ក្នុងឆ្នាំ ២០២៣ អាជ្ញាធរកម្ពុជាបានជួយសង្គ្រោះពលរដ្ឋខ្មែរដែលរងគ្រោះ និងងាយរងគ្រោះនៅប្រទេសចិន ទាក់ទងនឹងការរាយការណ៍អំពីការជួញដូរមនុស្សបានប្រមាណ ២០០នាក់។
ប៉ុន្តែតំណាងក្រុមហ៊ុន OCIC គឺលោក ជីវ កុកសាយ ប្រាប់វីអូអេថា ភាគីក្រុមហ៊ុនបានហៅអ្នកបច្ចេកទេសមកសិក្សារកដំណោះស្រាយជុំវិញករណីនេះ និងថាការចាក់ដីនេះ គឺចាក់ត្រឹមព្រំដីក្រុមហ៊ុនដែលមានប្លង់រឹង។
ការអំពាវនាវនេះ ត្រូវបានអ្នកនាំពាក្យគណបក្សកាន់អំណាចចាត់ទុកថា គ្មានប្រយោជន៍។ ចំណែកអ្នក វិភាគនយោបាយថ្លែងថា បើលោកសម រង្ស៊ីនៅតែធ្វើការអំពាវនាវបែបនេះ គណបក្សជំទាស់ក្នុងស្រុកនឹងកាន់តែវេទនា ហើយអាចប្រឈមនឹងបញ្ហាផ្សេងៗ។
លោក ណុប វុធ្ធី អភិបាលរងខេត្តព្រះវិហារ បានអំពាវនាវឱ្យប្រជាពលរដ្ឋប្រមាណ៣០នាក់ដែលកំពុងរស់នៅក្នុងព្រៃ ចាកចេញពីព្រៃមករស់នៅផ្ទះសម្បែងវិញ។
ជនទាំងពីរនោះ មានឈ្មោះ ង្វៀន ជុងហឹង និងឈ្មោះ ប៊ុន ស៊ូកែវអាលុន។ អាជ្ញាធរបានរឹបអូសគ្រឿងញៀនពីពួកគេបានទម្ងន់ ១៦០ គីឡូក្រាម ដែលប្រព្រឹត្តក្នុងរាជធានីភ្នំពេញ កាលពីថ្ងៃទី ២៥ ខែតុលា ឆ្នាំ ២០២២។
មុនពេលចាប់ខ្លួនកាលពីដើមសប្តាហ៍នេះ ឧត្តមសេនីយ៍ទោ លោក អេង សាវឿន មានតួនាទីជាអនុប្រធាននាយកដ្ឋានទទួលបន្ទុកការិយាល័យបច្ចេកទេស និងបង្ការអគ្គិភ័យ នៅអគ្គស្នងការដ្ឋាននគរបាលជាតិ។
បើតាមលោក លី សុធារ៉ាយុត្តិ បញ្ហាប្រឈមចម្បងមួយទៀត គឺការជាប់គាំងនៃការផ្លាស់ប្តូរសមាជិកក្រុមប្រឹក្សាឃុំសង្កាត់ជាប់ឆ្នោតឆ្នាំ ២០២២ ចំនួន ៣៥ នាក់ ដែលបានអូសបន្លាយពេលជាងកន្លះឆ្នាំមកហើយ នៅតែប្តូរមិនបាន។
បើតាមអ្នកស្រី ស៊ែ ដាវី មន្ត្រីព្រះមរបរាជវាំង បានបដិសេធ មិនទទួលញត្តិរបស់ប្រជាពលរដ្ឋ ដោយឱ្យពលរដ្ឋយកញត្តិទៅដាក់នៅខុទ្ទកាល័យនាយករដ្ឋមន្ត្រី សាលារាជធានីភ្នំពេញ និងក្រសួងដែនដី នគរូបនីយកម្មនិងសំណង់ វិញ។
អតិថិជនបន្តទាមទារឱ្យក្រុមហ៊ុនបុរីពិភពថ្មី ទិញយកផ្ទះពួកគេវិញក្នុងទំហំទឹកប្រាក់៥០% ទៅតាមតាមគោលការណ៍បុរីដែលធ្លាប់មាន បន្ទាប់ពីក្រុមហ៊ុនចេញគោលការណ៍ថ្មីមួយដែលពួកគេទទួលយកមិនបាន។
មន្ត្រីសិទ្ធិមនុស្សសមាគមអាដហុក លោក ស៊ឹង សែនករុណា ប្រតិកម្មទៅនឹងពាក្យបណ្តឹងរបស់គណបក្សប្រជាជនកម្ពុជា ដែលទាមទារសំណងប្រមាណ៥០ម៉ឺនដុល្លារអាមេរិក ពាក់ព័ន្ធបទបរិហារកេរ្តិ៍ថា ជា«ការបំបាក់ទឹកចិត្ត និងធ្វើទុក្ខបុកម្នេញ» មកលើរូបលោកដែលធ្វើការដើម្បីតែផលប្រយោជន៍សង្គម។
