ការថ្កោលទោសនេះធ្វើឡើង ក្រោយពីក្រុមហ៊ុនស្ករសដែលធំជាងគេបង្អស់ក្នុងតំបន់អាស៊ីនេះ បានទទួលពានរង្វាន់សិទ្ធិមនុស្សរបស់ប្រទេសថៃ ប្រចាំឆ្នាំ ២០២០ កាលពីថ្ងៃទី២៥ ខែកញ្ញា ឆ្នាំ២០២០។
សាលារាជធានីនៅទទូចឲ្យកម្មកររបស់ក្រុមហ៊ុនស៊ីនទ្រីចូលធ្វើការវិញ ដើម្បីការពារអត្ថប្រយោជន៍ដែលមានស្រាប់។ មេដឹកនាំសហជីព តំណាងកម្មករក្រុមហ៊ុនស៊ីនទ្រីនិយាយថា ការធ្វើកូដកម្មអាចបញ្ចប់នៅថ្ងៃស្អែក បើសិនដំណោះស្រាយត្រូវបាករកឃើញតាមរយៈការជជែកជាមួយសាលាក្រុង។
នៅក្នុងកិច្ចប្រជុំគណៈកម្មាធិការអង្គការសហប្រជាជាតិទទួលបន្ទុកសិទ្ធិមនុស្ស បណ្តាបស្ចិមប្រទេសបានកោះហៅឲ្យរដ្ឋាភិបាលក្រុងប៉េកាំងគោរពសិទ្ធិមនុស្ស ជាពិសេសជនជាតិភាគតិចដែលកាន់សាសនាផ្សេងៗ។
បាតុករថៃចង់ឲ្យមានការផ្លាស់ប្តូររដ្ឋាភិបាល ផ្លាស់ប្ដូររដ្ឋធម្មនុញ្ញថ្មីមួយ និងការកែទម្រង់ទៅលើរបបរាជានិយមដែលមិនធ្លាប់មានពីមុនមក។
តុលាការខេត្តកោះកុងបានចោទប្រកាន់ប្រជាពលរដ្ឋ ១០ នាក់ ដែលមានជម្លោះដីធ្លីពីបទញុះញង់ឲ្យប្រព្រឹត្តអំពើបង្កឲ្យមានភាពវឹកវរដល់សន្តិសុខសង្គម ដែលពលរដ្ឋលើកឡើងថា ការចោទប្រកាន់នេះគឺដើម្បីបំបិទសំឡេង និងការតវ៉ារបស់ពួកគេ។
មីយ៉ាន់ម៉ាត្រូវតែបញ្ចប់ «របបអាផាថេត» ដែលជារបបប្រកាន់ពូជសាសន៍ ដែលបានធ្វើឲ្យក្រុមគ្រួសារជនជាតិភាគតិចរ៉ូហ៊ីងយ៉ាកាន់សាសនាអ៊ីស្លាមរាប់ពាន់នាក់ ស្ថិតនៅក្នុងជំរំសម្រាប់មនុស្សគ្មានទីលំនៅ អស់រយៈពេល ៨ ឆ្នាំ។ នេះបើយោងតាមអង្គការ Human Rights Watch។
សកម្មជនការងារ និងអ្នកបរិស្ថានជាច្រើននាក់ បានបង្កើតសម្ព័ន្ធភាពមួយ ប្រឆាំងទៅនឹងច្បាប់ថ្មីនេះ ដែលត្រូវបានអនុម័តដោយរដ្ឋសភាកាលពីល្ងាចថ្ងៃចន្ទ បន្ទាប់ពីត្រូវបានផ្សព្វផ្សាយលើកតម្កើងដោយរដ្ឋាភិបាលរួចមក ថាជាគន្លឹះសម្រាប់ការទាក់ទាញការវិនិយោគមកក្នុងប្រទេសនោះ។
ក្រុមអង្គការសង្គមស៊ីវិលចំនួន៦បានដាក់ញត្តិទៅលោកស ខេង រដ្ឋមន្ត្រីក្រសួងមហាផ្ទៃនៅថ្ងៃអង្គារនេះដើម្បីស្នើឲ្យលោកបញ្ជាទៅអាជ្ញាធរថ្នាក់ក្រោមជាតិឲ្យបញ្ឈប់ផែនការចុះស្រង់ស្ថិតិបុគ្គលិកអង្គការសមាគមដែលធ្វើការតាមទីស្នាក់ការ និងការិយាល័យក្នុងភូមិសាស្ត្រខណ្ឌមានជ័យ។
សេចក្តីព្រាងច្បាប់ដែលមាន ៥០ មាត្រាចែងថា ច្បាប់នេះមានគោលបំណងធានាសុចរិតភាពនៃការប្រើប្រាស់ ការគ្រប់គ្រងប្រព័ន្ធកុំព្យូទ័រ ទិន្នន័យកុំព្យូទ័រ និងការពារសន្តិសុខ សណ្តាប់ធ្នាប់សាធារណៈ ព្រមទាំងការពារសិទ្ធិសេរីភាពរបស់បុគ្គល ដោយកំណត់អំពីវិធានការបង្ការទប់ស្កាត់។
លោក សុវណ្ណ រិទ្ធី ដែលជាម្ចាស់សារព័ត៌មាន TVFB ត្រូវបានតុលាការរាជធានីភ្នំពេញ កាត់ទោសនៅថ្ងៃច័ន្ទនេះ ឲ្យជាប់ពន្ធនាគារ ១ ឆ្នាំកន្លះ តែត្រូវព្យួរទោសដែលនៅសេសសល់។ នេះបើយោងតាមអ្នកនាំពាក្យរបស់តុលាការរាជធានីភ្នំពេញលោក គុជ គឹមឡុង។
អ្នកបង្ហោះសារ Twitter ម្នាក់បានសរសេរថា៖ «ហាង Shopee មានស្ដង់ដារពីរ។ អ្នកត្រូវតែពន្យល់ថាហេតុអ្វីបានជាអ្នកហាមឃាត់ហាងទំនិញណាដែលគាំទ្រលទ្ធិប្រជាធិបតេយ្យ ប៉ុន្តែអនុញ្ញាតឲ្យអាជីវកម្មតាមអនឡាញណា ដែលគាំទ្ររដ្ឋាភិបាលលក់លើគេហទំព័ររបស់ខ្លួនទៅវិញ»។
ក្នុងកិច្ចប្រជុំក្រុមប្រឹក្សាសិទ្ធិមនុស្សរបស់អង្គការសហប្រជាជាតិ អ្នករាយការណ៍ពិសេសទទួលបន្ទុកសិទ្ធិមនុស្សនៅកម្ពុជាបានបង្ហាញក្តីព្រួយបារម្ភនូវការបង្រ្កាបនៅកម្ពុជា។ ប៉ុន្តែ អ្នកតំណាងប្រទេសចិនបានអំពាវនាវកុំឲ្យជ្រៀតជ្រែកកិច្ចការផ្ទៃក្នុងកម្ពុជា។
ព័ត៌មានផ្សេងទៀត
No media source currently available
