Umbukiso wezokwemba walonyaka owe Mine Entra Exhibition 2019 uqale ngoLwesithathu.
Umbikiso lo owenzelwa koBulawayo uqhutshwa ngaphansi kwesihloko esithi ‘''Resourcing the Future: Exploring and Leveraging Mining Potential.
Ele Zimbabwe liqakathekisa ukuthi abantu bakwamanye amazwe bazevula amabhizimusi.
Isikhulumi seZimbabwe International Trade Fair, uNkosazana Stella Nkomo, uthi “Njengabaqoqi bombukiso lo siyathaba kakhulu. Siqale ngomhlangano wabomama abakulel’ibhizimusi abedlula amakhulu amabili besiza bezokhuluma ngendlela abasebenza ngayo labadinga khona usizo ukuze bathuthukise imining sector.''
UNkosikazi Henrieta Rushwaya Mongameli, umqondisi weZimbabwe Miners Federation, uthi zinengi inhlupho ezibhekane labesifazana abakubhizimusi lokwemba.
“Omama abakubhizimusi lokwemba babhekane lenhlupho ezimbalwa ezibalisa imali, indawo zokwemba kanye lokuhlonitshwa nguhulumende. Njengomongameli omele abembi njalo ngingumama sekumele sithathe inyathela eliqinileyo kulabo abahlukuluza abesifazana kungabe kungabezombangazwe, iziphathamandla zikahulumende labahuquluzi kumele bajeziswe kulandela umthetho.”
UNkosikazi Jane Lusinga, umgcinisihlalo weZimbabwe Miners Federation eMaNdebeleni, uthi kunengi ababhekane lakho ekwenjiweni okutshiyeneyo.
Umbukiso lo ukhangelele ukuthi uzaphela NgoLwesihlanu. Uzakuvulwa okusemthethweni ngoLwesine ngumphathintambo wezokwemba, uMnu. Winston Chitando, ozabe esemhlanganweni weMine Entra Conference.
NgoLwesihlanu kuzaqhutshwa umhlangano weSmall-Scale Miners kugqitshwe ngeMine Entra Charity Golf Challenge eHarry Allen Golf Club.
