អាជ្ញាធរតាមបណ្តាខេត្តមួយចំនួនដែលកំពុងរងការជន់លិចទឹកលើកឡើងថា បើកម្រិតទឹកនៅតែមិនស្រកស្រុតចុះនៅតាមភូមិ ឃុំ ស្រុកតទៅទៀតនោះ នឹងធ្វើឱ្យប្រជាពលរដ្ឋប្រឈមមុខនឹងហានិភ័យនៃការខូចខាតដំណាំស្រូវ និងដំណាំផ្សេងទៀត។
លោកនាយករដ្ឋមន្រ្តី ហ៊ុន ម៉ាណែត នៅថ្ងៃអង្គារនេះ បានការពារថា ការដំឡើងប្រាក់ឈ្នួលចំនួន ៤ដុល្លារដល់កម្មករក្នុងវិស័យកាត់ដេរ និងវាយនភណ្ឌសម្រាប់ឆ្នាំ២០២៤ គឺជាការខិតខំ និងជា«ជោគជ័យ»មួយ ក្នុង«កាលៈទេសៈលំបាកទាំងអស់គ្នា» ហើយក្នុងពេលទីផ្សារអន្តរជាតិក៏កំពុងមានបញ្ហា។
ក្នុងរយៈពេលចុងក្រោយនេះ កម្ពុជាបានរងផលប៉ះពាល់នៃជំនន់ទឹកភ្លៀង ដែលបង្កផលប៉ះពាល់មួយចំនួននៅតាមបណ្តាខេត្តដែលទឹកឡើងខ្លាំង។ អាជ្ញាធរអះអាងថា ពួកគេបានជួយសង្គ្រោះ និងផ្តល់សម្ភារៈចាំបាច់មួយចំនួនទៅប្រជាពលរដ្ឋ ខណៈទឹកបានស្រកចុះទៅវិញ គិតត្រឹមថ្ងៃច័ន្ទនេះ។
ក្រុមសហជីពការពារសិទ្ធិកម្មករសោកស្តាយចំពោះការដំឡើងប្រាក់ឈ្នួលកម្មករតិចតួចព្រោះប្រាក់ឈ្នួលចំនួន២០៤ដុល្លារមិនទាន់អាចឆ្លើយតបនឹងតម្រូវការរស់នៅរបស់កម្មករនៅឡើយទេ។ ប៉ុន្តែមន្រ្តីក្រសួងការងារថា ការសម្រេចនេះកើតឡើងដោយការខិតខំប្រឹងប្រែងចរចាពីគ្រប់ភាគី។
ក្រសួងមហាផ្ទៃបានបញ្ជាឱ្យមន្រ្តីពន្ធនាគារត្រូវធ្វើតេស្តទឹកនោមរកសារធាតុញៀន ដែលជាវិធានការមួយ ដើម្បីរឹតបន្តឹងបញ្ហាគ្រឿងញៀននៅកម្ពុជា។ អ្នកតាមដានយល់ថា បញ្ហាគ្រឿងញៀននឹងមិនងាយលុបបំបាត់បានឡើយ បើកាលណាមន្រ្តីក្នុងជួរស្ថាប័នពាក់ព័ន្ធ នៅតែបន្តប្រើប្រាស់និងជួញដូរគ្រឿងញៀន។
ក្រសួងសុខាភិបាលប្រកាសឱ្យប្រជាពលរដ្ឋមានការប្រុងប្រយ័ត្ន និងអនុវត្តតាមវិធានការណែនាំរបស់ក្រសួង ក្រោយរកឃើញថាមានករណីជំងឺហ្ស៊ីកា(Zika)ដែលចម្លងដោយសត្វមូស ដែលកើតឡើងលើក្មេងស្រីម្នាក់ អាយុ៧ឆ្នាំ រស់នៅក្នុងខេត្តកំពង់ធំ។
យុទ្ធសាស្ត្រថ្មីនេះនឹងរួមចំណែកក្នុងការកែលម្អជីវភាពរបស់ប្រជាពលរដ្ឋ និងសម្រេចឱ្យបានការអភិវឌ្ឍប្រកបដោយចីរភាព ហើយធ្វើឱ្យមានភាពធន់នឹងវិបត្តិផ្សេងៗ។ នេះបើតាមលទ្ធផលនៃសម័យប្រជុំពេញអង្គគណៈរដ្ឋមន្ត្រីកាលពីថ្ងៃទី ២០ ខែកញ្ញា។
