ចិន កំពុងប្រើប្រាស់អត្ថបទរបស់ទស្សនាវដ្តីដើម្បីផ្សព្វផ្សាយការទាមទារខ្សែបន្ទាត់ព្រំដែនរបស់ខ្លួននេះតាមលោក Nguyen Thuy Anh អ្នកសិក្សាស្រាវជ្រាវជាន់ខ្ពស់។
កប៉ាល់ដឹកជញ្ជូនដែលមានប្រវែង១២៨ម៉ែត្រនេះ បានធ្វើដំណើរទៅតំបន់ថ្មប៉ប្រះទឹកនោះ ប៉ុន្មានថ្ងៃក្រោយពីរដ្ឋមន្ត្រីក្រសួងការបរទេសសហរដ្ឋអាមេរិកលោក Michael Pompeo បាននិយាយថា តំបន់ថ្មប៉ប្រះទឹកនេះមិនមែនជារបស់ទីក្រុងប៉េកាំងទេ។
ក្រុមអ្នកវិភាគនិយាយថា បណ្តាប្រទេស ដែលធ្វើការទាមទារ ស្វាគមន៍ការសន្យាគាំទ្រពីសំណាក់លោក Pompeo ប៉ុន្តែពួកគេចង់ដឹងឲ្យប្រាកដប្រជាថា រដ្ឋាភិបាលក្រុងវ៉ាស៊ីនតោននឹងមានវិធានការអ្វីឲ្យបានជាក់លាក់ មុននឹងពួកគេអាចមានទំនុកចិត្តជាងនេះ។
សហរដ្ឋអាមេរិកបាននិយាយកាលពីថ្ងៃចន្ទម្សិលមិញថា ការទាមទាររបស់ចិននៃធនធាននៅផ្ទៃទឹកស្ទើរតែទាំងអស់ក្នុងសមុទ្រចិនខាងត្បូងជា «ការខុសច្បាប់ទាំងស្រុង» ដែលជាយុទ្ធនាការរំខានយាយីរបស់រដ្ឋាភិបាលក្រុងប៉េកាំងដើម្បីត្រួតត្រាធនធានទាំងនោះ។
ទីបញ្ជាការដ្ឋានឥណ្ឌូប៉ាស៊ីហ្វិករបស់សហរដ្ឋអាមេរិកបានឲ្យដឹងថា នាវាផ្ទុកយន្តហោះ៣គ្រឿងរបស់អាមេរិក USS Theodore Roosevelt, USS Nimitz និង USS Ronald Reagan បានចូលទៅក្នុងដែនទឹកសមុទ្រចិនខាងត្បូង កាលពីចុងខែមិថុនាកន្លងទៅ។
នាវាទាហានជើងទឹករបស់សហរដ្ឋអាមេរិកចំនួនពីរគ្រឿងកំពុងធ្វើសមយុទ្ធយោធានៅសមុទ្រចិនខាងត្បូងដែលមានជម្លោះ នៅជិតនាវាទាហានជើងទឹករបស់ចិន។ មេបញ្ជាការនាវាទាហានជើងទឹករបស់សហរដ្ឋអាមេរិកម្នាក់ក្នុងចំណោមនោះបានបញ្ជាក់ប្រាប់ Reuters កាលពីថ្ងៃចន្ទ។
ប្រទេសឥណ្ឌូណេស៊ីដែលមានឥទ្ធិពលធំជាងគេនៅលើឆាកអន្តរជាតិជាងបណ្តាប្រទេសជិតខាងដទៃទៀត បានបដិសេធជាថ្មីម្តងទៀតនៅក្នុងការចរចាស្តីពីសិទ្ធិដែនសមុទ្រជាមួយចិន។
ចិនបានបញ្ជូននាវារបស់ខ្លួនទៅកាន់ព្រំដែនសមុទ្រជិតវៀតណាម ជាការព្រមានកុំឱ្យវៀតណាមលើកយកបញ្ហានេះទៅប្តឹងតុលាការអន្តរជាតិ៣ឆ្នាំបន្ទាប់ពីរដ្ឋាភិបាលក្រុងម៉ានីលបានប្តឹងតុលាការអាជ្ញាកណ្តាលអន្តរជាតិក្នុងទីក្រុងឡាអេ។
ប្រទេសវៀតណាមនិងហ្វីលីពីនបានព្រមានពីអសន្តិសុខកើនឡើងនៅអាស៊ីអាគ្នេយ៍ នៅក្នុងកិច្ចប្រជុំកំពូលមួយរបស់តំបន់ កាលពីថ្ងៃសុក្រ ខណៈមានការបារម្ភថា ប្រទេសចិនកំពុងបង្កើនសកម្មភាពនៅសមុទ្រចិនភាគខាងត្បូងក្នុងពេលមានជំងឺរាតត្បាតជាសាកល។
ប្រទេសចិនកំពុងប្រើប្រាស់ស្ពៃក្តោបដើម្បីបង្កើនការទាមទាររបស់ខ្លួននៅក្នុងសមុទ្រអាស៊ីដែលមានជម្លោះ។ កងនាវាចិនទើបតែប្រមូលផលដំណាំដែលខ្លួនបានដាំដុះដោយប្រើបច្ចេកវិទ្យាកសិកម្មលើដីខ្សាច់លើនៅលើកោះតូចនៅក្នុងសមុទ្រចិនខាងត្បូង។
ប្រទេសវៀតណាម កំពុងធ្វើជាប្រធានសមាគមប្រជាជាតិអាស៊ីអាគ្នេយ៍ដែលមានប្រទេស១០ជាសមាជិកនៅឆ្នាំនេះ។ហើយរបៀបវារៈដ៏សំខាន់របស់ជំនួបកំពូលអាស៊ាននៅឆ្នាំនេះគឺបញ្ហាសមុទ្រចិនខាងត្បូង ការរាតត្បាតនៃជំងឺកូវីដ១៩និងបញ្ហាសេដ្ឋកិច្ច។
មេបញ្ជាការកងកម្លាំងយោធាសហរដ្ឋអាមេរិកនៅក្នុងប្រទេសជប៉ុនបានថ្លែងកាលពីថ្ងៃសុក្រថា ប្រទេសចិនកំពុងប្រើវិបត្តិជំងឺកូវីដ១៩ ដើម្បីលាក់បាំងនូវយុទ្ធនាការជំរុញការទាមទារអធិបតេយ្យភាពនៅក្នុងដែនទឹកសមុទ្រចិនភាគខាងត្បូង។
ព័ត៌មានផ្សេងទៀត
No media source currently available