ប្រជាពលរដ្ឋដែលអះអាងថា ជាអ្នករងគ្រោះ ប្រាប់វីអូអេថា ពួកគេបានដាក់លុយជាមួយក្រុមហ៊ុនមួយនេះ ដើម្បីទទួលបានការប្រាក់ខ្ពស់ដែលក្រុមហ៊ុនធានាថាឱ្យ៣ទៅ៥%ក្នុងមួយខែ ប៉ុន្តែរឿងនេះមិនបានកើតឡើងដូចការសន្យាទេ។
អង្គការសង្គមស៊ីវិល ជំរុញឱ្យមានការស្រាវជ្រាវ និងដោះស្រាយវិវាទដីធ្លី ដោយសន្តិវិធី ជាជាងប្រើប្រាស់តុលាការ។
ក្រសួងការងារបញ្ជាក់ថាខ្លួនបានប្តឹងករណីបិទរោងចក្រនេះទៅតុលាការ ស្របទៅតាមច្បាប់ការងារ។
ក្រោយមានការប៉ះទង្គិចគ្នារវាងពលរដ្ឋ និងអាជ្ញាធរ ក្នុងរឿងទំនាស់ដីធ្លី ក្នុងឃុំស្រយង់ ស្រុកគូលែន ខេត្តព្រះវិហារ ពលរដ្ឋទាំងនោះក៏ស្នើឱ្យដោះលែងមនុស្សជាង៣០នាក់ដែលអាជ្ញាធរនាំយកទៅស្នងការដ្ឋានខេត្ត ក្រោយមានករណីប៉ះទង្គិចដោយហិង្សាកាលពីថ្ងៃទី៦ ខែមីនា។
លោក ស៊ឹង សែនករុណា អ្នកនាំពាក្យសមាគមការពារសិទ្ធិមនុស្សអាដហុក បានបដិសេធមិនអត្ថាធិប្បាយ។
ព្រះអង្គម្ចាស់ ស៊ីសុវត្ថិ ធម្មិកោ មានព្រះបន្ទូលប្រាប់វីអូអេនៅថ្ងៃពុធនេះថា ព្រះអង្គនឹងធ្វើតាមព្រះទ័យរបស់ព្រះមហាក្សត្រ និងការពារផលប្រយោជន៍របស់ប្រជាពលរដ្ឋ។
អ្នកការពារព្រៃឈើលោក ហៀម គឹមហុង អះអាងថា ការផ្តល់សម្តាសន៍នោះ គឺគ្រាន់តែចង់ស្វែងរកភាពយុត្តិធម៌ជូនពលរដ្ឋ និងប្រជាសហគមន៍តែប៉ុណ្ណោះ។
ក្រសួងកសិកម្មអះអាងថា វាជាឧបករណ៍នេសាទស្របច្បាប់ តែព្រមានចាត់វិធានការចំពោះការដាក់លបលើសប្រវែង និងខុសទំហំក្រឡាមង។ សង្គមស៊ីវិលស្នើឱ្យក្រសួងកសិកម្មត្រួតពិនិត្យឱ្យបានច្បាស់ពាក់ព័ន្ធនឹងឧបករណ៍នេសាទនេះដែលនាំឱ្យមានការបារម្ភថានឹងធ្វើឱ្យបាត់បង់ធនធានជលផល។
មន្ត្រីអង្គការសង្គមស៊ីវិលជំរុញឱ្យអាជ្ញាធរផ្តន្ទាទោសអ្នកប្រព្រឹត្ត កុំមានការយោគយល់ដើម្បីជាមេរៀនកុំឱ្យមានសកម្មភាពរំលោភបំពានបែបនេះបន្តទៀត។ រដ្ឋបាលខេត្តកំពង់ចាមបានចេញលិខិតបញ្ជាក់ថា អាជ្ញាធរកំពុងសិក្សាផ្លូវច្បាប់ដើម្បីស្នើដាក់បន្ទុកទៅលើជនល្មើស។
លទ្ធផលបឋមនៃការបោះឆ្នោតជ្រើសតាំងសមាជិកព្រឹទ្ធសភា កាលពីថ្ងៃទី២៥ ខែកុម្ភៈ ឆ្នាំ២០២៤ បង្ហាញថា គណបក្សប្រជាជនកម្ពុជាដែលជាគណបក្សកាន់អំណាចឈ្នះលើសលប់ ខណៈគណបក្សឆន្ទៈខ្មែរ ដែលតំណាងឱ្យគណបក្សភ្លើងទៀន ទទួលបាន៣អាសនៈប៉ុណ្ណោះ ក្នុងចំណោម៦២អាសនៈ។
ព័ត៌មានផ្សេងទៀត