ក្នុងពិធីជួបសំណេះសំណាលជាមួយកម្មករក្នុងស្រុកបាទី ខេត្តតាកែវ កាលពីថ្ងៃអង្គារ លោក ហ៊ុន ម៉ាណែត បានថ្លែងថាលោកនឹងយកឱកាសទៅសហរដ្ឋអាមេរិក ដើម្បីទាក់ទាញវិនិយោគទុនមកកម្ពុជាផងដែរ។
ក្រោយមានការលើកឡើងថា កម្ពុជាមានទំនោរទៅរកចិនកាន់តែខ្លាំង បន្ទាប់ពីដំណើរទស្សនកិច្ចផ្លូវការទៅទីក្រុងប៉េកាំងកាលពីសប្តាហ៍មុន លោកនាយករដ្ឋមន្ត្រី ហ៊ុន ម៉ាណែត បានបង្ហាញថា ការធ្វើពាណិជ្ជកម្មកម្ពុជាជាមួយចិន គឺដើម្បីផលប្រយោជន៍ជាតិ ហើយមិនធ្វើឱ្យបាត់បង់នូវឯករាជ្យភាពឡើយ។
រមណីយដ្ឋានបុរាណវិទ្យាប្រាសាទកោះកេរ ដែលមានទីតាំងស្ថិតក្នុងខេត្តព្រះវិហារត្រូវបានអង្គការយូណេស្កូសម្រេចបញ្ចូលក្នុងបញ្ជីសម្បត្តិបេតិកភណ្ឌវប្បធម៌ពិភពលោកកាលពីថ្ងៃអាទិត្យ ទី១៧ ខែកញ្ញានេះ បន្ទាប់ពីរដ្ឋាភិបាលកម្ពុជាបានស្នើសុំតាំងពីឆ្នាំ២០២១។
កាលពីថ្ងៃព្រហស្បតិ៍ថា អាជ្ញាធរមានសមត្ថកិច្ចដែលស្ថិតក្នុងខេត្តព្រះសីហនុ ខេត្តបន្ទាយមានជ័យ រាជធានីភ្នំពេញ និងខេត្តមួយចំនួនទៀត បានកំពុងចាត់វិធានការបង្ក្រាបទៅលើក្រុមក្មេងទំនើងដែលបង្កសកម្មភាពក្នុងប្រទេស។
ខណៈមានការរិះគន់ជាបន្តបន្ទាប់ លោកនាយករដ្ឋមន្រ្តី ហ៊ុន ម៉ាណែត កាលពីថ្ងៃពុធ បានបញ្ជាឱ្យផ្អាកការផ្តល់សេវារដ្ឋបាលមួយចំនួនរបស់រដ្ឋបាលក្រុង ស្រុក ខណ្ឌ ដែលលែងតម្រូវឱ្យអាជីវកម្មខ្នាតតូចមួយចំនួនចុះបញ្ជីតាមច្រកចេញចូលតែមួយ តាមការកំណត់របស់រដ្ឋាភិបាល កាលពីកន្លងទៅ។
ភាគីកម្ពុជាបង្ហាញជំហរបដិសេធមិនចូលរួមសមយុទ្ធយោធារួមដំបូងបំផុតរបស់ប្រទេសជាសមាជិកអាស៊ាននៅដែនទឹកសមុទ្រចិនខាងត្បូង ដែលជាការរៀបចំឡើងដោយប្រទេសឥណ្ឌូណេស៊ី ដែលជាប្រធានប្តូរវេនរបស់សមាគមអាស៊ានដែលមាន១០ប្រទេសនោះទេ។
