleatin e saj në Lindjen e Mesme.
Kandidati republikan për president, Donald Trump po përballet me një kundërshtare tjetër pas tërheqjes së Presidentit Joe Biden nga gara. Zëri i Amerikës njofton për mënyrat se si ekipi i zotit Trump po ndryshon fushatën për përballjen e mundshme me Nënpresidenten Kamala Harris.
Në një moment që hyn në historinë e Shteteve të Bashkuara, Presidenti Joe Biden doli në një fjalim para vendit dje në mbrëmje për t’u shpjeguar amerikanëve dhe gjithë botës se pse vendosi të mos kandidojë për t'u rizgjedhur në garën presidenciale të vitit 2024.
Shoqata të gazetarëve shqiptarë dhe serbë në Kosovë kritikuan të mërkurën ligjin për Komisionin e Pavarur të Medieve, që u miratua dy javë më parë në parlament, duke theksuar se përmes tij qeveria synon të kontrollojë mediat në vend.
Në Shqipëri po hidhen aktualisht disa hapa konkrete për rigjallërimin e industrisë ushtarake. Disa komisione të Kuvendit shqyrtuan dhe miratuan sot krijimin e shoqërisë shtetërore për prodhimin dhe tregtimin e armëve, municioneve, pajisjeve dhe teknologjive ushtarake.
Gara presidenciale në SHBA ka marrë një pamje të re pas vendimit të Presidentit Biden për t’u tërhequr dhe daljes së Nënpresidentes Kamala Harris si kandidatja kryesore e demokratëve për postin e presidentit, pasi siguroi mbështetjen e numrit të mjaftueshëm të delegatëve të kuvendit të partisë
Përpjekja për vrasjen e ish-presidentit Donald Trump është një argument më shumë përse duhet punuar kundër dhunës nga armët, thotë zyrtari më i lartë amerikan për shëndetin publik Dr. Vivek Murthy. Dr. Murthy së fundmi e shpalli dhunën nga armët e zjarrit në Amerikë një 'krizë të shëndetit publik'.
Tre ditë para fillimit të Lojërave Olimpike, ministri i Brendshëm i Francës përshëndeti forcat e rendit siç tha ai “për punën e tyre të palodhur”. 30 mijë oficerë policie do të sigurojnë mbarëvajtjen e lojërave Olimpike dhe për ceremoninë e hapjes do të marrin pjesë 45 mijë forca
Votuesit në Shtetet e Bashkuara po përballem me një fushatë të re presidenciale, pasi Presidenti Joe Biden u tërhoq nga kandidimi për një mandat të dytë dhe Nënpresidentja Kamala Harris ka të ngjarë të jetë e emëruara e Partisë Demokrate për t‘u përballur me Donald Trumpin në zgjedhjet e nëntorit
Ngarko më shumë
