ពលរដ្ឋខ្មែរនៅប្រទេសកូរ៉េខាងត្បូងនឹងធ្វើបាតុកម្មមួយនៅថ្ងៃអាទិត្យ ទី២៤ ខែមិថុនានេះ ដើម្បីប្រឆាំងនឹងការបោះឆ្នោតនៅប្រទេសកម្ពុជាដោយសារតែគ្មានវត្តមានគណបក្សសង្គ្រោះជាតិចូលរួមនិងទាមទារឱ្យប្រទេសជប៉ុនដកការគាំទ្រចេញពីគណៈកម្មាធិការជាតិរៀបចំការបោះឆ្នោត។
ពលរដ្ឋខ្មែរនៅសហគមន៍អឺរ៉ុបកំពុងតែធ្វើបាតុកម្មនៅក្បែរស្ថានទូតជប៉ុនក្នុងទីក្រុងប៉ារីស ប្រទេសបារាំងដើម្បីទាមទារឱ្យប្រទេសជប៉ុនឈប់គាំទ្រគណៈកម្មាធិការជាតិរៀបចំការបោះឆ្នោត។ លោកថៃ មករា តំណាងអ្នករៀបចំបាតុកម្មនេះបានផ្តល់បទសម្ភាសជាមួយនឹងលោកម៉ែន គឹមសេងនៃវីអូអេ៖
អង្គការតម្លាភាពកម្ពុជាដែលធ្លាប់ចូលរួមឃ្លាំមើលការបោះឆ្នោតយ៉ាងសកម្មនោះបានប្រកាសមិនចូលរួមសង្កេតការណ៍ការបោះឆ្នោតនៅថ្ងៃទី២៩ ខែកក្កដាខាងមុខ។ នេះជាអង្គការសង្គមស៊ីវិលទី៣បន្ទាប់ពីអង្គការ Comfrel និងNicfec បានប្រកាសមិនចូលរួមសង្កេតការណ៍ការបោះឆ្នោតដោយសំអាងថា រងសម្ពាធពីរដ្ឋាភិបាលកម្ពុជា។
ព្រះរាជអាជ្ញារងអមសាលាដំបូងរាជធានីភ្នំពេញបានកោះហៅលោក សម រង្ស៊ីឲ្យចូលខ្លួនទៅតុលាការដើម្បីសាកសួរពាក់ព័ន្ធនឹងការលើកឡើងថា លិខិតរបស់ព្រះមហាក្សត្រដែលអំពាវនាវឲ្យពលរដ្ឋទៅបោះឆ្នោតជាលិខិតក្លែងក្លាយ។ ប៉ុន្តែលោក សម រង្ស៊ី នៅតែរក្សាទស្សនៈរបស់លោក។
ខុសពីបណ្តាឆ្នាំមុនៗ ស្ថាប័នរៀបចំការបោះឆ្នោតជាតិបានបង្កើនការប្រើប្រាស់បណ្តាញសង្គមនិងប្រព័ន្ធទូរស័ព្ទចល័តដើម្បីបង្កើនការយល់ដឹងពីបញ្ហានានា ទាក់ទិននឹងដំណើរនៃការរៀបចំបោះឆ្នោតជាតិនិងក្រើនរំឭកពលរដ្ឋអំពីការត្រៀមខ្លួនទៅបោះឆ្នោតនៅថ្ងៃទី២៩ ខែកក្កដាខាងមុខនេះ។
ខណៈគណបក្សនានាកំពុងរកយុទ្ធសាស្ត្រឃោសនាដើម្បីទាក់ទាញអ្នកគាំទ្រ ក្នុងការបោះឆ្នោតសភាពីថ្ងៃទី៧ទៅដល់ថ្ងៃទី២៧ ខែកក្កដា ឆ្នាំ២០១៨នោះ គណបក្សប្រជាធិបតេយ្យមូលដ្ឋានកំពុងពិចារណាភ្ជាប់ការឃោសនាបោះឆ្នោតរបស់ខ្លួនជាមួយនឹងព្រឹត្តិការណ៍សម្លាប់លោក កែម ឡី ដែលធ្លាប់ធ្វើការជាមួយក្រុមអ្នកបង្កើតគណបក្សថ្មីនេះ។
