លោក កុយ គួង អ្នកនាំពាក្យក្រសួងការបរទេសកម្ពុជាបានប្រាប់វីអូអេថា ទាំងអាណត្តិប្រធានរបស់ព្រុយណេនិងតំណែងជាប្រេសិតពិសេសរបស់អាស៊ានលើបញ្ហាភូមារបស់លោក Erywan Yusof អនុរដ្ឋមន្ត្រីការបរទេសព្រុយណេត្រូវបញ្ចប់នៅដំណាច់ឆ្នាំនេះ។
គណបក្សប្រឆាំងដ៏ធំបំផុតមួយនៅក្នុងប្រទេសថៃ បានអំពាវនាវឲ្យសភាថៃពិនិត្យមើលឡើងវិញនូវការប្រើប្រាស់ច្បាប់សន្តិសុខរបស់ប្រទេសនេះ ដែលក្នុងនោះ ក៏រួមមានច្បាប់ប្រមាថរាជវង្សានុវង្សថៃដ៏តឹងរឹងផងដែរ បន្ទាប់ពីមានការកើនឡើងនូវការចាប់ក្រុមអ្នកប្រឆាំងនឹងរដ្ឋាភិបាលថៃ។
បើតាមសេចក្តីប្រកាសព័ត៌មានរបស់ក្រសួងការបរទេសកម្ពុជាចេញផ្សាយជាសាធារណៈកាលពីថ្ងៃ២៨ខែតុលា ឆ្នាំ២០២១ លោកនាយករដ្ឋមន្ត្រីហ៊ុនសែនបានប្រកាសមូលបទប្រធានអាស៊ានឆ្នាំ២០២២របស់កម្ពុជា«អាស៊ានរួមគ្នាធ្វើ៖ដោះស្រាយបញ្ហាប្រឈមទាំងអស់គ្នា»។
កងយោធពល Tatmadaw (ថាម៉ាដ) របស់ប្រទេសមីយ៉ាន់ម៉ា បានវាយបង្ក្រាបកងជីវពលនៅក្នុងរដ្ឋ Chin ភាគខាងលិចប្រទេស ជាប់ព្រំដែនប្រទេសឥណ្ឌា និងបង់ក្លាដែស ជាពិសេសអ្នកកាន់គ្រិស្តសាសនា។ នេះបើតាមក្រុមកងកម្លាំងប្រដាប់អាវុធ មេដឹកសហគមន៍ និងសាសនា និងជនជាតិភាគតិច។
អាស៊ានបានសម្រេចដកមេដឹកនាំរបបយោធាលោក Min Aung Hlaing ចេញពីកិច្ចប្រជុំកំពូលអាស៊ាននៅពេលខាងមុខ។ ក្រុមប្រឆាំងស្វាគមន៍ការសម្រេចនេះ និងស្នើសុំឱ្យអាស៊ានអញ្ជើញខ្លួនជាតំណាងស្របច្បាប់របស់មីយ៉ាន់ម៉ាក្នុងកិច្ចប្រជុំកំពូលអាស៊ាននៅពេលខាងមុខ។
កាលពីសប្តាហ៍ចុងក្រោយនៃខែកញ្ញា អត្រាប្តូរប្រាក់ដុល្លារប្រែប្រួលខ្លាំងនៅពេលមានសេចក្តីត្រូវការកើនឡើងយ៉ាងគំហុកចំពោះរូបិយវត្ថុអាមេរិកាំង បានជំរុញឱ្យអត្រានេះ កើនខ្ពស់ដល់ប្រមាណ២.៧០០ kyats ស្មើនឹងមួយដុល្លារ គឺជិតពីរដងនៃអត្រានៅមុន រដ្ឋប្រហារកាលពីថ្ងៃទី១ ខែកុម្ភៈ។
មេដឹកនាំរបបយោធាមីយ៉ាន់ម៉ាលោក Min Aung Hlaing បាននិយាយនៅថ្ងៃចន្ទនេះថា របបយោធាដែលកំពុងកាន់អំណាច បានតាំងចិត្តដើម្បីសន្តិភាពនិងលទ្ធិប្រជាធិបតេយ្យ ហើយថា សមាគមអាស៊ាន (ASEAN) គួរតែពិចារណាលើការបង្កហេតុ និងអំពើហិង្សាដែលប្រព្រឹត្តិឡើងដោយក្រុមប្រឆាំងនៅមីយ៉ាន់ម៉ា។
ប្រភពមួយចំនួនបានឲ្យដឹងថា រដ្ឋមន្ត្រីការបរទេសនៃបណ្ដាប្រទេសអាស៊ាន (ASEAN) នឹងពិភាក្សាគ្នានៅថ្ងៃសុក្រស្អែកអំពីការដកមេដឹកនាំរបបយោធាមីយ៉ាន់ម៉ាលោក Min Aung Hlaing ចេញពីកិច្ចប្រជុំកំពូលអាស៊ាននៅពេលខាងមុខ។ នេះបើយោងតាមសេចក្ដីរាយការណ៍របស់ទីភ្នាក់ងារព័ត៌មាន Reuters។
រដ្ឋមន្ត្រីក្រសួងការពារជាតិម៉ាឡេស៊ីថា ម៉ាឡេស៊ីសង្ឃឹមថាមានការឯកភាពគ្នាច្បាស់លាស់មួយក្នុងចំណោមបណ្ដាប្រទេសនៅក្នុងតំបន់អាស៊ីអាគ្នេយ៍ទាក់ទិននឹងរឿងកិច្ចព្រមព្រៀង AUKUS ដែលជាកិច្ចព្រមព្រៀងសន្តិសុខថ្មីសម្រាប់តំបន់ឥណ្ឌូប៉ាស៊ីហ្វិករវាងអូស្ត្រាលី អាមេរិក និងអង់គ្លេស។
ចាប់ពីខែធ្នូទៅប្រទេសវៀតណាម គ្រោងបើកកន្លែងទេសចរណ៍សំខាន់ៗឡើងវិញដល់ភ្ញៀវទេសចរណ៍ដែលចាក់វ៉ាក់សាំងរួចមកពីបណ្តាប្រទេសដែលចាត់ទុកថា មានហានិភ័យជំងឺកូវីដ១៩តិច។
ក្រុមអង្គការសិទ្ធិមនុស្សហ្វីលីពីនបានធ្វើការតវ៉ានៅថ្ងៃពុធនេះ ដើម្បីប្រឆាំងនឹងការប៉ុនប៉ងរបស់លោក Ferdinand “Bongbong” Marcos Jr. ដែលជាកូនប្រុសរបស់អតីតមេដឹកនាំផ្តាច់ការលោក Ferdinand Marcos នៅក្នុងការប្រជែងយកតំណែងប្រធានាធិបតីហ្វីលីពីន។
ព័ត៌មានផ្សេងទៀត
No media source currently available
