នៅពេលដែលលោក Greg Barron បានរាយការណ៍លើកដំបូងអំពីប្រជាពលរដ្ឋខ្មែរដែលបានរត់ភៀសខ្លួនពីរបបខ្មែរក្រហមមកជំរុំនៅប្រទេសថៃ លោកមិនបានដឹងច្បាស់អំពីហេតុការណ៍ដែលបានកើតឡើងនៅប្រទេសកម្ពុជានៅក្រោមរបបខ្មែរក្រហមនោះទេ។
លោក Greg Barron អតីតអ្នកសារព័ត៌មាន និងផលិតករវិទ្យុដ៏វ័យក្មេងម្នាក់នៃស្ថានីយ៍វិទ្យុជាតិ Minnesota Public Radio បានឆ្លងកាត់បទពិសោធន៍មួយ ដែលលោកមិនអាចបំភ្លេចបាននៅជំរុំជនភៀសខ្លួនខ្មែរនៅប្រទេសថៃ កាលពីខែវិច្ឆិកា ឆ្នាំ១៩៧៩។
នាយកមជ្ឈមណ្ឌលឯកសារកម្ពុជាលោក ឆាំង យុ ដែលបានចំណាយពេលភាគច្រើននៅក្នុងជីវិតរបស់លោកដើម្បីរក្សាទុកព័ត៌មានអំពីអំពើសាហាវឃោឃៅរបស់ពួកខ្មែរក្រហមឲ្យពលរដ្ឋកម្ពុជាជំនាន់ក្រោយនោះ ឈ្នះពានរង្វាន់សិទ្ធិមនុស្ស Judith Lee Stronach Human Rights សម្រាប់ឆ្នាំ២០១៧ ដែលផ្តល់ដោយមជ្ឈមណ្ឌលដើម្បីយុត្តិធម៌និងទំនួលខុសត្រូវ ឬ Center for Justice and Accountability ដែលមានស្នាក់ការនៅក្នុងសហរដ្ឋអាមេរិក។
លោក ឆាំង យុ ថ្លែងថា ទឹកប្រាក់នេះនឹងអនុញ្ញាតឲ្យមជ្ឈមណ្ឌលឯកសារកម្ពុជា ចាប់ផ្ដើមធ្វើដំណើរទៅរកការពង្រីកការងាររបស់ខ្លួនក្នុងការអប់រំ ការផ្សព្វផ្សាយទៅបណ្ដាប្រទេសនានាក្នុងតំបន់អាស៊ីអាគ្នេយ៍ និងការសាងសង់មជ្ឈមណ្ឌលឯកសារកម្ពុជាអចិន្ត្រៃយ៍ ដែលមានឈ្មោះថាវិទ្យាស្ថានស្លឹករឹត។
នៅក្នុងសេចក្តីប្រកាសព័ត៌មានរបស់សាលាក្តី បានផ្តោតទៅលើសំណងផ្លូវចិត្តនិង សំណងសមូហភាពសម្រាប់សំណុំរឿង០០២ វគ្គ២ គឺមិនមែនសំណងដល់បុគ្គល ជាជនរងគ្រោះទេ។
អង្គភាពគាំពារជនរងគ្រោះនៃសាលាក្តីខ្មែរក្រហមបានបង្កើតគម្រោងចំនួន២៣ដើម្បីផ្តល់ជាសំណងផ្លូវចិត្តនិងសមូហភាពដល់ដើមបណ្តឹងរដ្ឋប្បវេណីនៅក្នុងសំណុំរឿង០០២ វគ្គ២ដែលកំពុងដំណើរការនៅឡើយ។ គម្រោងទាំងនោះមានការអប់រំ ការស្តារនីតិសម្បទារ និងការចងចាំពីរបបខ្មែរក្រហមដែលបានសម្លាប់មនុស្សអស់ជិតពីរលាននាក់។ សូមលោកអ្នកនាងស្តាប់បទសម្ភាសរវាងលោក ម៉ែន គឹមសេងនៃVOA ជាមួយនឹងលោកហង្ស វណ្ណៈ ប្រធានអង្គភាពគាំពារជនរងគ្រោះដូចតទៅ៖
ខ្សែភាពយន្តហូលីវូដទាក់ទិននិងសោកនាដកម្មក្នុងរបបខ្មែរក្រហមមួយ ត្រូវបានគេដាក់បញ្ចាំងដំបូងគេបង្អស់នៅកម្ពុជានាសប្តាហ៍នេះ ដើម្បីរំឭកឲ្យក្មេងជំនាន់ក្រោយបានដឹងពីបញ្ហាដែលក្រុមគ្រួសារខ្មែរដែលបានជួបប្រទះ។
ថ្លែងក្នុងសន្និសីទសារព័ត៌មានស្តីពីការដាក់បញ្ចាំងខ្សែភាពយន្តនេះក្នុងខេត្តសៀមរាប លោកស្រី Angelina Jolie បានបញ្ជាក់ថា ការផលិតខ្សែភាពយន្ត ដែលយកតាមសៀវភៅរបស់អ្នកនិពន្ធខ្មែរអាមេរិកាំងគឺលោកស្រី អ៊ឹង លួង ដែលជាមិត្តសម្លាញ់របស់លោកស្រី Jolie ដើម្បីបញ្ជាក់ពីខ្សែជីវិតនិងការជួបប្រទះរបស់ជនដែលងាយរងគ្រោះនៅក្នុងសង្គ្រាម ហើយនិងសេចក្តីស្រលាញ់និងការយកចិត្តទុកដាក់របស់ក្រុមគ្រួសារកម្ពុជាផងដែរ។
សេចក្ដីប្រកាសព័ត៌មានរបស់សាលាក្ដីខ្មែរក្រហម បានបញ្ជាក់ថា កង្វះថវិកា បានតម្រូវឲ្យសហចៅក្រមស៊ើបអង្កេត ប្រើពេលវេលាច្រើនបន្ថែមទៀត ដើម្បីចេញដីកាដំណោះស្រាយពេញលេញពេលក្រោយ។
តារាហូលីវូដលោកស្រី Angelina Jolie ថ្លែងថា លោកស្រីមានគម្រោងឲ្យកូនប្រុសចិញ្ចឹមជនជាតិខ្មែរឈ្មោះ Maddox ជួយដឹកនាំគម្រោងសប្បុរសធម៌មួយចំនួនរបស់លោកស្រីនៅកម្ពុជា ក្រោយពេលរូបគេគម្រប់អាយុ១៨ឆ្នាំ។
លោក ឆាំង យុ ប្រធានមជ្ឈមណ្ឌលឯកសារកម្ពុជា (DC-Cam) បានសម្រេចបង្កើតទំព័រហ្វេសប៊ុកចំនួនពីរ ក្នុងនោះមួយសម្រាប់វិទ្យាស្ថានស្លឹករឹត និងមួយទៀតសម្រាប់វេបសាយស្តីពីប្រវត្តិខ្មែរក្រហម ដើម្បីបង្កើនការផ្សព្វផ្សាយនិងទទួលយោបល់ពីអ្នកប្រើប្រាស់បណ្តាញសង្គមហ្វេសប៊ុក។
ព័ត៌មានផ្សេងទៀត
No media source currently available