ខណៈគ.ជ.ប. ចេញក្រមសីលធម៌ហាមឃាត់ការផ្សាយមួយចំនួនរបស់អ្នកសារព័ត៌មាន នៅថ្ងៃសុក្រនេះក្រុមអ្នកជំនាញសិទ្ធិមនុស្សអង្គការសហប្រជាជាតិក៏បានចេញសេចក្តីថ្លែងការណ៍មួយដោយបង្ហាញក្តីបារម្ភថា ការបញ្ចេញមតិនិងសេរីភាពសារព័ត៌មាននឹងត្រូវរឹតត្បិតកាន់តែខ្លាំងនៅមុនការបោះឆ្នោត។
ការធ្វើពហិការរបស់ពលរដ្ឋកម្ពុជាមិនទៅបោះឆ្នោត នៅថ្ងៃទី២៩ខែកក្កដា នឹងមានលក្ខណៈពិសេសដែលទាក់ទាញការចាប់អារម្មណ៍របស់អន្តរជាតិខុសពីប្រទេសដទៃដោយសារតែគណបក្សសង្គ្រោះជាតិចង់ចូលរួមបោះឆ្នោត ប៉ុន្តែត្រូវបានរារាំងដែលនេះខុសពីប្រទេសដទៃ គឺគណបក្សខ្លះធ្វើពហិការដោយខ្លួនឯង។
បន្ទាប់ពី គ.ជ.ប. អំពាវនាវឲ្យម្ចាស់រោងចក្រ សហគ្រាសអនុញ្ញាតឲ្យកម្មករនិយោជិតបានឈប់សម្រាកទៅបោះឆ្នោត នៅថ្ងៃពុធនេះ ក្រសួងការងារក៏បានចេញសេចក្តីជូនដំណឹងតម្រូវឲ្យម្ចាស់រោងចក្រសហគ្រាសទាំងអស់អនុញ្ញាតឲ្យកម្មករ និយោជិតបានឈប់សម្រាកចំនួន៣ថ្ងៃ ដើម្បីទៅបោះឆ្នោត ដែលខុសប្លែកពីការបោះឆ្នោតអាណត្តិមុនៗ។
ខណៈបណ្តាញសង្គមកំពុងត្រូវបានប្រើប្រាស់ជាកន្លែងបញ្ចេញមតិដ៏មានប្រជាប្រិយភាព គេឃើញក្រុមអ្នកគាំទ្រគណបក្សប្រឆាំងបង្ហោះពីការមិនទៅចូលរួមការបោះឆ្នោត ហើយក្រសួងមហាផ្ទៃកំពុងស្រាវជ្រាវរកអ្នកបង្ហោះសារទាំងនោះដែលរដ្ឋាភិបាលថា ជាការឃោសនាខុស ដើម្បីយកទៅអប់រំ មុនឈានទៅចាត់វិធានការផ្លូវច្បាប់ រីឯសារអំពីការចូលរួមបោះឆ្នោតជាការឃោសនាស្របច្បាប់។
មុននៅថ្ងៃបោះឆ្នោតចូលមកដល់នោះ លោក ស៊ិក ប៊ុនហុក ប្រធានគ.ជ.បនិងក្រុមមន្ត្រីលោកបានខិតខំបង្កើនការយល់ដឹងពីដំណើរការបោះឆ្នោត រួមមានទាំងការបង្កើនការយល់ដឹងពីប្រព័ន្ធបោះឆ្នោតរបស់កម្ពុជាសម្រាប់ជ្រើសតាំងតំណាងរាស្ត្រ។
ក្រុមសមាជិកសភាអាស៊ានដើម្បីសិទ្ធិមនុស្សបានបញ្ជាក់ថា ការបោះឆ្នោតដោយគ្មានគណបក្សប្រឆាំងធំមួយចូលរួមមិនមែនជាការបោះឆ្នោតសេរី និងយុត្តិធម៌នោះទេ។ ប៉ុន្តែមន្ត្រី គ.ជ.ប.និយាយថា សមាជិកសភាអាស៊ានជ្រៀតជ្រែកកិច្ចការផ្ទៃក្នុងកម្ពុជា។
ព័ត៌មានផ្សេងទៀត
No media source currently available
