Inengi labaphatheke emhlanganweni lekhomishini yokukhumisana umlotha eyeNational Peace and Reconciliation Commission, owenzelwe koBulawayo ngoLwesithathu likhala ngokuthi alilathemba lokuthi likhomishini izasebenza kuhle ukulungisisa udaba lombhuqhazwe owe Gukurahundi.
Intathelizindaba labanye bavalelwe kulumhlangano ngesizatho sokuvikela abantu abathile ukuba bakhulume bekhululekile.
Inengi lithi liyasola indlela likhomishini ephatha ngayo imihlangano yayo kanye lenkulumo ezihlabayo ezisuka kunkokheli zebandla elibusayo, ezibalisa oMnu Obert Mpofu, uGeorge Charamba lo Energy Mutodi.
Isikhulumeli sebandla leZAPU, uMnu Iphithule Maphosa uthi iNPRC isadlala amadlwane njalo lamazwi ezinye iziphathamandla zeZanu PF ngeGukurahundi awaqondanga.
Olwela amalungelo oluntu, uMnu Dumisani Nkomo uthi uyawubuka umsebenzi owenziwa ngabekhomishini eyeNPRC.