មេដឹកនាំរុស្ស៊ីលោក Vladimir Putin ត្រូវបានអញ្ជើញទៅប្រទេសអាហ្រ្វិកខាងត្បូងចូលរួមកិច្ចប្រជុំកំពូល BRICS ប៉ុន្តែរដ្ឋាភិបាលទីក្រុងប្រេតូរីយ៉ា គឺជាប្រទេសហត្ថលេខីនៃលក្ខន្តិកៈទីក្រុងរ៉ូមរបស់តុលាការ ICC។
ប្រទេសបេឡារុសបាននិយាយនៅថ្ងៃអង្គារនេះថាសម្ពាធនយោបាយនិងសេដ្ឋកិច្ចពីសហរដ្ឋអាមេរិក ចក្រភពអង់គ្លេស អង្គការអូតង់និងសហភាពអឺរ៉ុបបណ្តាលឱ្យខ្លួនសម្រេចចិត្តទទួលដាក់អាវុធនុយក្លេអ៊ែររុស្ស៊ីលើដែនដីខ្លួន។
កងទ័ពជើងទឹករុស្ស៊ីបានបាញ់គ្រាប់មីស៊ីលដែលលឿនជាងសំឡេង (Hypersonic) ប្រឆាំងនាវា នៅក្នុងការបាញ់សាកល្បងទៅលើគោលដៅត្រាប់ នៅក្នុងសមុទ្រជប៉ុន។ នេះបើតាមការឱ្យដឹងរបស់ក្រសួងការពារជាតិរុស្ស៊ីនៅថ្ងៃអង្គារនេះ ហើយដែលត្រូវបានចេញផ្សាយដោយទីភ្នាក់ងារសារព័ត៌មាន Reuters។
កាលពីថ្ងៃសៅរ៍ លោក Putin បានប្រកាសដាក់ពង្រាយអាវុធនុយក្លេអ៊ែរកលយុទ្ធនៅបេឡារុស ដោយបាននិយាយថាវាជារឿងត្រឹមត្រូវដោយសារតែក្រុមបស្ចិមប្រទេសបានបង្កើនការគាំទ្រផ្នែកយោធាសម្រាប់កងទ័ពអ៊ុយក្រែន។
រដ្ឋមន្ត្រីការពារជាតិប្រទេសហ្វាំងឡង់បាននិយាយនៅថ្ងៃព្រហសប្បតិ៍ម្សិលមិញថាហ្វាំងឡង់ នឹងបញ្ជូនរថក្រោះបោសសម្អាតមីន Leopard 2 ដែលកែឆ្នៃចំនួន៣គ្រឿងទៅឱ្យប្រទេសអ៊ុយក្រែនបន្ថែមលើ៣គ្រឿងដែលបានបញ្ជូនរួចហើយកាលពីលើកមុន។
ប្រធានាធិបតីអ៊ុយក្រែនលោក Volodymyr Zelenskyyនិយាយថា យោធាអ៊ុយក្រែន មានគម្រោងនឹងធ្វើការវាយបកប្រឆាំងនឹងកងទ័ពរុស្ស៊ី ប៉ុន្តែត្រូវការការជួយពីបណ្តាប្រទេសក្បែរខាងអឺរ៉ុបរបស់ខ្លួន។
លោក Karim Khan រដ្ឋអាជ្ញានៃតុលាការ ICC បាននិយាយថា ដីកាចាប់ខ្លួនលោក Putin នេះគឺមិនមែនជាពេលវេលាមួយនៃជ័យជម្នះនោះទេ ប៉ុន្តែជា «ពេលវេលាស្រងូតស្រងាត់» ដែលរំឭកពិភពលោកថា វិធានការអន្តរជាតិរួមគ្នាគឺសំខាន់ដើម្បីរកយុត្តិធម៌ជូនប្រទេសអ៊ុយក្រែន។
មេដឹកនាំអ៊ុយក្រែន បានប្រាប់ក្រុមសម្ព័ន្ធមិត្តបស្ចិមប្រទេសថា កងយោធាអ៊ុយក្រែនកំពុងត្រូវការជាបន្ទាន់នូវគ្រាប់រំសេវបន្ថែមទៀត ពិសេសគ្រាប់កាំភ្លើងផ្លោង១៥៥មីល្លីម៉ែត្រ។
ប្រធានាធិបតីអ៊ុយក្រែនលោក Volodymyr Zelenskyy បានសរសេរនៅលើប្រព័ន្ធ Twitter នៅថ្ងៃពុធនេះថា ការវាយប្រហាររបស់រុស្ស៊ីលើកនេះរួមមានការប្រើ «ដ្រូនពិឃាដរបស់អ៊ីរ៉ង់ ២០ គ្រឿង មីស៊ីល និងការបាញ់ផ្លោងជាច្រើនដងផងដែរ»។
កាលពីថ្ងៃចន្ទប្រធានាធិបតីចិនលោក Xi Jinping បានទៅដល់ទីក្រុងមូស្គូសម្រាប់ទស្សនកិច្ចផ្លូវរដ្ឋរយៈពេល៣ថ្ងៃ ដើម្បីជួបជាមួយមេដឹកនាំរុស្ស៊ីលោក Vladimir Putin។ ក្នុងដំណើរទស្សនកិច្ចនោះ លោក Xi មានរបៀបវារៈនៃការពិភាក្សាអំពីសង្គ្រាមរុស្ស៊ីនៅអ៊ុយក្រែន និងសំណើសន្តិភាពរបស់រដ្ឋាភិបាលទីក្រុងប៉េកាំង។
នាយករដ្ឋមន្ត្រីជប៉ុនលោក Fumio Kishida បានធ្វើដំណើរនៅថ្ងៃអង្គារនេះទៅកាន់រដ្ឋធានីកៀវដើម្បីជួបជាមួយប្រធានាធិបតីអ៊ុយក្រែនលោក Zelenskyy នៅក្នុងការបង្ហាញការគាំទ្រដែលបានកើតមានឡើងនៅពេលដែលប្រធានាធិបតីរុស្ស៊ីលោក Vladimir Putin ធ្វើជាម្ចាស់ផ្ទះទទួលមេដឹកនាំចិនលោក Xi Jinping។
ប្រធានាធិបតីរុស្ស៊ីលោក Vladimir Putin បានទទួលស្វាគមន៍ប្រធានាធិបតីចិនលោក Xi Jinping នៅថ្ងៃអង្គារនេះដែលជាថ្ងៃទីពីរនៃការពិភាក្សារវាងលោកទាំងពីរ បន្ទាប់ពីលោក Putin បានទទួលស្វាគមន៍ផែនការសន្តិភាពរបស់រដ្ឋាភិបាលចិននៅក្នុងការដោះស្រាយបញ្ហាសង្គ្រាមរបស់រុស្ស៊ីនៅអ៊ុយក្រែន។
ព័ត៌មានផ្សេងទៀត
