លោកសម រង្ស៊ីសុំកុំឲ្យអន្តរជាតិទទួលស្គាល់រដ្ឋាភិបាលថ្មីរបស់លោកហ៊ុន សែន
ជាផ្នែកមួយនៃការស្វះស្វែងរកអន្តរាគមន៍ជាអន្តរជាតិដើម្បីកុំឲ្យសហគមន៍អន្តរជាតិទទួលស្គាល់រដ្ឋាភិបាលកម្ពុជាថ្មីនោះ មេដឹកនាំគណបក្សជំទាស់គឺលោកសម រង្ស៊ីបានជួបជាមួយមន្ត្រីអាមេរិកាំងជាច្រើននិងសហគមន៍ខ្មែរក្នុងរដ្ឋនានារបស់ស.រ.អា.ផងដែរ។ លោកបានជួបជាមួយមន្ត្រីអ.ស.ប. និងមន្ត្រីក្នុងប្រទេសអឺរ៉ុបផងដែរក្នុងដំណើរទស្សនកិច្ចពីរសប្តាហ៍របស់លោកនៅក្រៅប្រទេសនេះ ។ លោក សម រង្ស៊ីថ្លែងដូច្នេះក្នុងកិច្ចសម្ភាសន៍ជាមួយលោកសុខ ខេមរានៃវីអូអេក្នុងរដ្ឋធានីវ៉ាស៊ីនតោន៕