គិតចាប់តាំងពីសប្តាហ៍មុន អាជ្ញាធមានសមត្ថកិច្ចបានចាប់ខ្លួនសកម្មជនគណបក្សជំទាស់ជាបន្តបន្ទាប់ ហើយគិតត្រឹមថ្ងៃអង្គារនេះ មានសកម្មជនយ៉ាងហោចណាស់២៣នាក់ត្រូវបានចាប់ តែក្នុងនោះមាន១៧នាក់ត្រូវបានដោះលែង និង៦នាក់ទៀតកំពុងស្ថិតក្រោមសាកសួរ។ នេះបើតាមអនុប្រធានគណបក្សភ្លើងទៀនលោក រ៉ុង ឈុន។
កម្មវិធីផតខាស និងគេហទំព័រថ្មីរបស់អង្គការមណ្ឌលព័ត៌មានស្រ្តីកម្ពុជា ឬហៅថា វិទ្យុស្ត្រី WMC នឹងផ្តល់ជូនព័ត៌មានដែលគួរឱ្យទុកចិត្តបានក្នុងដំណាក់កាលដំបូងៗ លើប្រធានបទពីរសំខាន់ៗ គឺសុខភាពស្រ្តី និងការបោះឆ្នោត និងបញ្ហាសំខាន់ៗផ្សេងទៀត ពាក់ព័ន្ធនឹងសិទ្ធិមនុស្ស និងស្ត្រីក្នុងវិស័យនយោបាយ។
បើទោះបីជាស្ថានភាពនៃការបំភាយឧស្ម័នអាម៉ូញាក់ពីរោងចក្រផលិតទឹកកកបានថយចុះក៏ដោយ ក៏ស្ថានភាពសុខភាពរបស់ប្រជាពលរដ្ឋដែលរស់នៅតំបន់នោះកំពុងស្ថិតក្នុងភាពមិនច្បាស់លាស់ ហើយប្រជាពលរដ្ឋខ្លះមិនទាន់ជាសះស្បើយពីជំងឺថប់ដង្ហើម និងមានអាការៈឈឺក្បាល។
កាលពីថ្ងៃចន្ទ ទី៤ ខែកញ្ញា ក្រសួងអប់រំ យុវជន និង កីឡាបានផ្តល់លក្ខខណ្ឌចំនួនពីរជូនគរុនិស្សិតកម្រិតមូលដ្ឋានឯកទេសអប់រំកាយ និងកីឡាលោក កែវ សុវណ្ណឫទ្ធិ ប៉ុន្តែលោកបដិសេធ ហើយទាមទារឱ្យក្រសួងបំភ្លឺបន្ថែមអំពីអ្នកដែលខុសលក្ខខណ្ឌអាយុតែនៅអាចបន្តចូលរៀនបាន។
សាលាដំបូងរាជធានីភ្នំពេញបានបង្គាប់ឱ្យកងកម្លាំងអាវុធហត្ថចាប់ខ្លួនលោកសាស្ត្រាចារ្យ លន់ បូរី ក្រោមការចោទប្រកាន់ពាក់ព័ន្ធករណីឆបោក ក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែងក្លាយ។ នេះបើតាមដីកាបង្គាប់ឱ្យឃុំខ្លួនចុះថ្ងៃទី១៨ ខែសីហា ដែលវីអូអេទទួលបាន។
ក្នុងពិធីសំណេះសំណាលរវាងលោកនាយករដ្ឋមន្ត្រីហ៊ុន ម៉ាណែត ជាមួយកម្មករក្នុងរាជធានីភ្នំពេញកាលពីថ្ងៃទី២៩ ខែសីហា រដ្ឋមន្រ្តីក្រសួងការងារលោក ហេង សួរ បានលើកឡើងថា ស្ថានភាពទីផ្សារការងារនៅកម្ពុជាមានភាពរឹងមាំដោយរក្សាបាននូវអត្រាមានការងារធ្វើខ្ពស់។
ក្រុមកូដករដែលបន្តធ្វើកូដកម្មទាំងនោះលើកឡើងថា ពួកគេនឹងបន្តធ្វើកូដកម្មនៅមុខក្រុមហ៊ុនកាស៊ីណូណាហ្គាវើលដ៍នេះ រហូតទទួលបានដំណោះស្រាយពេញលេញ។
ព័ត៌មានផ្សេងទៀត
