Shugaban kasar Ukraine Volodymyr Zelenskyy ya ce mutane 55 ne suka mutu yayin da wasu 328 suka jikkata a a wani harin makami mai linzami da Rasha ta kai a Poltava, kan wata cibiyar horar da sojoji da kuma wani asibiti da ke kusa.
Sanarwar ta ma'aikatar lafiya ta kasar ta kara da cewa, "sakamakon hare-haren na Isra'ila, an kashe ma'aikatan jinya 25 daga tawagar motocin daukar marasa lafiya daban-daban, tare da ma'aikatan lafiya biyu, sannan ma'aikatan jinya da ma'aikatan lafiya 94 sun jikkata."
Mataimakin shugaban kasar Rigathi Gachagua ya ce yara 86 ne kawai aka gani daga cikin yara sama da 150, ya kuma bukaci al’ummar yankin da watakila suka bai wa wasunsu da ba'a gani ba mafaka da su taimaka su bayyana su.
Jaridar Wall Street Journal ta ruwaito wasu jami’ai da ba’a bayyana sunayensu ba, suna tabbatar da cewa a ‘yan kwanakin nan Iran ta ba da makamai masu linzami ga Rasha, a karkashin wani shiri da zai zama na farko na habakar kawancen soji tsakanin kawayen kasashen 2 masu adawa da yammaci.
A cewar Shugaba Xi, za a bada fiye da rabin adadin kudaden a matsayin bashi, inda za a zuba dala biliyan 11 “cikin nau’ukan tallafi daban-daban” sannan a bayar da dala biliyan 10 ta hanyar karfafa gwiwar kamfanonin China su zuba jari.
Kakakin ma'aikatar wajen Amurka Mathew Miller, ya ce Lokaci yayi da ya kamata a kammala yarjejeniyar tsagaita bude wuta, bayan da sojojin Isra’ila suka gano gawarwakin wasu mutane 6 cikin wadanda ake garkuwa da su a Gaza a karshen mako.
Gwamnatin Jamhuriyar Dimokaradiyyar Congo ta ce akalla mutum 129 ne aka kashe a lokacin da suke kokarin tserewa daga gidan yarin na Makala da ke Kinshasa babban birnin kasar da yammacin ranar Lahadi.
Za’a iya cimma yarjejeniyar samar da alluran rigakafin har miliyan 12 ya zuwa shekara mai zuwa ta 2025, gwargwadon karfin Kamfanonin da ke harhada rigakafin, a cewar sanarwar.
Shugaban Amurka Joe Biden ya ce jami'ansa sun tuntubi Isra'ila wadda ta tabbatar da gano gawarwakin a Gaza. Biden ba shi da tabbacin adadin gawarwakin. Ya kuma kara da cewa ba shi da 'yancin tantance gawarwakin a halin yanzu.
Kasar Congo ce ta fi yawan kamuwa da cutar - tare da mutane 18,000 da ake zargin sun kamu, yayin da mutane 629 suka mutu.
Da alamu dai Pyongyang ta nuna rashin amincewa da shirin China na kafa kayayyakin da za su iya watsa shirye-shiryen rediyon FM zuwa Koriya ta Arewa.
Gwamnatin Taliban ta Afghanistan da ke ganin jiragen na kasar ta Afganistan ne, sun ki amincewa da mika su ga Uzbekistan.
Domin Kari
No media source currently available
Bilkisu Nana Hassan, wata ma’aikaciyar gwamnati da ta yi ritaya a Kaduna, ta ce mata za su iya rungumar yin noma na zamani a cikin gidajensu, ba tare da sun je ko ina ba.
