លោក ឡុង ឌីម៉ង់ អភិបាលរងខេត្តព្រះសីហនុ ប្រាប់ VOA កាលពីថ្ងៃព្រហស្បតិ៍ថា នៅថ្ងៃសុក្រនេះ ជនជាតិចិនដែលមានទាំងភ្ញៀវទេសចរ និងអ្នកវិនិយោគធ្វើដំណើរតាមជើងយន្តហោះ ដោយហោះត្រង់ពីខេត្តគុនមីង ប្រទេសចិន មកកាន់ខេត្តព្រះសីហនុ។
ការរួមបញ្ជូលគ្នានៃការធ្លាក់ចុះកំណើនប្រជាជននិងភាពយឺតយ៉ាវជាងការរំពឹងទុកនៃកំណើនសេដ្ឋកិច្ចរបស់ចិនមិនមែនជាប្រផ្នូលល្អនោះទេសម្រាប់សមិទ្ធផលក្នុងពេលអនាគតរបស់ប្រទេសនេះ។
លោក Qin Gang បានបញ្ចប់ទស្សនកិច្ចអន្តរជាតិលើកទីមួយរបស់លោកនៅអាហ្វ្រិកក្នុងសប្តាហ៍ទីបីនៃខែមករា ដោយលោកបានទៅកាន់ប្រទេសប្រាំ ហើយលោកបានគូសបញ្ជាក់ថា ប្រទេសចិនមិនយល់ថា ទ្វីបនោះជាសង្វៀនមួយសម្រាប់ការប្រយុទ្ធដណ្តើមអំណាចរវាងលោកខាងលិច និងរដ្ឋាភិបាលក្រុងប៉េកាំងទេ។
បន្ទាប់ពីការចរចាអស់ពេលជិតមួយឆ្នាំមក ប្រទេសអេក្វាទ័រកាលពីពេលថ្មីៗនេះបានប្រកាសថាខ្លួនមានកិច្ចព្រមព្រៀងពាណិជ្ជកម្មសេរីមួយជាមួយប្រទេសចិនហើយ។ លោក Nestor Aguilera រាយការណ៍រឿងនេះពីប្រទេសអេក្វាទ័រ។ លោក ជឹង ប៉ូជីន សូមជូន សេចក្តីប្រែសម្រួល។
នៅថ្ងៃពុធនេះ នៅក្នុងក្រុង Zurich ប្រទេសស្វីស រដ្ឋមន្ត្រីក្រសួងហិរញ្ញវត្ថុសហរដ្ឋអាមេរិក លោកស្រី Janet Yellen និងឧបនាយករដ្ឋមន្ត្រីចិនលោក Liu He បានសន្យាថានឹងរក្សាការទាក់ទងគ្នាដោយចំហរវាងមហាសេដ្ឋកិច្ចទាំងពីរនេះ។
គូស្រករក្មេងៗជាច្រើននៅក្នុងប្រទេសចិនបានសម្រេចយកកូនតែមួយ ឬក៏មិនយកកូនតែម្ដង ដោយសារតែមានការកើនឡើងនូវការចំណាយប្រចាំថ្ងៃនៅក្នុងប្រទេសចិនដែលមានប្រជាជនសរុបចំនួន ១៤១០ លាននាក់នេះ។
នៅមុនរដូវចូលឆ្នាំចិនចូលមកដល់ ដែលនៅក្នុងឆ្នាំនេះនឹងចាប់ផ្ដើមនៅថ្ងៃទី ២១ ខែមករាខាងមុខ ប្រព័ន្ធផ្សព្វផ្សាយរដ្ឋរបស់ប្រទេសចិនបានរាយការណ៍ជាច្រើនថា មន្ទីរពេទ្យនិងគ្លីនិកនៅតាមតំបន់ជនបទនៃប្រទេសចិនកំពុងបង្កើនការផ្គត់ផ្គង់ថ្នាំពេទ្យនិងបរិក្ខារពេទ្យនានា។
ករណីនេះបានធ្វើឱ្យអង្គការ WHO និងរដ្ឋាភិបាលដទៃទៀតអំពាវនាវឱ្យរដ្ឋាភិបាលចិនផ្ដល់ព័ត៌មានបន្ថែមទៀត ខណៈដែលសហរដ្ឋអាមេរិក កូរ៉េខាងត្បូង និងប្រទេសមួយចំនួនទៀតបានអនុវត្តវិធានការរឹតបន្ដឹងលើទេសចរដែលធ្វើដំណើរមកពីប្រទេសចិន។
លោកQinបានអំពាវនាវដូចនេះនៅក្នុងសេចក្តីថ្លែងការណ៍មួយ ដែលត្រូវបានផ្សព្វផ្សាយក្រោយពេលលោកបានជួបប្រជុំជាមួយប្រធានគណៈកម្មការសហភាពអាហ្វ្រិក ដែលបានសម្តែងនូវការមិនសប្បាយចិត្តទៅលើអ្វីដែលលោកនិយាយថាជាការផាត់ចេញនូវទ្វីបអាហ្វ្រិកពីអភិបាលកិច្ចជាអន្តរជាតិ។
ជនជាតិចិនម្នាក់ដែលកំពុងសិក្សានៅទីក្រុង Boston រដ្ឋ Massachusetts សហរដ្ឋអាមេរិក ត្រូវបានចោទប្រកាន់ជាផ្លូវការដោយមហាគណៈវិនិច្ឆ័យសហព័ន្ធសហរដ្ឋអាមេរិកមួយ ពីបទលួចតាមដាននិងគំរាមពលរដ្ឋចិនម្នាក់ទៀតដោយសារតែការបិតខិត្តប័ណ្ណគាំទ្រលទ្ធិប្រជាធិបតេយ្យនៅក្នុងប្រទេសចិន។
លោក Blinken បាននិយាយថា ប្រទេសចិនបានព្យាយាម «ធ្វើឱ្យអន្តរាយអស់រយៈពេលរាប់ទសវត្សរ៍មកហើយដល់ស្ថានការណ៍បច្ចុប្បន្នជាយូរមកហើយដែលបានរក្សាសន្តិភាពនិងស្ថិរភាព [នៅច្រកសមុទ្រតៃវ៉ាន់]» ខណៈដែលសហរដ្ឋអាមេរិកចង់ពង្រឹងស្ថានភាពនេះ។
នៅថ្ងៃអង្គារនេះ ប្រទេសចិនបានចាប់ផ្ដើមសងសឹកប្រទេសកូរ៉េខាងត្បូងនិងជប៉ុន ដែលប្រទេសទាំងពីរនេះបានដាក់កំហិតរឿងជំងឺកូវីដ១៩ លើអ្នកដំណើរមកពីប្រទេសចិន។ នេះបើយោងតាមសេចក្ដីរាយការណ៍របស់ទីភ្នាក់ងារព័ត៌មាន Reuters។
ព័ត៌មានផ្សេងទៀត
No media source currently available
