WASHINGTON, DC —
Kwamishinan ‘yan sanda na Jihar Borno, Lawal Tanko, yace ya zamo musu tilas su zauna su tantance adadin dalibai mata da aka sace daga makarantar sakandaren mata ta Chibok a ranar 14 ga watan Afrilu, a bayan da aka ci gaba da samun adadin da ya sha bambam na yawan daliban da suka bace.
A hirar da yayi da wakilin Muryar Amurka, Haruna Dauda, kwamishinan ‘yan sandan ya bayyana cewa wasu daga cikin daliban da aka sace ba ma daliban wannan makaranta ta Cibok ba ne, sun je su rubuta jarrabawa ne a makarantar a bayan da aka samu matsaloli a wuraren da ya kamata suyi jarrabawar.
Lawal Tanko ya roki dukkan iyayen da wannan abu ya shafa, da su mika wa hukumomin tsaro hotuna da sunayen ‘ya’yansu da aka sace, domin ya kasance ana da cikakken bayani na wadanda suka bata da wadanda suka kubuta da kuma dukkan wadanda ba a gano su ba.
Yace hotunan zasu taimaka musu wajen gano daliban.
Kwamishinan ya bayar da wasu lambobin da za a iya kira domin a ba hukumomi duk wani bayanin da zai iya taimakawa wajen samo wadannan dalibai da aka sace
Lambobin sune: 08075897377, 08081777309, 08036121490
Game da adadin da suke da shi na yawan daliban da aka sace, kwamishinan ‘yan sandan ya ce alkalumansu sun nuna cewa dalibai 276 aka sace. Daga cikinsu, yace akwai dalibai 53 da suka kubuto, sun dauki hotunansu kuma sun dauki jawabansu. Wannan yace yana nufin akwai dalibai 223 wadanda ba a gano su ba ke nan.
Amma yace wannan adadin, iyaye ne zasu iya tabbatarwa.
A hirar da yayi da wakilin Muryar Amurka, Haruna Dauda, kwamishinan ‘yan sandan ya bayyana cewa wasu daga cikin daliban da aka sace ba ma daliban wannan makaranta ta Cibok ba ne, sun je su rubuta jarrabawa ne a makarantar a bayan da aka samu matsaloli a wuraren da ya kamata suyi jarrabawar.
Lawal Tanko ya roki dukkan iyayen da wannan abu ya shafa, da su mika wa hukumomin tsaro hotuna da sunayen ‘ya’yansu da aka sace, domin ya kasance ana da cikakken bayani na wadanda suka bata da wadanda suka kubuta da kuma dukkan wadanda ba a gano su ba.
Yace hotunan zasu taimaka musu wajen gano daliban.
Kwamishinan ya bayar da wasu lambobin da za a iya kira domin a ba hukumomi duk wani bayanin da zai iya taimakawa wajen samo wadannan dalibai da aka sace
Lambobin sune: 08075897377, 08081777309, 08036121490
Game da adadin da suke da shi na yawan daliban da aka sace, kwamishinan ‘yan sandan ya ce alkalumansu sun nuna cewa dalibai 276 aka sace. Daga cikinsu, yace akwai dalibai 53 da suka kubuto, sun dauki hotunansu kuma sun dauki jawabansu. Wannan yace yana nufin akwai dalibai 223 wadanda ba a gano su ba ke nan.
Amma yace wannan adadin, iyaye ne zasu iya tabbatarwa.
