Abebandla leMthwakazi Republic Party- MRP balobele uMongameli Emmerson Mnangagwa incwadi besola ukubotshwa kwamalunga abo amathathu becalwa ngokubangela udlakela ngelanga lomhlangano wekhomishini kaKgalema Montlante eRainbow Hotel koBulawayo ngomnyaka odluleyo.
Inengi labantu abakumpentsheni bakhala ezimathonsi ngoba imali abayiholayo ayeneli ukugada besuka emakhaya bezothatha lezo mali emabhanga asedolobheni.
Ngalesi sikhathi uBulawayo ubhekane lodubo lokusilela kwamanzi ikhansili yaleli dolobho livezele uzulu lentathelizindaba ekwenzayo ukwehlisa loludubo lwamanzi.
Inengi labaphatheke emhlanganweni lekhomishini yokukhumisana umlotha eyeNational Peace and Reconciliation Commission, owenzelwe koBulawayo ngoLwesithathu likhala ngokuthi alilathemba lokuthi likhomishini izasebenza kuhle ukulungisisa udaba lombhuqhazwe owe Gukurahundi.
UMayor wakoBulawayo, uMnu Solomon Mguni uthi sebemelele impumela yequla likahulumende eliphenya udaba lokuxotshwa umsebenzi kukamabhalane wekhansili yaleli dolobho, uMnu Christopher Dube.
Umbikiso lo owenzelwa koBulawayo uqhutshwa ngaphansi kwesihloko esithi ‘''Resourcing the Future: Exploring and Leveraging Mining Potential.
Umbukiso lo owezemigodi obizwa ngokuthi yiMine Entra, Mining and Engineering and Transport Expo wenziwa ngaphansi kwesihloko esithi ‘Resourcing the Future: Exploring and Leveraging Mining Potential’.
UMeya wedolobho lakoBulawayo, uMnu. Solomon Mguni ngomunye wabakhokhele labo abakhalale baphuma emhlanganweni oqoqwe yinkampani egaya amandla kagesti eyeZimbabwe Power Company lomphathintambo wezamandla emililo etshiyeneyo
Ikhansili yedolobho lakoBulawayo iqale uhlelo lokukhupha impompi lenjini esezigugile esithitshini sokuhlambulula amanzi eseCriterion Water Treatment Plant ebeseziphambanisa ukudonswa kwamanzi esuka emadamu akoBulawayo esiya kuzakhamizi.
Uzulu weZimbabwe unanze ilanga likaDr Joshua Mqabuko Nyongolo Nkomo, sokwedlule iminyaka engamatshumi amabili wakhothama, abanengi bekhuthaza ukuthi ilanga lokutshona kwakhe kumele liphiwe inhlonipho yokuba libe likhefu.
NgoMvulo uHulumende uvuke ethula umthetho owenqabela uzulu ukusetshenziswa kwemali yakwamanye amazwe ukuthenga loba ukuthengisa, okubangele ukukhuphuka kwentengo ezitolo.
Osakhulayo wakoBulawayo, uBakidzanani Dube, uthi ukuqhubeka kokusebenza kwemali yakwamanye amazwe koBulawayo kumele kwenzakale ngoba abantu abala eyinye indlela yokuphila.
Amakilinika akoBulawayo azaphatheka kulolu hlelo ayisithupha, agoqela iNkulumane, eNketa, eTshabalala, ePelandaba lamanye.
Ukulotshwa kwendaba eziphathelane lezempilakahle kubikwa kuphansi kakhulu ezweni, ngengakhoke abe Gender Links bekubone kufanele ukuqhuba hlelo lwemfundiso lolu emizameni yokukhuphukisa izinga lokulotshwa kwendaba zezempilakahle ngenhlonipho.
UDokotela Solwayo Ngwenya wesibhedlela seMpilo Central Hospital KoBulawayo labanye bakhe sebesungule uhlelo lokunxusa abafuna usizo lokuhlinzwa kwabantwana labadala abalobulili obungacaciyo ukuungisisa isimo sabo.
OMama laboBaba abakumpentsheni bebethe gwaqa betshengisela ngokuthula emawofisini aweNASSA koBulawayo, bekhala ngokuthi izimali zabo abazitholi ngendlela efaneleyo
lkhansili yedolobho lakoBulawayo yethule umbiko othi kabasadonsi amanzi edamu leUpper Ncema kulandela ukwehla kwesilinganiso sawo ngenxa yokungananga kuhle kwezulu nyakenye.
Abathengisa imali emigwaqweni okungekho emthethweni, oSiphatheleni bakhweza intengo yokuthenga idola leMelika, okokuthi nsuku zonke lintengo iyabe ikhuphuka, osokubangela ukuqonga kwenengo yemphahla lokudla ezitolo.
Ikhomishini ebona ngezokhetho ezweni eyeZimbabwe Electoral Commission isiqale uhlelo lokubhalisela ukuvota kulungiselelwa uhlelo lokuquma lokungezelela ububanzi bezigaba kwezokuvota olweDelimitation.
Inengi labantu bakoBulawayo liyakusola ukuhlukuluzwa kukaNduna Nhlanhlayamangwe Ndiweni ngabasakhulayo abacatshangelwa ukuba ngabebandla leZanu PF lapho okuhlangana imigwaqo uLeopold Takawira loJoshua Mqabuko Street.
Ukwengezelela
